ڒخذايم 21:39 - ثريفيث 2020

³⁹ ينَّا-ٱس بُوْلُس: "لَّا، نش ذ اَئِسْرَائِيلِي، لْجِنْسِيَا ينُو زِي ثنْدِينْت مَعْرُوْفَا ن طَرْسُوْس ذِي لْإِقْلِيم ن كِيلِيكْيَا. تتَّارغ زَّايش اَذَايِي ثْسمْحذ اَذ سِّيوْڒغ اَك يِوْذَان-أَ."

ڒخذايم 21:39 Խաչաձեւ Հղումներ

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 9:11

ينَّا-ٱس سِيذِيثْنغ: "كَّر رُوْح غَار زّنْقث نِّي ؤُمِي قَّارن <أَبْرِيذ يسݣّْذن>، رْزُو ذِنِّي ذِي ثدَّارْث ن يَهُوْذَا خ يِجّن ن ورْيَاز زِي ثنْدِينْت ن طَرْسُوْس، ئِسم نّس شَاوُل. نتَّا يتْࢲَادْجَا ذِنِّي.

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام

ڒخذايم 23:34

وَامِي ت يغْرَا لْوَالِي ينَّا-ٱس إِ بُوْلُس مَان لْإِقْلِيم إِي غَار تْوَاحْسَابذ شك؟ وَامِي ذَاس ينَّا بُوْلُس نش زِي لْإِقْلِيم ن كِيلِيكْيَا ينَّا-ٱس لْوَالِي: "نش اَذ يڒِيغ خ لْجلْسَا نّش خْمِي د غَا اَوْضن يِنِّي إِي خَاك غَا ينِين تُّهْمَا." سّنِّي يُوْمَر اَخَاس عسّْسن ذِي ڒقْصَاڒ ن هِيرُوْدُوْس.

ڒخذايم 23:27

أَرْيَاز-أَ طّْفن-ث أَيث-إِسْرَائِيل تُوْغَا عْڒَاين اَث نْغن. وَامِي د اَرِّيغ ڒخْبَار قَا نتَّا غَارس لْجِينْسِيَا ن اَرُّوْمَانُوْس، رُوْحغ نش ذ ڒْعَسْكَار ينُو نْسنْجم-يث-يذ.

ڒخذايم 21:37

وَامِي عْڒَاين اَذ سِيذْفن بُوْلُس غَار لْقشْلَا نِّي، ينَّا-ٱس إِ اَرَّايس ن ڒْعَسْكَار: "سْمح-اَيِي اَش ينِيغ يجّن ن وَاوَاڒ." ينَّا-ٱس اَرَّايس نِّي إِ بُوْلُس: "مَامّش تݣّذ شك ثسَّاوَاڒذ ثَيُوْنَانِيث؟

ڒخذايم 16:37

ينَّا-ٱسن بُوْلُس إِ يمْخَازْنِيْين نِّي: "ؤُوْثِين-اَنغ زَّاث إِ يِوْذَان بْڒَا ڒْقَانُوْن نْضَرن-اَنغ ذِي ڒحْبس، وَلَكِن نشِّين غَارْنغ لْجِنْسِيَا ن رُوْمَا. ڒخُّو نِثْنِي، مَا رزُّوْن اَذَانغ سُوْفْغن وَار د يتَارِّي حَدّ ڒخْبَار؟" ينَّا-ٱسن: "لَّا، ئِتْخصَّا ٱذ د اَسن لْحُكَّام نِّي س يِيخف نْسن اَذَانغ سُوْفْغن!"

ڒخذايم 15:41

ئِرُوْح غَار سُوْرْيَا ذ لْإِقْلِيم ن كِيلِيكْيَا يتݣّ ؤُر ذي ثْجُمَاع ن ڒْمُوْمِنِين.

ڒخذايم 15:23

سّكّن اَكِذْسن ثَبْرَات-أَ نَّان-اَسن: "آي اَيثْمَاثْنغ وَار يدْجِين شَا زِي أَيث-إِسْرَائِيل إِݣ يزدّْغن ذِي وَانْطَاكْيَا ذ سُوْرْيَا ذ لْإِقْلِيم ن كِيلِيكْيَا، نتْسدْجَام خَاوم نشِّين إِي يدْجَان ذ اَرُّسُل ذ يمقّْرَانن ن جْمَاعث ن ڒْمُوْمِنِين.

ڒخذايم 9:30

وَامِي د اَرِّين ڒخْبَار اَيثْمَاثْنغ، ؤُوِين-ث غَار قَيْصَارِيَا سّنِّي سّكّن-ث غَار ثنْدِينْت ن طَرْسُوْس.