ڒخذايم 21:19 - ثريفيث 2020

¹⁹ ئِسدْجم خَاسن بُوُلُس، ئِعَاوْذ-اَسن ثَا س ثَا ينَّا-ٱسن مِين يݣَّا أَربِّـي خ وفُوْس نّس جَار يِنِّي وَار يدْجِين شَا زِي أَيث-إِسْرَائِيل.

ڒخذايم 21:19 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:7

تخْسن اَخَاسن سدْجْمن ذِي ڒسْوَاق اَذَاسن ڒَاغَان يِوْذَان: آ سِيذِيثْنغ.

ڒخذايم 1:17

يَهُوْذَا-يَا تُوْغَا يتْوَاحْسَاب زَّايْنغ، يُوْذف اَكِذْنغ ذِي ڒْخذْمث ن أَربِّـي.

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

ڒخذايم 15:12

مَارَّا جْمَاعث نِّي ذِنِّي إِي قِّيمن وَار نِّين وَالُو، تسْڒَان إِ بَرْنَابَا ذ بُوْلُس سَّاوَاڒن خ لْمُعْجِيزَاث ذ لْبُرْهَانَاث يݣَّا أَربِّـي خ وفُوْس نْسن جَار يِنِّي وَار يدْجِين شَا زِي أَيث-إِسْرَائِيل.

ڒخذايم 15:4

وَامِي ؤُوْضن غَار لْقُدْس، رحّْبن زَّايْسن جْمَاعث ن ڒْمُوْمِنِين ذ يمقّْرَانن ن جْمَاعث-أَ ذ ارُّسُل. ذِنِّي بُوْلُس ذ بَرْنَابَا عَاوْذن-اَسن إِ نِثْنِي مَارَّا مِين يݣَّا أَربِّـي خ وفُوْس نْسن.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

22 أيث-كورينث 12:12

ثِمسْڒَايِين نِّي إِي د يسْبِيَّانن نش ذ اَرَّسُوْل إِي دْجِيغ نِثنْتِي تُوْغَا تْوَاخڒْقنْت-يد جَارَاوم س يِجّن ن صّْبَر ذ اَمقّْرَان، يعْنِي لْعَلَامَاث ذ لْمُعْجِزَاث ذ لْبُرْهَانَاث.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-كولوس 1:29

خ مَانَايَا نش خدّْمغ، تَاحْڒغ ذِي ڒْخذْمث-أَ س مَارَّا جّْهذ نِّي ن لْمَسِيح نتَّا يسْخدَّام-اَيِي س ثْزمَّار نّس.