ڒخذايم 5:27 - ثريفيث 2020

²⁷ وَامِي د سِيذْفن اَرُّسُل، سْبدّن-ثن زَّاث إِ جْمَاعث ن لْحُكَّام ن أَيث-إِسْرَائِيل. ينَّا-ٱسن اَرَّايس ن ڒْفُقَهَا:

ڒخذايم 5:27 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

لوقا 22:66

وَامِي يصْبح ڒْحَاڒ مُوْنن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، ؤُوِين عِيْسَى غَار جْمَاعث ن لْحُكَّام نْسن.

ڒخذايم 22:30

ثِيوشَّا نّس، يرزُّو اَرَّايس نِّي ن ڒْعَسْكَار اَذ يسّن مَايمِّي أَيث-إِسْرَائِيل تَاهَامن بُوْلُس، ئِرُوْح يُوْمَر اَرُّوْيَاس ن ڒْفُقَهَا ذ مَارَّا جْمَاعث ن لْحُكَّام ن أَيث-إِسْرَائِيل اَذ مُوْنن. ڒخْدّنِّي يسُوْفغ-د بُوْلُس يُوْوِي-ث-يذ غَارْسن يسْبدّ-يث زَّاثْسن.

ڒخذايم 4:7

ؤُوِين-د بُطْرُس ذ يُوْحَنَّا سْبدّن-ثن ذِي ڒْوسْط نْسن نَّان-اَسن: "مَان جّْهذ نِغ ذ يِيسم إِي زِي تݣّم مَانَايَا؟"

ڒخذايم 5:21

ذ مَانَاينِّي إِي ݣِّين، ؤُذْفن غَار ڒفْجَر غَار ثمْزِيذَا ثَمقّْرَانْت بْذَان سڒْمَاذن. منْبَعْد يرُوْح اَرَّايس ن ڒْفُقَهَا ذ مَارَّا يِنِّي كِس يدْجَان سْمُوْنن-د جْمَاعث ن لْحُكَّام ن أَيث-إِسْرَائِيل يعْنِي مَارَّا يمقّْرَانن نْسن، سّنِّي سّكّن يعسَّاسن ن ثمْزِيذَا اَذ د اَوِين اَرُّسُل زي ڒحْبس.

ڒخذايم 5:34

ئِكَّر-د يجّن ن وفَرِّسِي، نتَّا ذ اَمسڒْمَاذ ن شَّرِيعَا قَّارن-اَس ݣَامْلِيل يتحْتَارَام-يث شَّعْب مَارَّا. ئِبدّ ذِي ڒْوسْط ن جْمَاعث ن لْحُكَّام ن أَيث-إِسْرَائِيل، ئِتَّار-اَسن اَذ سُوْفْغن اَرُّسُل شْوَايْت ن ڒْوقْث غَار بَارَّا.

ڒخذايم 6:12

وَامِي سْعصّْبن يوْذَان ؤُڒَا ذ يمقّْرَانن ن أَيث-إِسْرَائِيل ذ يمْسڒْمَاذن ن شَّرِيعا، طّْفن سْتِيفَان ؤُوِين-ث غَار جْمَاعث ن لْحُكَّام ن أَيث-إِسْرَائِيل.