ڒخذايم 20:25 - ثريفيث 2020

²⁵ ڒخُّو كنِّيو ؤُمِي بشَّرغ س ڒْمُلْك ن أَربِّـي سّْنغ نش بلِّي ؤُڒَا ذ يجّن زَّايْوم مَا ٱذ يࢲر اَغمْبُوْب ينُو سَّا ٱڒ ثْسَاونْت.

ڒخذايم 20:25 Խաչաձեւ Հղումներ

ڒخذايم 28:31

ئِتْحدَّاث-يثن س ڒْمُلْك ن أَربِّـي، ئِسڒْمَاذ خ سِيذِيثْنغ عِيْسَى لْمَسِيح س يِجّن ن زْعَامث ذ لْحُرِّيَا.

ڒخذايم 20:38

خيّْقن اَطَّاس س وَارَاڒ نِّي إِي ذَاسن ينَّا وَار ثْࢲرّم شَا اَغمْبُوْب ينُو سَّا ٱڒ ثْسَاونْت. سّنِّي ؤُوِين-ث غَار وغَرَّابُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:23

ئِݣُّوْر عِيْسَى ذِي لْإِقْلِيم ن لْجَلِيل مَارَّا، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْبشَّر-يثن س لْإِنْجِيل ن ڒْمُلْك ن أَربِّـي يسْݣنْفَا مَارَّا ڒهْڒَاشَاث ذ دِّعَان ن دَّات ذݣ يِوْذَان.

أيث-كولوس 2:1

شُوْف، خْسغ اَذ تسّْنم مشْحَاڒ تَاحْڒغ ذِي ڒْخذْمث-أَ عْلَاحْسَاب كنِّيو ذ يِنِّي يدْجَان ذِي ثنْذِينْت ن لَاوْدُكْيَا ذ مَارَّا يِنِّي عمَّارْص مَا ࢲْرِين اَغمْبُوْب ينُو.

أيث-ݣلاطيا 1:22

تُوْغَا نش عَاذ وَار ذَايِي سِّينن شَا ذݣ وغمْبُوْب ينُو ثِجُوْمَاع ن ڒْمُوْمِنِين ن لْمَسِيح ذِي ثْمُوْرْث ن يَهُوْذِيَا.

أيث-روما 15:23

وَلَكِن ڒخُّو وَار غَارِي بُو ومْشَان اَذ خذْمغ ذِي جْوَايه-أَ، أُو نش مشْحَاڒ زݣ وَامِي إِي رزُّوْغ اَذ د اَسغ اَكنِّيو ࢲرغ.

ڒخذايم 8:12

وَلَكِن وَامِي ثن يبشَّر فِيلِيپَّـاس س ڒْمُلْك ن أَربِّـي ذ يِيسم ن عِيْسَى لْمَسِيح ڒخْدّنِّي ؤُمْنن تتْوَاطهَّارن س وَامَان س يرْيَازن ذ ثمْغَارِين.

لوقا 16:16

شَّرِيعَا ن مُوْسَى ذ وسڒْمذ ن لْأَنْبِيَا تُوْغَا دْجَان اَڒ وَامِي د يُوْسَا يَحْيَى. زِي ڒْوقْث ن يَحْيَى سّنِّي اَڒ ثْسَاونْت يبْذَا يتْوَابشَّار ڒْمُلْك ن أَربِّـي، كُڒ يجّن يتمْذحَّاس حمَا اَذَايس يَاذف.

لوقا 9:60

ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."

أَسڒْمذ ن سِيذِيثْنغ عِيْسَى لْكِتَاب ن مَتَّى 13:52

ينَّا-ٱسن: "كُڒ اَمسڒْمَاذ ن شَّرِيعَا ن مُوْسَى إِݣ يفهْمن ڒْمُلْك وجنَّا نتَّا اَم يِجّن ن بَاب ن ثدَّارْث إِݣ يسُوْفُوْغن ثِمسْڒَايِين ثِقْذِيمِين نِغ ذ جْذِيذ زِي مَانِي يخْزن ڒْكنْز نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 13:19

ئِجّن يتْسْڒَا إِ وَاوَاڒ خ ڒْمُلْك وجنَّا وَار ث يتفْهِيم شَا. يعْنِي نتَّا اَم زَّرِّيعث نِّي إِݣ يوْضَان خ وبْرِيذ. ئِتْرَاح وعفَّان نِّي ن إِبْڒِيس، يتكّس اَوَاڒ نِّي يتْوَازرْعن ذَايس ذݣ وُوْڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:7

خْمِي غَا ثْرَاحم، حدّْثم س ڒْمُلْك وجنَّا اَقَا يُوْذس-د.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:17

زِي سّنِّي يبْذَا عِيْسَى يتْبشَّر يقَّار-اَسن: "تُوْبث، أَقَا يُوْذس-د ڒْمُلْك ن وجنَّا."