ڒخذايم 9:16 - ثريفيث 2020

¹⁶ نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."

ڒخذايم 9:16 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:9

سّنِّي اَكنِّيو سلّْمن يِوْذَان حمَا اَكنِّيو عدّْبن، أَكنِّيو نْغن. مَارَّا دُّوَل اَكنِّيو عِيفّن عْلَاحْسَاب يسم ينُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:11

سَّعْذ نْوم مڒَا تْزَوَارن-كنِّيو، عدّْبن-كنِّيو، نِغ نَّان ذَايْوم ڒْعِيب س يخَارِّيقن خ سَّبَاب ينُو.

يوحنا 15:20

فكَّرث ذݣ وَاوَاڒ إِي ذَاوم نِّيغ يعْنِي اَخدَّام وَار يدْجِي شَا ذ اَمقّْرَان زݣ ؤُوقَّاف نّس. مڒَا عدّْبن-اَيِي، أَتَاف اَكنِّيو عدّْبن. مڒَا سْڒِين إِ وَاوَاڒ ينُو، أَتَاف اَذ سْڒن عَاوذ إِ وَاوَاڒ نْوم.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

ڒخذايم 21:11

ئِقَارّب-د غَارْنغ ييْسِي اَحزَّام ن بُوْلُس، ئِشدّ يضَارن ذ يفَاسّن إِ يِيخف نّس ينَّا: "ئِقَّار أَرُّوْح يقدّْسن: أَمُّو يسْرَائِيلِيْين ن لْقُدْس اَذ قّْنن بَاب ن ؤُحزَّام-أَ، أَث سلّْمن إِ يِنِّي وَار يدْجِين شَا زِي أَيث-إِسْرَائِيل."

ڒخذايم 21:13

ينَّا-ٱنغ: "مِين كنِّيو يُوْغِين؟ مَايمِّي إِي ذَايِي ثحْفَرم ذݣ وُوْڒ س يمطَّاون نْوم؟ نش اَقَايِي مُوْجُوْد مَاشِي اَذَايِي قّْنن وَاهَا. نش اَقَايِي مُوْجُوْد اَذ مّْثغ ذِي لْقُدْس عْلَاحْسَاب يسم ن سِيذِيثْنغ عِيْسَى!"

ڒخذايم 21:4

وَامِي نرْزُو خ يمحْضَارن، نُوْفِي-ثن ذِنِّي نقِّيم اَكِذْسن سبْعِيَّام. عْلَاحْسَاب مِين عڒْمن نِثْنِي زِي أَرُّوْح، قَّارن-اَس إِ بُوْلُس وَار تْݣَعَّاذ شا شك غَار ثنْدِينْت ن لْقُدْس.

ڒخذايم 9:14

ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."

ڒخذايم 9:6

ينَّا-ٱس: "كَّر اَذف غَار ثنْدِينْت، أَذَاش يتْوَانَّا ذِنِّي مِين يتْخصَّا اَذ تݣّذ."

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

1 أيث-سلونيك 3:3

نسّكّ-يث حمَا ؤُڒَا ذ يجّن وَار يترْجِيجِي شَا س ڒمْحَاين-أَ نْوم؛ أَقَا ثسّْنم بلِّي مَانَايَا إِي خَانغ يُوْرِين.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

2 تيموتاوس 3:11

ذ وعدّب ينُو ذ تَمَارَا ينُو. ثسّْنذ مِين ذَايِي يوقْعن ذِي ثنْدِينْت ن وَانْطَاكْيَا ذ إِكُوْنْيَا ذ لِيْسْتْرَا ذ مِين تْوَاعدّْبغ ذݣ يمُوْشَان نِّي. إِنَّمَا، ئِسفْڒث-اَيِي-د سِيذِيثْنغ زِي مَارَّا مَانَاينِّي.

1 بطرس 4:14

مڒَا يوْذَان تُوْكَّارن-كنِّيو عْلَاحْسَاب يسم ن لْمَسِيح اَتَاف سَّعْذ نْوم، مِينْزِي أَرُّوْح ن لْعَظَمَا ذ أَرُّوْح ن أَربِّـي يمَارْس-د خَاوم.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.