ڒخذايم 25:12 - ثريفيث 2020

¹² لْوَالِي فَسْتُوْس يسِّيوڒ اَك يمْشَاوَارن نّس أُوْشَا ينَّا-ٱس إِ بُوْلُس: "مڒَا شك دَّعْوث نّش ثسْتَانْفذ-ت غَار قَيْصَر، قَا غَار قَيْصَر إِي غَار غَا ثْرَاحذ."

ڒخذايم 25:12 Խաչաձեւ Հղումներ

أيث-فيليـپـي 1:20

تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 28:16

نُوْذف ثَنْدِينْت ن رُوْمَا، ئِسْمح-اَس ڒْمخْزن إِ بُوْلُس اَذ يزْذغ وَاحْذس اَكِذس يقِّيم يجّن ن وعَسْكَارِي اَخَاس يعسّس.

ڒخذايم 26:32

ينَّا-ٱس وزدْجِيذ أَغْرِيبَاس إِ لْوَالِي فَسْتُوْس: "بْنَاذم-أَ مَعْلِيك وَار يسْتَانف دَّعْوث نّس غَار قَيْصَر اَتَاف تُوْغَاث يتْوَاضْڒق."

ڒخذايم 25:21

بُوْلُس يُوْݣِي، ئِكَّر يسْتَانف دَّعْوث نّس غَار قَيْصَر. ؤُمَرغ نش اَذ يقِّيم ذ اَمحْبُوْس اَڒ ث غَا سّكّغ إِ لْمَلِك قَيْصَر."

ڒخذايم 23:11

دْجِيرث نِّي يبدّ-د سِيذِيثْنغ غَار بُوْلُس ينَّا-ٱس: "اݣّ زْعَامث! مَامّش إِي زَّايِي ثْشهْذذ ذِي ثنْدِينْت ن لْقُدْس، أُو لَابُد عَاوذ اَزَّايِي ثْشهْذذ ذِي ثنْدِينْت ن رُوْمَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 22:17

إِينِي-يَانغ، مِين ذَاش يمظْهَارن؟ ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟"

ڒخذايم 25:11

مڒَا خْضِيغ يعْنِي ݣِّيغ شَان ڒْحَاجث سْذَاهدْجغ خَاس ڒْموْث وَار زمَّرغ اَزَّايس اَروْڒغ. وَلَكِن مڒَا تُّهْمَاث-أَ إِي خَافِي قدّْمن وَار دْجِينْت شَا ذ صَّح، ؤُڒَا ذ يجّن مَا غَارس ڒْحَقّ اَذَايي يسلّم إِ نِثْنِي. نش تسْتَانَافغ دَّعْوث ينُو غَار لْمَلِك قَيْصَر."

ڒخذايم 25:13

عْذُوْن ڒبْعَاض ن وُوْسَّان، يُوْسَا-د وزدْجِيذ أَغْرِيبَاس اَكِذس وتْشْمَاس بْرِيْنْكَا غَار ثنْدِينْت ن قَيْصَارِيَا بَاش اَذ سدْجْمن خ لْوَالِي فَسْتُوْس.

ڒخذايم 27:1

وَامِي ؤُمَرن اَذَانغ سّكّن ذݣ وغَرَّابُو غَار ثْمُوْرْث ن إِطَالْيَا، سلّْمن بُوْلُس ذ ڒبْعَاض ن يمحْبَاس اَكِذس يجّن ن وعَسْكَارِي ذ اَمقّْرَان ن اَرُّوْمَانُوْس قَّارن-اَس يُوْلْيُوْس. نتَّا يُوْسَا-د زِي ڒْعَسْكَار نِّي ؤُمِي قَّارن <لْفِرْقَا ن قَيْصَر.>