أيث-كولوس 3:10 - ثريفيث 2020

¹⁰ ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

أيث-كولوس 3:10 Խաչաձեւ Հղումներ

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أيث-روما 13:12

دْجِيڒث اَقَا ثعْذُو، نْهَار اَقَا يُوْوض-د. خ مَانَايَا لَابُد أَ نكّس ڒحْوَايج ن ثَادْجسْت، أَ نݣّ اَرُّوْض ن نُّور ن ڒحْذِيذ.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 4:16

خ مَانَايَا نشِّين وَار نْتفْشِيڒ شَا. وَاخَّا طَّبِيعَا ن دَّات نّغ غَار بَارَّا تْرَاح، طَّبِيعَا نّغ غَار ذَاخڒ تجْهِيذ نْهَار خ نْهَار.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ݣلاطيا 3:27

لِأَنَّا كنِّيو إِݣ يتْوَاطهَّارن س وَامَان بَاش اَذ تِيڒِيم ذِي لْمَسِيح، أَقَا ثْمُوْنم كنِّيو ذ يجّن اَكِذس.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 2:15

س دَّات نّس يسْبطّڒ شَّرِيعَا نِّي س ڒُوْصِيَاث نّس ذ لْقَوَانِين نّس بَاش اَذ يݣّ ذݣ يِيخف نّس يجّن ن شَّعْب وَاحْذس ذ جْذِيذ ذݣ ومْشَان ن ثْنَاين ن شُّعُوْب نِّي. أَمنِّي يݣَّا ڒهْنَا.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

أيث-كولوس 3:14

كْتَار مَارَّا زِي ثْمسْڒَايِين-أَ ثِيْنَا يتْخصَّا اَذ تسْخذْمم ڒمْحِبّث جَارَاوم مِينْزِي ڒمْحِبّث-أَ تَاس-د اَم يِجّن ن وسْغُوْن إِݣ يسْمُوْنن مَارَّا ثِمسْڒَايِين-أَ ذݣ يِشْتن.

ثبرات غار فليمون 1:6

تتَّارغ إِ أَربِّـي خ ثمْعَاشَرْث نّغ ذِي لْإِيمَان اَش ثَاوِي غَار يِجّن ن ڒفْهَامث ثكْمَاڒ خ كُڒ ثَمسْڒَايْث ثَصبْحَانْت إِݣ يدْجَان غَارْنغ ذِي لْمَسِيح.

يعيبرانيين 6:6

يِيْنَا مڒَا فّْغن اَبْرِيذ، وَار يدْجِي وِي ثن د غَا يَارّن غَار تُّوْبَا. مَايمِّي؟ لِأَنَّا يِيْنَا اَذ يڒِين اَم تْصلَّابن مِّيس ن أَربِّـي عَاوذ خ صَّلِيب تْعيَّابن-ث زَّاث إِ يِوْذَان.

1 يوحنا 2:3

مَامّش غَا نݣّ نشِّين أَ نفْهم بلِّي نسّن-يث؟ قَا ث نسّن مڒَا نتْطَاعَا-ٱسنْت إِ ڒُوْصِيَاث نّس.

1 يوحنا 2:5

وَلَكِن ونِّي إِݣ يتْطَاعَان إِ وَاوَاڒ نّس، أَقَا وَانِيتَا ذ صَّح ثجِّيون زَّايس ڒمْحِبّث ن أَربِّـي. مَامّش غَا نݣّ نشِّين أَ نسّن إِلَّا نْزدّغ ذَايس؟

لواحي ن يوحنا 21:5

ينَّا-ٱيِي ونِّي يقِّيمن خ لْعَرْش: "أَذ ݣّغ كُڒْشِي ذ جْذِيذ!" أُوْشَا ينَّا: "أَرِي مَانَايَا قَا اَوَاڒن-أَ ذَايْسن ڒَامَان ذَايْسن ڒْحَقّ."