أيث-كولوس 1:16 - ثريفيث 2020

¹⁶ زَّايس نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا.

أيث-كولوس 1:16 Խաչաձեւ Հղումներ

يوحنا 1:10

نُّوْر نِّي تُوْغَا ئِدْجَا ذِي دُّنشْت. وَاخَّا ذ نتَّا إِݣ يݣِّين دُّنشْت، أَيثْبَاب ن دُّنشْت وَار ث سِّينن شَا.

يوحنا 1:3

زَّايس إِي د يخْڒق أَربِّـي مَارَّا، أُو بْڒَا اَوَاڒ نِّي وَار تِيڒِي ؤُڒَا ذ يجّن ن ثْمسْڒَايْث زِي مِين د يخْڒق.

أيث-روما 11:36

أَقَا مَارَّا يُوْسَا-د يكَّا-د زَّايس، كُلْشِي نّس. أَغَارس ثِيڒِي لْعَظَمَا إِ نتَّا إِ ڒبْدَا. آمِين.

أيث-روما 8:38

أَقَا نش متْأَكّد بلِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن وَار ثْزمَّر اَذَانغ ثعْزڒ زِي ڒمْحِبّث ن أَربِّـي إِي د يمظْهَارن ذِي سِيذِيثْنغ عِيْسَى لْمَسِيح: ڒَا ذ ڒْموْث، ڒَا ذ ثُوْذَارْث، ڒَا ذ لمَلَائِكَاث، ڒَا ذ شَّيَاطِن، ڒَا ذ جْنُوْن، ڒَا ذ مِين يدْجَان ڒخُّو، ڒَا ذ مِين د غَا يَاسن، ڒَا ذ مِين يُوْعْڒَان، ڒَا ذ مِين يُوْدْجْغن، ؤُڒَا ذ شَا ن ڒْحَاجث نّغْنِي.

أيث-روما 9:5

ؤُسِين-د زِي سَّلَف صَّالِحِين، أُو زݣ وࢲْور نْسن إِي د يُوْسَا لْمَسِيح ذ دَّات ذ بْنَاذم. أَربِّـي يتْوَاحْمذ إِ ڒبْدَا، ونِّي يحكّْمن خ مَارَّا. آمِين.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

أيث-ؤفسوس 1:10

ڒْمَعْنَا-يَا ينُوْفَّرن يخطّط-يت-يد بَاش اَذ تبْذَا ثْصدْجَاح ذِي ڒْوقْث نّس نِيشَان بَاش اَذ يسْمُوْن أَربِّـي مَارَّا ثِمسْڒَايِين ذِي لْمَسِيح، يعْنِي ثِمسْڒَايِين ذݣ وجنَّا ذ ثْمُوْرْث.

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

أيث-فيليـپـي 2:10

بَاش خ يِيسم نِّي ن عِيْسَى اَذ ركْعن مَارَّا خ يفَادّن نْسن، يِنِّي يدْجَان ذݣ وجنَّا ذ يِنِّي يدْجَان ذِي ثْمُوْرْث ذ يِنِّي يدْجَان سْوَادَّاي ن ثْمُوْرْث.

أيث-كولوس 1:15

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

أيث-كولوس 1:20

ثُمَّا يسمْصْڒَاح أَربِّـي قَاع ثِمسْڒَايِين إِ يِيخف نّس إِݣ يدْجَان ذِي ثْمُوْرْث نِغ ذݣ وجنَّا يعْنِي يݣَّا ڒهْنَا س يذَامّن ن مِّيس إِي يُوْزّْڒن خ صَّلِيب.

أيث-كولوس 2:10

كنِّيو ثُوْذَارْث نْوم ثكْمَاڒ اَك لْمَسِيح يدْجَان نتَّا ذ اَزدْجِيف يتْرَايَّان خ مَارَّا يِنِّي يحكّْمن ذ يِنِّي يجهْذن.

أيث-كولوس 2:15

أَربِّـي يكّس ثِزمَّار نِّي ن يِنِّي يحكّْمن ذ يِنِّي يجهْذن يَارِّي-ثن اَخَاسن فُوْرّْجن يِوْذَان يفْضح-يثن يرْبح-يثن خ صَّلِيب.

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.

يعيبرانيين 2:10

زِي أَربِّـي إِي تِيڒِينْت مَارَّا ثِمسْڒَايِين-أَ أُو نتَّا ؤُمِي تِيڒِينْت. ذ أَربِّـي نتَّا إِي يَارِّين عِيْسَى وَار ذَايس بُو ڒْعِيب س ڒَعْذَاب نِّي نّس إِي خَاس يعْذُوْن حمَا أَربِّـي اَذ د يَاوِي اَطَّاس ن ثَارْوَا غَار لْعَظَمَا نّس. غَارس ڒْمَعْنَا مَانَايَا ڒَاحقَّاش عِيْسَى نتَّا ذ زَّعِيم ن وسنْجم ن ثَارْوَا-يَا.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.