ڒخذايم 19:38 - ثريفيث 2020

³⁸ مڒَا يخس دِيمِيتْرِيُوْس ذ يِنِّي إِي كِذس يتْصنَّاعن نُّقَارْث اَذ شثْشَان خ شَان يِجّن، أَقَا لْمَحْكَامَا مُوْجُوْد أُو لْعَامِل مُوْجُوْد اَذ رَاحن اَذ شثْشَان س ڒْقَانُوْن.

ڒخذايم 19:38 Խաչաձեւ Հղումներ

ڒخذايم 13:7

ئِتِيڒِي اَك لْعَامِل ونِّي ؤُمِي قَّارن سَرْجْيُوْس بُوْلُس. لْعَامِل نِّي نتَّا ذ يجّن ن ورْيَاز ذ اَمِيغِيس، ئِڒَاغَا-د إِ بَرْنَابَا ذ شَاوُل يخس اَذَاس سْڒمْذن اَوَاڒ ن أَربِّـي.

1 أيث-كورينث 6:1

شَان يِجّن زَّايْوم غَارس شِّكَايَا ضذ إِ يِجّن نّغْنِي. مَا ذ صَّح وَار يتْصذْحِي شَا نتَّا، ئِتْبدَّا ذِي لْمَحْكَمَا غَار زَّاث ن ينِّي وَار يُوْمِينن شَا مَاشِي غَار زَّاث ن صَّالِحِين؟

ڒخذايم 18:14

وَامِي عْڒَاين اَذ يسِّيوڒ بُوْلُس يكَّر لْعَامِل ݣَالْيُون ينَّا-ٱسن إِ يسْرَائِيلِيْين نِّي: "مَعْلِيك ثْشثْشَام خ شَان ن شَّرّْ نِغ خ شَان ن لْجَرِيمَا ذ ثَعفَّانْت، أَتَاف غَارْوم ڒْحَقّ اَغَارْوم صنّْطغ.

ڒخذايم 13:8

وَلَكِن يعَارّض-اَسن ؤُسحَّار نِّي بنْيَشُوْع (ونِّي ؤُمِي قَّارن س ثْيُوْنَانِيث أُلِيمَاس). نتَّا يرزُّو اَذ يسْبعّذ لْعَامِل خ لْإِيمَان.

ڒخذايم 13:12

ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

ڒخذايم 19:24

ذِنِّي يجّن ن ورْيَاز قَّارن-اَس دِمِيتْرِيُوْس. نتَّا يضبَّاع نُّقَارْث، ئِتْصنَّاع مُوْنِيكُوْث س نُّقَارْث يتمْشَابَّاهن ذِي زَّاوْيِث ن لْأَصْنَام ؤُمِي قَّارن ثَارْطَمِيسْت. دِمِيتْرِيُوْس-أَ يسْربَّاح اَطَّاس يِيْنَا يتْصنَّاعن مُوْنِيكُوْث-أَ.

ڒخذايم 19:39

مڒَا غَارْوم شَا وشثْشِي نّغْنِي، أَخَاس حكْمن ذِي لْمَجْلِس ن ثنْدِينْت.