ڒخذايم 8:20 - ثريفيث 2020

²⁰ ئِكَّر بُطْرُس ينَّا-ٱس: "لَّا، جْمع نُّقَارْث نّش قَا اَذ تِيڒِي ذ ثِمسِّي اَكِذش ذِي ڒفْنَا مِنْزِي ثنْوِيذ اَذ تسْغذ لْهَدِيَا ن أَربِّـي س تْمنْيَاث!

ڒخذايم 8:20 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:8

سْݣنْفَام يمهْڒَاش، سْفَاقم-د يِنِّي يمُّوْثن، سِيصْفَام يِنِّي إِݣ يدْجَا جْذَام، سُوْفْغم جْنُوْن. مَانَايَا يمُّوْش-اَوم بَاطڒ، ؤُڒَا ذ كنِّيو ؤُشم-ث بَاطڒ!

أَسڒْمذ ن سِيذِيثْنغ عِيْسَى لْكِتَاب ن مَتَّى 15:19

ڒَاحقَّاش زݣ وُوْڒ إِي زِي د تكَّانْت لْأَفْكَار ثِعفَّانِين ذ ثْمنْغِيْوْث ذ زّْنَا ذ لْفَسَاد ذ ثُوْكَّارْذَا ذ ࢲُّوْر ذ ڒْبَاطڒ.

ڒخذايم 1:18

س تْمنْيَاث نّس إِݣ يطّف ن لْحَرَام، ئِرُوْح يسْغَا زَّايْسنْت يجّن ن ثْمُوْرْث. ذِنِّي إِي يوْضَا س جّْهذ خ وُوْذم نّس، ئِدُّوْقّز-اَس وعدِّيس منْضَارن-اَس-د مَارَّا وَاذَان نّس.

ڒخذايم 10:45

ڒْمُوْمِنِين زݣ أَيث-إِسْرَائِيل إِي د يُوْسِين اَك بُطْرُس قِّيمن تْعجّْبن وَامِي ؤُفِين أَرُّوْح يقدّْسن يتْوَافيّض ؤُڒَا خ يِنِّي وَار يدْجِين شَا ذ يسْرَائِيلِيْين.

ڒخذايم 11:17

إِيوَا مڒَا يُوْشَا-ٱسن أَربِّـي إِ نِثْنِي اَمشْنَاو مِين ذَانغ يُوْشَا إِ نشِّين وَامِي نُوْمن زِي سِيذِيثْنغ عِيْسَى لْمَسِيح، مِين عْنِيغ نش بَاش اَذ عَارّْضغ إِ أَربِّـي؟"

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 8:19

ينَّا-ٱسن: "ؤُشم-اَيي ؤُڒَا ذ نش جّْهذ-أَ حمَا ونِّي إِي خف غَا سرْسغ يفَاسّن ينُو اَذَاس يمُّوْش أَرُّوْح يقدّْسن."

ڒخذايم 8:22

تُوْب زِي شَّرّْ نّش، تَّار إِ سِيذِي أَربِّـي يمْكن اَذَاش يغْفَر مِين ثنْوِيذ ذݣ وُوْڒ نّش.

1 تيموتاوس 6:9

يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

ثبرات غار يعقوب 5:3

دّْهب نْوم ذ نُّقَارْث نْوم اَرْشَانْت، ثَرْشِيث نِّي اَذ تشْهذ ضد نْوم اَذ تشّ اَيْسُوْم نْوم اَم ثْمسِّي. كنِّيو ثْخزّْنم اَݣْڒَا س وَاطَّاس إِ يِيخف نْوم ذِي ڒْعَهذ-أَ اَنݣَّارُو.

لواحي ن يوحنا 18:15

ئِسبَّابن نِّي إِي كِذس ݣِّين اَݣْڒَا س سّڒْعَاث نِّي اَذ بدّن غَار ڒݣّْوَاج س ثِيݣّْوْذِي زِي ڒَعْذَاب نِّي، أَذ رُوْن اَذ حزْنن.