ڒخذايم 19:29 - ثريفيث 2020

²⁹ ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 19:29 Խաչաձեւ Հղումներ

ڒخذايم 20:4

ئِسَفَر اَكِذس سُوْپَـاتْرُوْس مِّيس ن پِـيْرُو زِي ثنْدِينْت ن بِيْرْيَا، ذ أَرِيسْتَارْخُوْس ذ سَاكُوْنْدُوْس نِثْنِي زِي ثنْدِينْت ن سَالُوْنِيك، ذ غَايُوْس زِي ثنْدِينْت ن دِرْبَا، ذ تِيْمُوْتَاوُس ذ تُوْشِيق ذ تْرِيْفُوْمُو نِثْنِي زِي لْإِقْلِيم ن آسْيَا.

ثبرات غار فليمون 1:24

سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.

أيث-كولوس 4:10

ئِسَاوَّاض-اَوم-د سْڒَام أَرِسْتَارْخُوْس ونِّي إِي كِذِي يدْجَان ذِي ڒحْبس-أَ. ئِسَاوَّاض-اَوم-د سْڒَام ؤُڒَا ذ مَرْقُس مِّيس ن عْزِيزس ن بَرْنَابَاس. تُوْغَا وصِّيغ-كنِّيو خ مَرْقُس-أَ مڒَا يُوْسَا-د غَارْوم رحّْبث زَّايس.

ڒخذايم 27:2

نْݣَعّذ ذݣ يِجّن ن وغَرَّابُو يتْرَاحن ذِي ڒْوقْث نِّي زِي ڒْمُوْيِـي ن أَدْرَمِيت غَار ڒْمُوْيَاوَاث ن لْإِقْلِيم ن آسْيَا. ئِرُوْح اَكِذْنغ أَرِيْسْتَارْخُوْس، نتَّا زِي أَيث-مَاسِدُوْنْيَا زِي ثنْدِينْت ن سَالُوْنِيكْ.

1 أيث-كورينث 4:9

لِأَنَّا تْفكَّرغ بلِّي نشِّين اَرُّسُل يسْفُوْرُّوْج-اَنغ أَربِّـي ذ ينݣُّوْرَا ذِي لْملْعَب، يعْنِي نشِّين اَم يِوْذَان حكْمن خَاسن س ڒْموْث اَذ مّْثن ذِنِّي. ئِݣَّا-ٱنغ أَ نسْفُوْرُّوْج دُّنشْت-أَ ثكْمَاڒ، يعْنِي يوْذَان ذ لْمَلَائِكَاث.

1 أيث-كورينث 1:14

تْشكَّارغ أَربِّـي وَار طهِّيرغ ؤُڒَا ذ يجّن زَّايْوم س وَامَان إِلَّا كْرِيْسْبُوْس ذ غَايُوْس حمَا وَار يقَّار حَدّ قَا يتْوَاطهَّار س وَامَان عْلَاحْسَاب يسم ينُو.

أيث-روما 16:23

ئِسِّيوض-اَوم-د سْڒَام غَايُوْس، ذ نتَّا إِي زَّايِي يرحّْبن غَار ثدَّارْث نّس يرْزم-يت إِ مَارَّا جْمَاعْث ن ڒْمُوْمِنِين. ئِسِّيوض-اَوم-د سْڒَام أَرِيسْطُوْس لْأَمِين ن صّنْدُوْق ن ثنْدِينْت، ذ ؤُمَاثْنغ قَرْتُوْس.

ڒخذايم 21:30

ثكَّر ڒْفَوْضَا ذِي ثنْدِينْت مَارَّا. كَّرن يِوْذَان نِّي ؤُزّْرن غَار بُوْلُس طّْفن-ث، جَرّن-ث زِي ثمْزِيذَا ثَمقّْرَانْت غَار بَارَّا ڒخْدّنِّي بلّْعن ثِوُّوْرَا.

