أيث-ؤفسوس 1:14 - ثريفيث 2020

¹⁴ أَرُّوْح-أَ نتَّا ذ يجّن ن ڒْعَرْبُوْن يضمّن لْوَارث نّغ اَڒ غَا ث نطّف ثُمَّا أَ نحْمذ أَربِّـي خ لْعَظَمَا نّس.

أيث-ؤفسوس 1:14 Խաչաձեւ Հղումներ

لوقا 21:28

خْمِي غَا يبْذَا اَذ يوْقع مَانَايَا، بدّث سْݣَعّذث اَزدْجِيف نْوم مِينْزِي عْڒَاين اَذ تْنجْمم."

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

ڒخذايم 20:32

آي اَيثْمَا، ڒخُّو اَخَاوم ودِّيغ، إِڒِيث اَݣ أَربِّـي ذ وَاوَاڒن ن أَرْضَا نّس. أَوَاڒن-أَ ذَايْسن ثِزمَّار اَذَاوم ؤُشن جّْهذ اَذَاوم ؤُشن ڒْوَاڒث اَك مَارَّا ڒْمُوْمِنِين صَّالِحِين.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

1 أيث-كورينث 1:30

أُو نتَّا ذ سَّبَاب إِي زِي ثدْجَام كنِّيو ذِي عِيْسَى لْمَسِيح. ئِݣِّي-ث أَربِّـي نتَّا ذ ڒفْهَامث نّغ، يعْنِي نتَّا ذَايس صُّلْح نّغ ذ وصفِّي نّغ ذ وفكِّي نّغ.

22 أيث-كورينث 5:5

وِي ذَانغ يسْوجْذن إِ مَانَاينِّي؟ نتَّا ذ أَربِّـي، يُوْشَا-ٱنغ-د أَرُّوْح نّس ذ يجّن ن تّسْبِق.

أيث-ݣلاطيا 4:6

وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

أيث-ؤفسوس 1:12

حمَا نشِّين إِي يُوْمْنن ذ يمزْوُوْرَا ذِي لْمَسِيح أَ نحْمذ أَربِّـي خ لْعَظَمَا نّس.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.