ڒخذايم 23:6 - ثريفيث 2020

⁶ وَامِي يسّن بُوْلُس قَا شَا زَّايْسن زِي ڒْحِزْب ن يصَدُّوْقِيْين شَا نّغْنِي زِي ڒْحِزب ن يفَرِّسِيْين، ئِكَّر يڒَاغَا-د س جّْهذ ذِي جْمَاعث نِّي ن لْحُكَّام جَارَاسن ينَّا-ٱسن: "آي اَيثْمَا، قَا نش ذ اَفَرِّيسِي مِّيس ن يفَرِّيسِيْين! أَقَا تْحَاكَامم خَافِي وَامِي نش غَارِي لْأَمَال اَذ د كَّرن يِوْذَان زِي ڒْموْث ذِي لْقِيَامَا."

ڒخذايم 23:6 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:16

نش اَقَا سّكِّيغ-كنِّيو اَمشْنَاو يحُوْڒِيْين جَار وُوْشَّانن. إِڒِيم ثْفَاقم اَمشْنَاو يفِيغرَان، إِڒِيم ذ نِّيّث اَمشْنَاو يذْبِيرن.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:23

ذِي نْهَار نِّي، قَارّْبن-د غَار عِيْسَى شَان يِوْذَان زِي ڒْحِزب ن يصَدُّوْقِيْين (نِثْنِي قَّارن بلِّي يوْذَان وَار د تكَّرن شَا زِي ڒْموْث).

أَسڒْمذ ن سِيذِيثْنغ عِيْسَى لْكِتَاب ن مَتَّى 3:7

وَلَكِن وَامِي يࢲْرَا يَحْيَى بلِّي اَطَّاس ن ڒْفُقَهَا ذ يفَرِّسِيْين ذ يصَدُّوْقِيْين تَاسن-د غَارس حمَا اَثَن يطهَّار س وَامَان ينَّا-ٱسن: "يَا ثَارْوَا ن يفِيغرَان، وِي ذَاوم يعڒْمن اَذ تَروْڒم زِي لْغَضَب ن سِيذِي أَربِّـي إِي د غَا يَاسن؟

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 22:30

ثِيوشَّا نّس، يرزُّو اَرَّايس نِّي ن ڒْعَسْكَار اَذ يسّن مَايمِّي أَيث-إِسْرَائِيل تَاهَامن بُوْلُس، ئِرُوْح يُوْمَر اَرُّوْيَاس ن ڒْفُقَهَا ذ مَارَّا جْمَاعث ن لْحُكَّام ن أَيث-إِسْرَائِيل اَذ مُوْنن. ڒخْدّنِّي يسُوْفغ-د بُوْلُس يُوْوِي-ث-يذ غَارْسن يسْبدّ-يث زَّاثْسن.

ڒخذايم 22:5

أَرَّايس ن ڒْفُقَهَا ذ مَارَّا جْمَاعث ن يمقّْرَانن ن أَيث-إِسْرَائِيل نِثْنِي ذ ڒشْهُوْذ خ مَانَاينِّي. ؤُشِين-اَيِي اَرُّخْصَاث اَثنْت سِّيوْضغ غَار اَيثْمَاثْسن ذِي ثنْدِينْت ن دِمَشق. رُوْحغ ذِنِّي اَذ طّْفغ يوْذَان ن وبْرِيذ-أَ اَثن د اَوِيغ غَار لْقُدْس بَاش اَذ تْوَاعَاقْبن.

ڒخذايم 23:1

ئِخْزَر مْلِيح بُوْلُس غَار جْمَاعث ن لْحُكَّام ن أَيث-إِسْرَائِيل ينَّا-ٱسن: "آي اَيثْمَا، قَا نش ݣِّيغ لْوَاجِب نِيْشَان اَك أَربِّـي، زِي قْبڒ حتَّا نْهَارَا نش ضَّمِير ينُو مرْتَاح."

ڒخذايم 23:15

ڒخُّو جْمَاعث ن لْحُكَّام ذ كنِّيو تَّارم زِي اَرَّايس ن ڒْعَسْكَار ن اَرُّوْمَانُوْس بَاش اَغَارْوم د يسّكّ بُوْلُس. ݣّث يخف نْوم ثخْسم اَكِذس ثݣّم لْإِسْتِجْوَاب مْلِيح. نشِّين اَقَانغ مُوْجُوْد بَاش اَث نْنغ قْبڒ إِي د غَا يَاوض."

ڒخذايم 23:20

ينَّا-ٱس وحنْجِير نِّي: "ئِسْرَائِيلِيْين تَّافَاقن جَارَاسن بَاش اَزَّايك تَّارن اَذ د تسّكّذ ثِيوشَّا بُوْلُس غَار جْمَاعث ن لْحُكَّام نْسن. ݣِّين يخف نْسن اَخْمِي خْسن اَذَاس ݣّن لْإِسْتِجْوَاب مْلِيح.

ڒخذايم 23:7

وَامِي ينَّا مَانَايَا يوْقع يجّن ن لْخِلَاف جَار يفَرِّسِيْين ذ يصَدُّوْقِيْين، جْمَاعث نِّي ن لْحُكَّام مسْفْرَاقن جَارَاسن.

ڒخذايم 24:15

غَارِي لْأَمَال زِي أَربِّـي مَامش غَارْسن يدْجَا غَار يرْيَازن-أَ، يعْنِي اَذ د كَّرن زِي ڒْموْث صَّالِحِين ذ ضَّالِمِين.

ڒخذايم 24:21

وَاش يمْكن خ وَاوَاڒ نِّي إِي نِّيغ س وڒَاغِي جَارَاسن وَامِي بدّغ ذِنِّي؟ نِّيغ-اَسن اَقَا كنِّيو تْحَاكَامم خَافِي نْهَارَا مِينْزِي تَامْنغ بلِّي يوْذَان اَذ د كَّرن زِي ڒْموْث ذِي لْقِيَامَا."

ڒخذايم 28:20

إِذن خ مَانَايَا تَّارغ-كنِّيو اَكنِّيو ࢲرغ اَكِذْوم سِّيوْڒغ. أَقَا عْلَاحْسَاب لْأَمَل ن أَيث-إِسْرَائِيل إِي تْوَاشدّغ س سّنْسْڒث-أَ."

أيث-فيليـپـي 3:5

مَايمِّي؟ نش تهَّارغ نْهَار وِيس ثْمنِيَّام. لْأَصل ينُو زِي أَيث-إِسْرَائِيل زِي أَيث-بنْيَامِين. نش ذ اَعِبْرَانِي مِّيس ن يعِبْرَانِيْين. عْلَاحْسَاب شَّرِيعَا، نش زِي ڒْحِزب نِّي ن يفَرِّيسِيْين.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

يعيبرانيين 6:19

لْأَمَال-أَ يتِيڒِي غَارْنغ اَم يِجّن ن ؤُڒِيزِيم ن وغَرَّابُو ن ڒَعْمَار نّغ، يرْسق س جّْهذ وَار يضدْجق. يُوْذف لْأَمَال-أَ يعْذُو غَار ذفَّار ن اَرّْوَاق ن وخَّام اَمْقدّس اَطَّاس.