ڒخذايم 24:27 - ثريفيث 2020

²⁷ عْذُوْن ثْنَاين ن يسݣّْوُوْسَا، ئِذْوڒ-د بُوْرْكْيُوْس فَسْتُوْس ذݣ ومْشَان ن لْوَالِي فِيلِيكْس. وَلَكِن فِيلِيكْس يݣَّا-ٱسن ڒْخَاضَر إِ يسْرَائِيلِيْين، يجَّا بُوْلُس ذِي ڒحْبس.

ڒخذايم 24:27 Խաչաձեւ Հղումներ

ڒخذايم 25:9

وَلَكِن لْوَالِي فَسْتُوْس يرزُّو اَذ يݣّ ڒْخَاضَر إِ أَيث-إِسْرَائِيل أُوْشَا ينَّا-ٱس إِ بُوْلُس: "مَا ثخْسذ اَذ تْݣَعّْذذ غَار ثنْدِينْت ن لْقُدْس اَخَاك حكْمغ ذِنِّي نش خ تُّهْمَاث-أَ؟"

ڒخذايم 25:14

وَامِي ذِنِّي إِي قِّيمن اَطَّاس ن وُوْسَّان، ئِسِّيوڒ فَسْتُوْس اَك وزدْجِيذ خ لْقَضِيَا ن بُوْلُس. ينَّا-ٱس: "ذَانِيتَا يجّن ن ورْيَاز يجِّي-ث فِيلِيكْس ذ اَمحْبُوْس.

ڒخذايم 12:3

وَامِي يُوْفَا مَانَاينِّي يعْجب-اَسن إِ أَيث-إِسْرَائِيل يكَّر يطّف ؤُڒَا ذ بُطْرُس. ذِي ڒِيَّام ن ڒْعِيذ ن ثفْضِيرْث إِي ذِي يوْقع مَانَاينِّي.

ڒخذايم 25:1

فَسْتُوْس نتَّا يذْوڒ ذ لْوَالِي ذِي لْإِقْلِيم. وَامِي ثعْذُو ثڒْتِيَّام يݣَعّذ زِي ثنْدِينْت نِّي ن قَيْصَارِيَا غَار ثنْدِينْت ن لْقُدْس.

مرقس 15:15

بِيلَاطُس وَامِي يرزُّو اَذ يسعّف ڒْغَاشِي نِّي، يضْڒق-اَسن-د إِ بَارَابَاس. سّنِّي ؤُوْثِين عِيْسَى س وسْغُوْن يسلّْم-اَسن-ث حمَا اَث صلّْبن خ صَّلِيب.

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

ڒخذايم 26:32

ينَّا-ٱس وزدْجِيذ أَغْرِيبَاس إِ لْوَالِي فَسْتُوْس: "بْنَاذم-أَ مَعْلِيك وَار يسْتَانف دَّعْوث نّس غَار قَيْصَر اَتَاف تُوْغَاث يتْوَاضْڒق."

ڒخذايم 28:30

ئِقِّيم بُوْلُس عَامَاين ذِي ثدَّارْث نِّي يتْخدْجَاس ڒكْرَا نتَّا س يِيخف نّس. ئِتْرحَّاب س يِنِّي إِي غَارس د يݣُّوْرن مَارَّا.

ڒخذايم 25:4

ينَّا-ٱسن لْوَالِي قَا بُوْلُس اَقَاث ذِي ثنْدِينْت ن قَيْصَارِيَا ذ اَمحْبُوْس، ڒخُّو نش اَذ ذوْڒغ ذِنِّي.