ڒخذايم 22:25 - ثريفيث 2020

²⁵ وَامِي ث شدّن بَاش اَث ؤُوْثن، ينَّا-ٱس بُوْلُس إِ ومقّْرَان ن ڒْعَسْكَار يبدّن ذِنِّي: "مَا قَانُوْنِي اَذ تُوْوْثم يجّن ن بْنَاذم س وسْغُوْن غَارس لْجِينْسِيَا ن اَرُّوْمَانُوْس مڒَا وَار خَاس ثْحكِّيمم شَا؟"

ڒخذايم 22:25 Խաչաձեւ Հղումներ

ڒخذايم 16:37

ينَّا-ٱسن بُوْلُس إِ يمْخَازْنِيْين نِّي: "ؤُوْثِين-اَنغ زَّاث إِ يِوْذَان بْڒَا ڒْقَانُوْن نْضَرن-اَنغ ذِي ڒحْبس، وَلَكِن نشِّين غَارْنغ لْجِنْسِيَا ن رُوْمَا. ڒخُّو نِثْنِي، مَا رزُّوْن اَذَانغ سُوْفْغن وَار د يتَارِّي حَدّ ڒخْبَار؟" ينَّا-ٱسن: "لَّا، ئِتْخصَّا ٱذ د اَسن لْحُكَّام نِّي س يِيخف نْسن اَذَانغ سُوْفْغن!"

ڒخذايم 25:16

نِّيغ-اَسن: عْلَاحْسَاب لْعَادَا ن اَرُّوْمَانُوْس وَار تْسلِّيمن حَدّ حتَّا ٱذ يمْقَابَاڒ اَك يِنِّي إِي خَاس يݣِّين تُّهْمَا، أَغَارس ثِيڒِي لْفُرْصَا اَذ يذَافع خ يِيخف نّس.

ڒخذايم 27:43

وَلَكِن اَعسْكَارِي نِّي اَمقّْرَان يخس اَذ يسنْجم بُوْلُس، ئِسْبدّ-يثن خ مِين خْسن اَذ ݣّن. يُوْمَر يِنِّي يسّْنن اَذ عُوْمّن اَذ نضْون ذ يمزْوُوْرَا حمَا اَذ فّْغن غَار ڒْبَرّ.

ڒخذايم 23:17

ئِڒَاغَا-د بُوْلُس خ يِجّن ن وعَسْكَارِي ذ اَمقّْرَان ن اَرُّوْمَانُوْس ينَّا-ٱس: "أَوِي اَحنْجِير-أَ غَار اَرَّايس نْوم اَقَا غَارس شَان وَاوَاڒ اَذَاس ث يِينِي."

ڒخذايم 27:3

ثِيوشَّا نّس، وَامِي نُوْوض غَار ثنْدِينْت ن صَيْدَا يݣَّا ڒْخِير يُوْلْيُوْس ذِي بُوْلُس يجّ-يث اَذ يرَاح غَار يمدُّوْكَاڒ نّس بَاش اَذَايس تهِيلَّان.

ڒخذايم 27:1

وَامِي ؤُمَرن اَذَانغ سّكّن ذݣ وغَرَّابُو غَار ثْمُوْرْث ن إِطَالْيَا، سلّْمن بُوْلُس ذ ڒبْعَاض ن يمحْبَاس اَكِذس يجّن ن وعَسْكَارِي ذ اَمقّْرَان ن اَرُّوْمَانُوْس قَّارن-اَس يُوْلْيُوْس. نتَّا يُوْسَا-د زِي ڒْعَسْكَار نِّي ؤُمِي قَّارن <لْفِرْقَا ن قَيْصَر.>

ڒخذايم 10:1

ذِي ثنْدِينْت ن قَيْصَارِيَا تُوْغَا ذِنِّي يجّن ن ورْيَاز قَّارن-اَس كُوْرْنِينْيُوْس. نتَّا ذ يجّن ن وعَسْكَارِي ذ اَمقّْرَان ن اَرُّوْمَانُوْس اَقَاث ذݣ يِجّن ن لْفِرْقَا ن ڒْعَسْكَار ؤُمِي قَّارن <أَطَالْيَان.>

أَسڒْمذ ن سِيذِيثْنغ عِيْسَى لْكِتَاب ن مَتَّى 27:54

أَعَسْكَارِي نِّي اَمقّْرَان ن اَرُّوْمَانُوْس ذ يِنِّي اَكِذس يحطَّان عِيْسَى ࢲْرِين زِّينْزَال نِّي ذ مِين يوقْعن، ݣّْوْذن اَطَّاس نَّان: "وَانِيتَا ذ مِّيس ن أَربِّـي ذ صَّح!"

أَسڒْمذ ن سِيذِيثْنغ عِيْسَى لْكِتَاب ن مَتَّى 8:8

ئِنْدق-د وعَسْكَارِي نِّي اَمقّْرَان ينَّا-ٱس: "لَّا آ سِيذِي، نش وَار سْذِيهِيدْجغ شَا اَذ تَاذْفذ غَار ثدَّارْث ينُو. إِنِي غِير يجّن ن وَاوَاڒ أُو صَافِي اَتَاف اَذ يݣنْفَا وخدَّام ينُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:17

حْضَام يخف نْوم زݣ يِوْذَان. أَكنِّيو سلّْمن إِ لْمَحْكَامَاث؛ أَكنِّيو ؤُوْثن ذِي ثمْزِيذَاوِين نْسن.

ڒخذايم 22:26

وَامِي يسْڒَا ومقّْرَان نِّي ن ڒْعَسْكَار مَانَاينِّي، ئِرُوْح غَار اَرَّايس ن ڒْعَسْكَار ينَّا-ٱس: "مِين تݣّذ شك اَمُّو؟ قَا ٱرْيَاز نِّي غَارس لْجِينْسِيَا ن أَرُوْمَانُوْس!"

ڒخذايم 23:27

أَرْيَاز-أَ طّْفن-ث أَيث-إِسْرَائِيل تُوْغَا عْڒَاين اَث نْغن. وَامِي د اَرِّيغ ڒخْبَار قَا نتَّا غَارس لْجِينْسِيَا ن اَرُّوْمَانُوْس، رُوْحغ نش ذ ڒْعَسْكَار ينُو نْسنْجم-يث-يذ.