أيث-كولوس 3:11 - ثريفيث 2020

¹¹ وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

أيث-كولوس 3:11 Խաչաձեւ Հղումներ

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 15:5

نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو.

يوحنا 17:23

شك اَقَاش ذَايِي نش اَقَايِي ذَايْسن، حمَا اَذ مُوْنن اَذ يڒِين ذ يجّن. حمَا اَذ سّْنن يِوْذَان قَا شك ثسّكّذ-اَيِي-د غَار يمحْضَارن-أَ، تْحِبِّيذ-ثن اَمشْنَاو مَامّش ذَايِي تْحِبِّيذ نش.

ڒخذايم 15:17

بَاش ينِّي يقِّيمن زݣ يِوْذَان اَذ رْزُوْن خ سِيذِي أَربِّـي، بَاش مَارَّا يِنِّي وَار يدْجِين شَا زِي أَيث-إِسْرَائِيل يِنِّي إِي ييْسِين يسم ينُو اَخَاس رْزُوْن. أَمُّو يقَّار سِيذِي أَربِّـي ثِمسْڒَايِين-أَ إِي دْجَانْت زِي زْمَان، ڒخُّو يسْمظْهَار-يثنْت-يد."

ڒخذايم 28:2

ئِبَرْبَرِيْين ن ثْمُوْرْث نِّي ݣِّين ذَايْنغ ڒْخِير اَطَّاس. رحْبن زَّايْنغ مَارَّا، شعّْڒن-اَنغ ثِمسِّي مِينْزِي تُوْغَا ثسْمض عَاوذ يشَّاث ونْࢲَار.

ڒخذايم 28:4

وَامِي ࢲْرِين يبَرْبَرِيْين فِيغر يڒْسق ذݣ وفُوْس ن بُوْلُس، نَّان جَارَاسن: نِيشَان اَرْيَاز-أَ وَانِيتَا ينْغَا شَان يِجّن. أَربِّـي نّغ ؤُمِي قَّارن <لْإِرَادَا> وَار ث يجِّي شَا اَذ يدَّر وَاخَّا ينْجم زِي ڒبْحَر.

أيث-روما 1:14

لِأَنَّا أُو لَابُد اَذ ݣّغ لْوَاجِب اَك ييُوْنَانِيْين ذ يِنِّي وَار يدْجِين شَا ذ ييُوْنَانِيْين، أَك يِنِّي يغْرِين ذ يِنِّي وَار يغْرِين شَا.

أيث-روما 10:12

لِأَنَّا وَار ذِنِّي بُو ڒْفَارْق جَار يئِسْرَائِيليْين ذ يِنِّي وَار يدْجِين شَا زِي أَيث-إِسْرَائِيل مِينْزِي سِيذِي أَربِّـي ذ يجّن، أَقَاث خَانغ مَارَّا. ئِتنْفيَّاض-د ڒْخِير نّس خ مَارَّا ونِّي خَاس يتْڒَاغَان.

أيث-روما 3:22

يعْنِي، أَربِّـي يسمْصْڒَاح اَكِذس مَارَّا ونِّي يتَامْنن زِي عِيْسَى لْمَسِيح، وَار يتْفرَّق جَار يِوْذَان. أَقَا مَارَّا عْصَان أَربِّـي، تْوَاحَرَّامن زِي لْعَظَمَا نّس.

أيث-روما 3:29

إِيوَا أَربِّـي، مَا نتَّا ذ أَربِّـي ن أَيث-إِسْرَائِيل وَاهَا؟ لَّا! مَا وَار يدْجِي ؤُڒَا ذ أَربِّـي ن يِوْذَان وَار يدْجِين شَا زِي أَيث-إِسْرَائِيل؟ وَاه، ذ أَربِّـي نْسن ؤُڒَا ذ نِثْنِي.

1 أيث-كورينث 12:13

لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

1 أيث-كورينث 14:11

إِيوَا مڒَا نش وَار سِّينغ شَا ڒْمَعْنَا ن لُّغَا نِّي، أَتَاف نش اَذ يڒِيغ اَم يِجّن ذ اَبَرَّانِي اَك ونِّي يسَّاوَاڒن اَتَاف نتَّا عَاوذ اَكِذِي يِيڒِي اَم يِج وبَرَّانِي.

1 أيث-كورينث 7:19

مڒَا يتْطهَّار نِغ وَار يتْطهِّير شَا، مَانَاينِّي يتْوَاحْسَاب ذ وَالُو. مڒَا يتݣّ س ڒُوْصِيَاث ن أَربِّـي ذ مَانَاينِّي إِݣ يتْوَاحْسَابن.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ؤفسوس 1:23

جْمَاعث-أَ نتَّاث إِي يدْجَان ذ دَّات ن لْمَسِيح أُو زَّايس نتَّاث إِي يشُّوْر يِيخف نّس أُو ذ نتَّا إِي يشُّوْرن مَارَّا ذِي مِين ذِي مَا.

أيث-ؤفسوس 2:14

شُوْف، لْمَسِيح نتَّا س يِيخف نّس ذ ڒهْنَا نّغ. ذ نتَّا إِݣ يسْمُوْنن أَيث-إِسْرَائِيل ذ ڒݣْنُوْس نّغْنِي يݣَّا ثْنَاين ن شُّعُوْب-أَ ذݣ يِجّن ن شَّعْب. س دَّات ن لْمَسِيح يهْذم ڒْحِيض نِّي إِي تُوْغَا ذَانغ يفرّْقن س لْعَدَاوَا جَارَانغ.

أيث-ؤفسوس 2:15

س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-ؤفسوس 6:8

ئِتْخصَّا كنِّيو اَذ تسّْنم مَارَّا ڒْخِير إِي غَا ثݣّم اَكنِّيو يجَزَا خَاس سِيذِيثْنغ وَاخَّا كنِّيو ذ يسمْغَان نِغ ذ أَيثْبَاب نْسن.

أيث-كولوس 2:10

كنِّيو ثُوْذَارْث نْوم ثكْمَاڒ اَك لْمَسِيح يدْجَان نتَّا ذ اَزدْجِيف يتْرَايَّان خ مَارَّا يِنِّي يحكّْمن ذ يِنِّي يجهْذن.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.