أيث-كولوس 2:13 - ثريفيث 2020

¹³ فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ طَّبِيعَا نْوم وَار يطهَّارن شَا، وَلَكِن أَربِّـي يسدَّر-د كنِّيو اَك لْمَسِيح وَامِي ذَانغ يغْفَر قَاع ڒْمُعْصِيَاث نّغ.

أيث-كولوس 2:13 Խաչաձեւ Հղումներ

لوقا 15:32

ڒخُّو يتْخصَّا-ٱنغ أَ نْفَرح أَ نزْهُو اَطَّاس مِينْزِي ؤُمَاش تُوْغَا يمُّوْث، ڒخُّو يدَّر. تُوْغَا يودَّار، ڒخُّو يتْوَاف."

لوقا 9:60

ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 6:63

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

أيث-روما 4:17

مَامّش يقَّار لْكِتَاب: <أَرِّيغ-شك ذ جدِّيثْسن إِ وَاطَّاس ن ڒݣْنُوْس.> ذِنِّي بْرَاهِيم زَّاث إِ أَربِّـي إِي زِي يتَامن، يعْنِي ونِّي د يسْنكَّرن يِنِّي يمُّوْثن، يعْنِي ونِّي د يخڒْقن مِين عمَّارْص وَار يدْجِين.

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

1 أيث-كورينث 15:36

آ ونِّي وَار يفْهِيمن، ثَحبُّوْيْث نِّي إِي ثْزرّْعذ اَذ تمّث زَعْمَا سْوَادَّاي ن وشَاڒ، منْبَعْد اَذ تغْمِي.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 5:19

يعْنِي أَربِّـي يݣَّا ذِي لْمَسِيح بَاش اَذ يسمْصْڒَاح يوْذَان اَكِذس، وَار خَاسن يحسّب شَا ڒْمُعْصِيَاث نْسن. عَاوذ أَربِّـي يكلّف خَانغ اَوَاڒ-أَ وَانِيتَا ن صُّلْح.

أيث-ؤفسوس 2:1

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم.

أيث-ؤفسوس 2:11

إِيوَا عقْڒث بلِّي كنِّيو تُوْغَا ثدْجَام زݣ يِنِّي يتْوَاسمَّان ذ لْكُفَّار زَعْمَا، وَار ثݣِّيم شَا طَّهَارث. أَمنِّي إِي قَّارن ينِّي يتݣّن طَّهَارث (يعْنِي غِير مِين تݣّن ذِي دَّات س يفَاسّن ن بْنَاذم وَاهَا).

أيث-ؤفسوس 5:14

مِينْزِي ذ نُّوْر إِي د يسْمظْهَارن مَارَّا. خ مَانَايَا يقَّار لْكِتَاب: <فَاق شك آ ونِّي يتطّْصن كَّار-د زِي ڒْموْث، أَخَاك يشعْشع لْمَسِيح س نُّوْر نّس.>

أيث-كولوس 2:12

يعْنِي ثنْضْڒم اَكِذس س طَّهَارث نْوم ذݣ وَامَان، أُو عَاوذ س طَّهَارث نْوم ذݣ وَامَان ثكَّارم-د اَكِذس زِي ڒْموْث س لْإِيمَان نْوم ذِي ثْزمَّار ن أَربِّـي ونِّي د يسكَّرن عِيْسَى زِي ڒْموْث.

1 تيموتاوس 5:6

وَلَكِن ثنِّي يتْعِيشن ذِي شّهْوث وَاهَا، قَا نتَّاث ثمُّوْث وَاخَّا ثدَّر.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

يعيبرانيين 6:1

خ مَانَايَا وَار نتْغِيمِيث شَا ذِي تَّعْلِيم-أَ اَمزْوَارُو خ لْمَسِيح، أَ نُوْيُوْرث غَار زَّاث بَاش أَ نمْغَر. وَار نْتَاعْقِيب شَا غَار دْسَاس. يعْنِي وَار نسَّاوَاڒ شَا عَاذ خ تُّوْبَا نِّي ن سَّايِأَث، نِغ خ مَامّش غَا نݣّ أَ نَامن زِي أَربِّـي،

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

ثبرات غار يعقوب 2:17

لْإِيمَان نّش اَمنِّي مڒَا وَار د يسْبيّن شَا ڒخْذَايم نّس يتْوَاحْسَاب يمُّوْث.

ثبرات غار يعقوب 2:20

آي اَرْيَاز، شك ثْقفْڒذ! مَا نش اَذَاوم د سْبيّْنغ بلِّي لْإِيمَان بْڒَا ڒخْذَايم وَار ذَايس بُو نّْفَع؟

ثبرات غار يعقوب 2:26

شُوْف، دَّات ن بْنَاذم بْڒَا بُوْحْبڒ ثمُّوث، أَمنِّي لْإِيمَان بْڒَا ڒخْذَايم يمُّوْث.

1 يوحنا 2:12

آ يحنْجِيرن، نش ؤُرِيغ-اَوم-د ڒَاحقَّاش ڒْمُعْصِيَاث نْوم تْوَاغْفَرنْت-اَوم س يِيْسم نّس.