ڒخذايم 21:31 - ثريفيث 2020

³¹ وَامِي رزُّوْن اَث نْغن، يُوْوض ڒخْبَار غَار اَرَّايس ن ڒْعَسْكَار ن اَرُّوْمَانُوْس ثكَّر يجّن ن ڒْفَوْضَا ذِي لْقُدْس مَارَّا.

ڒخذايم 21:31 Խաչաձեւ Հղումներ

ڒخذايم 17:5

وَلَكِن يسْرَائِيلِيْين نّغْنِي حسْذن-ثن، رُوْحن سْمُوْنن-د زِي سُّوْق يجّن ن لْمجْمُوْع ن يكْرُوْشَّارن يعفَّانن بَاش اَذ ݣّن سّْدَع، سْنكَّرن ڒْفَوْضَا ذِي ثنْدِينْت. هجْمن خ ثدَّارْث ن يِجّن قَّارن-اَس يَاسِين رزُّوْن خ بُوْلُس ذ سِيلَاس حمَا اَثن سلّْمن إِ ڒْغَاشِي.

ڒخذايم 25:23

ثِيوشَّا نّس، وَامِي د يُوْسَا وزدْجِيذ أَغْرِيبَاس ذ بْرِيْنْكَا س يجّن ن شَّان ذ اَمقّْرَان، ؤُذْفن غَار وخَّام ذ اَمقّْرَان ن ويْرَاو اَكِذس اَرُّوْيَاس ن ڒْعَسْكَار ن اَرُّوْمَانُوْس ذ يمقّْرَانن ن ثنْدِينْت. ڒخْدّنِّي يُوْمَر فَسْتُوْس ؤُوِين-د بُوْلُس.

ڒخذايم 24:22

فِيلِيكْس نتَّا يسّن مْلِيح خ وبْرِيذ-أَ ن عِيْسَى، وَلَكِن ئِأَجّل لْحُكم نّس ينَّا-ٱسن: "حتَّا اَذ د يَاس اَرَّايس ن ڒْعَسْكَار لِيسْيَاس عَاذ إِي غَا حكْمغ خ مَانَايَا."

ڒخذايم 24:6

عَاوذ يرزُّو اَذ يسخْنز حتَّا ثَمْزِيذَا ثَمقّْرَانْت. نشِّين نطّف-يث {نخْس اَخَاس نحْكم عْلَاحْسَاب شَّرِيعَا نّغ.

ڒخذايم 23:17

ئِڒَاغَا-د بُوْلُس خ يِجّن ن وعَسْكَارِي ذ اَمقّْرَان ن اَرُّوْمَانُوْس ينَّا-ٱس: "أَوِي اَحنْجِير-أَ غَار اَرَّايس نْوم اَقَا غَارس شَان وَاوَاڒ اَذَاس ث يِينِي."

ڒخذايم 22:22

سْڒِين مْلِيح إِ بُوْلُس حتَّا اَڒ وَامِي ينَّا اَوَاڒ-أَ اَنݣَّارُو. ڒخْدّنِّي سْنكَّرن خَاس ثْغُوْيّث نَّان: مْحَاث اَرْيَاز-أَ زِي دُّنشْت-أَ، وَار يسْذِيهدْج شَا اَذ يقِّيم عَاذ يدَّر!

ڒخذايم 21:38

مَا وَار ثدْجِيذ شَا شك ذ اَمِصْرِي نِّي إِي يݣِّين لْفِتْنَا ذِي ڒِيَّام نِّي وَامِي ثْسُوْيُوْرذ اَربْعَا اَڒَاف ن لْإِرْهَابِيْين غَار ڒخْڒَا؟"

ڒخذايم 19:40

ڒخُّو اَقَانغ ذِي لْخَطَر أَ نتْوَاحْكم مَارَّا إِذْنغ خ ڒْفَوْضَا يتوْقِيعن نْهَارَا، نشِّين وَار غَارْنغ بُو شَان ن سَّبَاب خ سّْدَع-أَ."

ڒخذايم 10:1

ذِي ثنْدِينْت ن قَيْصَارِيَا تُوْغَا ذِنِّي يجّن ن ورْيَاز قَّارن-اَس كُوْرْنِينْيُوْس. نتَّا ذ يجّن ن وعَسْكَارِي ذ اَمقّْرَان ن اَرُّوْمَانُوْس اَقَاث ذݣ يِجّن ن لْفِرْقَا ن ڒْعَسْكَار ؤُمِي قَّارن <أَطَالْيَان.>

يوحنا 18:12

ڒْعَسْكَار ذ اَرَّايس نْسن ذ يعسَّاسن ن يسْرَائِيلِيْين طّْفن عِيْسَى شَرْفن-ث.

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.

مرقس 14:2

نَّان جَارَاسن: "ئِتْخصَّا وَار ث نْتطّف شَا ذِي ڒْعِيذ حمَا شَّعْب وَار يتݣّ شَا ڒْفَوْضَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:5

نَّان جَارَاسن: ئِتْخصَّا وَار ث نْتطّف شَا ذِي ڒْعِيذ حمَا شَّعْب وَار يتݣّ شَا لْفَوْضَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:27

ؤُوِين-ث ڒْعَسْكَار ن لْحَاكم غَار ڒمْرَاح ن ڒقْصَار ن لْحَاكم، سْمُوْنن-د ذِنِّي مَارَّا لْفِرْقَا ن ڒْعَسْكَار نِّي.

ڒخذايم 26:21

خ مَانَايَا طّْفن-اَيِي أَيث-إِسْرَائِيل ذِي ثمْزِيذَا ثَمقّْرَانْت، خْسن اَذَايِي نْغن.

ڒخذايم 24:7

وَلَكِن يُوْسَا-د اَرَّايس ن ڒْعَسْكَار لِيسْيَاس يكّس-اَنغ-ث زݣ وفُوْس نّغ س لْقُوَّا.