ڒخذايم 19:22

ئِسّكّ غَار مَاسِدُوْنْيَا ثْنَاين زݣ يِنِّي إِي ث يتْعَاوَانن يجّن قَّارن-اَس تِيْمُوْتَاوُس يجّن قَّارن-اَس أَرِيسْطُوْس، نتَّا بُوْلُس يقِّيم يجّن ن ڒْوقْث ذِي لْإِقْلِيم ن آسْيَا.

22 أيث-كورينث 8:19

مَاشِي مَانَاينِّي وَاهَا، قَا خْضَرنْت-ث-يذ ثْجُوْمَاع ن ڒْمُوْمِنِين بَاش اَكِذْنغ يسَفَر خْمِي غَا نكْسِي ڒْخِير ن صَّذَاقَا-يَا. نْكلّف خ صَّذَاقَا-يَا إِ لْعَظَمَا ن سِيذِيثْنغ س يِيخف نّس أُو بَاش اَذ د يمظْهَار مَامّش نْتݣّ ثِزمَّار أَ نْعَاون.

ڒخذايم 21:38

مَا وَار ثدْجِيذ شَا شك ذ اَمِصْرِي نِّي إِي يݣِّين لْفِتْنَا ذِي ڒِيَّام نِّي وَامِي ثْسُوْيُوْرذ اَربْعَا اَڒَاف ن لْإِرْهَابِيْين غَار ڒخْڒَا؟"

ڒخذايم 20:34

كنِّيو ثسّْنم نش تُوْغَا خذْمغ س يفَاسّن ينُو بَاش اَغَارِي يِيڒِي مِين حْذَاجغ نش ذ مِين حْذَاجن يِنِّي اَكِذِي.

ڒخذايم 19:32

مْخَرْوَاضن مَارَّا يوْذَان إِي ذِنِّي يمُوْنن، سْنكَّرن ثْغُوْيّث كُڒ يجّن مِين يقَّار. أَزْين اَمقّْرَان وَار يسِّين مِيخف ذِين مُوْنن.

ڒخذايم 17:8

وَامِي شَّعْب ذ لْحُكَّام ن ثنْدِينْت سْڒِين إِ مَانَايَا، ئِكَّر يجّن ن سّْدَع ذ اَمقّْرَان.

ڒخذايم 16:9

ذِي دْجِيڒث نِّي يهْوَا-د يجّن ن لْوَاحِي خ بُوْلُس يࢲْرَا ذَايس يجّن ن وثَرَّاس زِي لْإِقْلِيم ن مَاسِدُوْنْيَا يبدّ يتْطَلَاب-يث يقَّار-اَس زْوَا-د غَارْنغ غَار مَاسِدُوْنْيَا عَاوْن-اَنغ.

ڒخذايم 13:5

وَامِي ؤُوْضن غَار ثنْدِينْت ن سَلَامِيس بْذَان تْبشَّارن س وَاوَاڒ ن أَربِّـي ذِي ثمْزِيذَاوِين ن أَيث-إِسْرَائِيل، ئِتْعَاوَان-يثن يُوْحَنَّا نِّي.

ڒخذايم 16:12

سّنِّي نْرُوْح غَار فِيلِيپِّـي، نتَّاث ذ يجّن ن ثنْدِينْت ثُوْسَا-د ذِي لْوِلَايَا ثَمزْوَارُوْت ن لْإِقْلِيم ن مَاسِدُوْنْيَا، سْتَعْمَارن-تث يرُوْمَانِيْين. نقِّيم ذِنِّي ذِي ثنْدِينْت نِّي ڒبْعَاض ن وُوْسَّان.

ڒخذايم 19:21

منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

3 يوحنا 1:1

نش ذ اَمْغَار، تَارِيغ ثَبْرَات-أَ إِ غَايُوْس ونِّي إِي خَافِي يعِيزّن ذِي لْحَقِيقَا.