ڒخذايم 6:14 - ثريفيث 2020

¹⁴ نسْڒَا-يَاس يقَّار بلِّي عِيْسَى زِي نَاصِرَا اَذ يهْذم اَمْشَان-أَ اَذ يبدّڒ لْعَادَاث نِّي إِي ذَانغ د يجَّا مُوْسَى."

ڒخذايم 6:14 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:61

نَّان: "أَرْيَاز-أَ ينَّا: زمَّرغ اَذ هذْمغ ثَمْزِيذَا ثَمقّْرَانْت ن أَربِّـي، أَت بْنِيغ ذِي ثڒْتِيَّام."

مرقس 14:58

"نتْسْڒَا-يَاس يقَّار قَا نش اَذ هذْمغ ثَمْزِيذَا-يَا ثَمقّْرَانْت إِي بْنَان يِوْذَان س يفَاسّن، أَذ بْنِيغ يجّن ن ثمْزِيذَا ذِي ثڒْتِيَّام وَار ت بْنِين يِوْذَان س يفَاسّن."

لوقا 21:24

أَثن نْغن س ڒسْيُوْف، أَثن اَوِين ذ يمحْبَاس غَار مَارَّا ڒݣْنُوْس. سّنِّي يِنِّي وَار يدْجِين شَا زِي أَيث-إِسْرَائِيل اَذ هذْمن لْقُدْس اَڒ غَا فْنَانْت لْأَوْقَات نْسن.

لوقا 21:6

"ثِمسْڒَايِين-أَ إِي تْوَاڒَام قَا اَذ د يَاس يجّن ن نْهَار وَار ذَا يتْغِيمِي ؤُڒَا ذ يجّن ن وزْرُو خ ونّغْنِي، مَارَّا مَانَايَا اَذ ينهْذم."

يوحنا 2:19

ينَّا-ٱسن عِيْسَى: "هذْمث ثَمْزِيذَا-يَا ثَمقّْرَانْت، نش اَتِيد سِيڒِيغ ذِي ثڒْتِيَّام!"

يوحنا 4:21

ينَّا-ٱس عِيْسَى: "تِيقَّا-ٱيِي آ ثَمْغَارْث، أَذ د تَاس يجّن ن ڒْوقْث اَتَاف كنِّيو وَار ثْعبّْذم شَا بَابَا ؤُڒَا ذݣ وذْرَار-أَ ؤُڒَا ذِي لْقُدْس.

ڒخذايم 15:1

ؤُسِينْ-د شَا ن يرْيَازن زِي يَهُوْذِيَا سڒْمَاذن اَيثْمَاثْنغ ذݣ وَانْطَاكْيَا نَّان-اَسن: "وَار ثْزمَّرم شَا اَذ تْنجْمم إِلَّا مڒَا ثݣِّيم طَّهَارث عْلَاحْسَاب شَّرِيعَا ن مُوْسَى."

ڒخذايم 21:21

ئِتْوَانَّا-يَاسن زَعْمَا شك ثْسڒْمَاذذ مَارَّا يسْرَائِيلِيْين إِي زدّْغن ذِي لْخَرِيج اَذ سمْحن ذِي مُوْسَى، ثقَّارذ-اَسن وَار طهَّارث شَا إِ ثَارْوَا نْوم، وَار ذفَّارث شَا لْعَادَاث نّغ.

ڒخذايم 25:8

ئِبْذَا بُوْلُس يتْذَافَاع خ يِيخف نّس ينَّا: "نش وَار خْضِيغ شَا ذِي مَانَاينِّي، نِغ ذِي شَّرِيعَا ن أَيث-إِسْرَائِيل نِغ ذِي ثمْزِيذَا ثَمقّْرَانْت نِغ ذِي لْمَلِك قَيْصَر."

ڒخذايم 26:3

خَاصَّتَن مِينْزِي شك ثسّْنذ مَارَّا لْعَادَاث ن أَيث-إِسْرَائِيل ذ لْخِلَافَاث نْسن. س مَانَايَا تتَّارغ زَّايك اَذ تصْبَارذ اَذَايِي ثْصنّْطذ.

ڒخذايم 28:17

ثعْذُو ثڒْتِيَّام، يڒَاغَا-د بُوْلُس خ يمقّْرَانن ن أَيث-إِسْرَائِيل. وَامِي د مُوْنن ينَّا-ٱسن: "آي اَيثْمَا، نش وَار ݣِّيغ وَالُو ضد إِ شَّعْب نّغ نِغ ضد إِ لْعَادَاث ن ڒجْذُوْذ نّغ. وَاخَّا اَمنِّي طّْفن-اَيِي ذِي لْقُدْس سلّْمن-اَيِي إِ يفَاسّن ن اَرُّوْمَانُوْس.

أيث-ݣلاطيا 3:19

إِيوَا، مَايمِّي ثدْجَا شَّرِيعَا ن مُوْسَى بَعْذَا؟ شَّرِيعَا ثمُّوْش نتَّاث بَاش اَذ يسّن بْنَاذم ڒْمُعْصِيَاث. تُوْغَا ثْصدْجَاح قْبڒ مَا ٱذ د يَاس وَايَّاو ن بْرَاهِيم إِي زِي ث يوْعذ أَربِّـي. شَّرِيعَا نِّي ؤُوِينْت-يت لْمَلَائِكَاث، ثُمَّا يجّن ن لْوَسِيط يعْنِي مُوْسَى يسِيْوض-يت-يد.

أيث-ݣلاطيا 3:23

فَا قْبڒ مَا ٱذ د يَاس لْإِيمَان-أَ، تُوْغَا شَّرِيعَا ن مُوْسَى ثْشَرّف-اَنغ يعْنِي نشِّين تُوْغَا ندْجَا اَمشْنَاو يمحْبَاس نّس حتَّا ٱڒ وَامِي إِي د يمظْهَار لْإِيمَان-أَ إِي تُوْغَا د يتَاسن.