ڒخذايم 27:35 - ثريفيث 2020

³⁵ وَامِي ينَّا اَوَاڒ-أَ، ئِكَّر ييْسِي-د اَغْرُوْم يشكَّر أَربِّـي زَّاثْسن مَارَّا، يرز-يث يبْذَا يتتّ-يث.

ڒخذايم 27:35 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:36

ئِطّف سبْعَا نِّي ن ثشْنِيفِين ذ يسڒْمَان نِّي، ئِشكَّر أَربِّـي. يرْزِي-ثن يُوْشِي-ثن إِ يمحْضَارن نّس، ئِمحْضَارن نّس فرْقن-ثن خ ڒْغَاشِي نِّي.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

2 تيموتاوس 1:8

إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.

1 بطرس 4:16

إِنَّمَا، مڒَا شَان يجّن يتْوَاعدَّاب ڒَاحقَّاش نتَّا ذ اَمَسِيحِي يتْخصَّا-ٱس وَار يتْسذْحِي شَا، أُو لَابُد اَذ يسمْغَار أَربِّـي ڒَاحقَّاش ييْسِي-د يسم نّس.

أيث-روما 14:6

ونِّي يتْوَاڒَان يجّن ن نْهَار مُبَارَك زݣ ونّغْنِي اَذ يݣّ مَانَايَا بَاش اَذ يوقَّر سِيذِي أَربِّـي. ونِّي يتتّن زِي مَارَّا لْمَكْلَا قَا يتتّ بَاش اَذ يوقَّر سِيذِي أَربِّـي لِأَنَّا اَذ يشكَّر أَربِّـي. ونِّي وَار يتتّن شَا زِي مَارَّا لْمَكْلَا قَا يتݣّ مَانَايَا حمَا اَذ يوقَّر سِيذِي أَربِّـي، ؤُڒَا ذ نتَّا اَذ يشكَّر أَربِّـي.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

يوحنا 6:23

سّنِّي ؤُسِينْت-يد ثْغَرُّوْبَا نّغْنِي زِي ثنْدِينْت ن طَبَرْيَا غَار ومْشَان نِّي مَانِي شِّين اَغْرُوْم نِّي مَانِي يشكَّر عِيْسَى أَربِّـي.

يوحنا 6:11

ئِيْسِي-د عِيْسَى اَغْرُوْم نِّي يشكَّر أَربِّـي، يفرق-يث إِ يِنِّي إِي ذِنِّي يقِّيمن. أَمُّو يݣَّا ؤُڒَا إِ يسڒْمَان، ؤُشِين-اَسن عْلَاحْسَاب مِين رزّْوْن.

لوقا 24:30

وَامِي اَكِذْسن يقِّيم اَذ يشّ، ئِكَّر ييْسِي اَغْرُوْم يشكَّر أَربِّـي يرْزِي-ث يبْذَا يفَرّق-اَسن-ث.

مرقس 8:6

يُوْمَر عِيْسَى ڒْغَاشِي نِّي اَذ قِّيمن ذِي ثْمُوْرْث. ئِطّف سبْعَا نِّي ن ثشْنِيفِين يشكَّر أَربِّـي، يرْزِي-ثنْت يُوْشِي-ثنْت إِ يمحْضَارن نّس اَثنت فرْقن خ يِوْذَان نِّي. ڒخْدّنِّي فرْقن-ثنْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 14:19

يُوْمَر ڒْغَاشِي نِّي اَذ قِّيمن خ اَرْبِيع. يطّف خمْسَا ن ثْخبَّازِين نِّي ذ ثْنَاين ن يسڒْمَان نِّي، ييْسِي ثِيطَّاوِين نّس غَار وجنَّا يشكَّر أَربِّـي. يرْزَا ثِخبَّازِين نِّي خ ثْنَاين يُوْشَا-ٱسن-ثنْت إِ يمحْضَارن نّس، ڒخْدّنِّي فرْقن-ثنْت خ يِوْذَان نِّي مَارَّا.