أيث-كولوس 1:10 - ثريفيث 2020

¹⁰ حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 1:10 Խաչաձեւ Հղումներ

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 15:8

أَذ تَارْوم يزكُّوْنن اَطَّاس، أَذ تِيڒِيم ذ يمحْضَارن ينُو. س مَانَايَا يتْوَاسمْغَار بَابَا.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 4:12

أُو نتَّا ذ جدِّيثْسن عَاوذ ؤُڒَا ن يِنِّي يݣِّين طَّهَارث، وَلَكِن مَاشِي ݣِّين طَّهَارث أُو صَافِي. لَّا، ئِتْخصَّا-يَاسن اَذ ذفَّارن ڒَاثَار ن لْإِيمَان مَامش تُوْغَا يدْجَا غَار جدِّيثْنغ بْرَاهِيم وَامِي تُوْغَا عَاذ وَار يݣِّي بُو طَّهَارث.

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

22 أيث-كورينث 5:9

خ مَانَاينِّي مِيخف نْرزُّو؟ نْرزُّو اَخَاس نَارْضَا وَاخَّا نْزدّغ ذِي دَّات-أَ ن دُّنشْت-أَ نِغ نْتَاݣّْوَاج زَّايس.

22 أيث-كورينث 9:8

أَربِّـي نتَّا يزمَّر اَكنِّيو يسْفيّض س لْبَرَاكَا بَاش اَتَاف ڒبْدَا اَغَارْوم يِيڒِي مِين تحْذَاجَام مَارَّا ثُمَّا اَذ تَرْنِيم اَطَّاس ذِي مَارَّا ڒْخذْمث ثَصبْحَانْت.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

أيث-ؤفسوس 5:10

ميّْزث عَاوذ مِين ذَاس يتعْجِيبن إِ سِيذِي أَربِّـي.

أيث-ؤفسوس 5:15

إِذن فَا، رَجْعَاث يخف نْوم خْزَرث مَامّش إِي غَا ثْعِيشم. مَاشِي اَذ تْعِيشم اَم يِنِّي إِي ذِي ثدْجَا ڒقْفَاڒث؛ لَّا، عِيشم اَم يِنِّي إِي ذِي ثدْجَا ڒفْهَامث.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 4:18

طّْفغ ڒْمُوْنث ثكْمَاڒ زَّايْوم أُو كْتَار عَاذ. ثْذبَّرم-اَيِي-د مْلِيح وَامِي قبْڒغ زݣ وُوْمَاثْنغ پَـارْفُوْلِيتُس لْهَدِيَاث نِّي إِي ذَايِي د ثسّكّم. نِثنْتِي اَم يِجّن صّذْقث ثتْفُوْح ذ يِجّن ن دْبِيحث إِي غَا يقْبڒ أَربِّـي إِي ذَاس غَا يعجْبن.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

أيث-كولوس 2:6

إِذن، مَامّش ثْقبْڒم عِيْسَى لْمَسِيح اَمنِّي إِي غَا ثْعِيشم.

أيث-كولوس 3:20

آي يحنْجِيرن، طَاعم إِ لْوَالِدِين نْوم ذِي مَارَّا ثِمسْڒَايِين مِينْزِي مَانَايَا يتْعجِيب-اَس إِ سِيذِي أَربِّـي.

أيث-كولوس 4:5

عِيشث س ڒفْهَامث اَك يِنِّي يدْجَان غَار بَارَّا نْوم وَار يُوْمِينن شَا، سْتَغلَّام ڒْوقْث نْوم مْلِيح.

1 أيث-سلونيك 2:12

بَاش اَذ تُوْيُوْرم س يِجّن ن ثِيشْرِي إِي ذَاس يتِيشّن لْقِيمَا إِ أَربِّـي إِݣ يسْذَاهدْج نتَّا يعْنِي ونِّي إِي ذَاوم د يتْڒَاغَان غَار ڒْمُلْك نّس ذ لْعَظَمَا نّس.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

2 تيموتاوس 2:4

وَار ذِنِّي بُو شَان وعسْكَارِي إِݣ يتمْخُوْمْبُوْرن ذِي دُّوْر نّس ذِي ثْمسْڒَايِين ن دُّنشْت-أَ ڒَاحقَّاش يرزُّو اَذ يَارْضَا خ ونِّي إِي ث يَارِّين ذ اَعسْكَارِي.

ثبرات غار تيتوس 3:1

سْفكَّر إِ ڒْمُوْمِنِين اَذ ݣّن اَرَّاي إِ ڒْحُكَّام ذ ڒْمخْزن، أَذَاسن طَاعن اَذ يڒِين وجْذن إِ كُڒ ڒْخذْمث ذ ثَصبْحَانْت.

ثبرات غار تيتوس 3:14

ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

يعيبرانيين 11:5

س لْإِيمَان يكَّر نَّبِي أَخْنُوْخ يتْوَاخْضف غَار وجنَّا حمَا وَار يتْوِيڒِي شَا ڒْموْث. وَار ث ؤُفِين شَا، ئِيْسِي-ث أَربِّـي غَارس. أُو قْبڒ مَا ٱذ يتْوَاخْضف يتْوَاشكَّر اَم يِجّن يَارْضَا خَاس أَربِّـي.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

2 بطرس 1:8

شُوْف، كنِّيو مڒَا ذَايْوم ثِمسْڒَايِين-أَ اَذَايْسنْت ثَرنِّيم، أَتَاف اَذَايْوم يِيڒِي نّْفَع اَذ تَارْوم عَاوذ ذِي ثُوْسْنَا ن سِيذِيثْنغ عِيْسَى لْمَسِيح.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

1 يوحنا 3:22

أَتَاف اَزَّايس نقْبڒ مَارَّا مِين ذَاس غَا نتَّار نشِّين ڒَاحقَّاش نتْطَاعَا ڒُوْصِيَاث نّس نْتݣّ مِينْخف يرطَّا نتَّا.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

3 يوحنا 1:6

شهْذن خَاك ذَانِيتَا زَّاث إِ جْمَاعث خ ڒمْحِبّث نّش. أَذ تݣّذ مْلِيح عَاوذ مڒَا ثْذبَّارذ خَاسن خ وبْرِيذ نْسن عْلَاحْسَاب مِين يتحْذَاجَا أَربِّـي.