ڒخذايم 19:21 - ثريفيث 2020

²¹ منْبَعْد إِ مَانَايَا، يعوّڒ بُوْلُس اَذ يسَفَر غَار لْقُدْس، أَذ يكّ خ لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا. ينَّا: خْمِي غَا اَوْضغ ذِنِّي، ئِتْخصَّا-ٱيِي عَاوذ اَذ رَاحغ غَار ثنْدِينْت ن رُوْمَا!

ڒخذايم 19:21 Խաչաձեւ Հղումներ

ڒخذايم 16:12

سّنِّي نْرُوْح غَار فِيلِيپِّـي، نتَّاث ذ يجّن ن ثنْدِينْت ثُوْسَا-د ذِي لْوِلَايَا ثَمزْوَارُوْت ن لْإِقْلِيم ن مَاسِدُوْنْيَا، سْتَعْمَارن-تث يرُوْمَانِيْين. نقِّيم ذِنِّي ذِي ثنْدِينْت نِّي ڒبْعَاض ن وُوْسَّان.

ڒخذايم 18:12

وَلَكِن ذِي ڒْوقْث نِّي ن ݣَالْيُوْن لْعَامِل ن لْإِقْلِيم ن ؤُخَايَا، مُوْنن يسْرَائِيلِيْين هجْمن خ بُوْلُس ؤُوِين-ث غَار لْمَحْكَامَا.

ڒخذايم 18:21

وَامِي خَاسن يمْسَافَاض ينَّا-ٱسن قَا مڒَا يخس أَربِّـي، عَاذ ٱذ د عقْبغ. سّنِّي ينْيَا ذݣ ؤُغَرَّابُو يفّغ زِي ثنْدِينْت نِّي ن ؤُفَسُوْس.

ڒخذايم 19:22

ئِسّكّ غَار مَاسِدُوْنْيَا ثْنَاين زݣ يِنِّي إِي ث يتْعَاوَانن يجّن قَّارن-اَس تِيْمُوْتَاوُس يجّن قَّارن-اَس أَرِيسْطُوْس، نتَّا بُوْلُس يقِّيم يجّن ن ڒْوقْث ذِي لْإِقْلِيم ن آسْيَا.

ڒخذايم 19:29

ثوْقع يجّن ن ڒْفَوْضَا ذ ثَمقّْرَانْت ذِي ثنْدِينْت نِّي اَمن-ثكْمَاڒ. مُوْنن يِوْذَان-أَ ؤُزّْڒن غَار فُوْرْبُو جَرّن اَكِذْسن ثْنَاين ن يمدُّوْكَاڒ ن بُوْلُس إِي كِذس يتْسَفَارن، ئِجّن قَّارن-اَس غَايُوْس يجّن قَّارن-اَس أَرِيسْتَارْخُوْس، نِثْنِي زِي أَيث-مَاسِدُوْنْيَا.

ڒخذايم 20:16

زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين.

ڒخذايم 20:22

نش نْهَارَا ݣُّوْرغ غَار ثنْدِينْت ن لْقُدْس ذ أَرُّوْح إِي ذَايِي يتَاوِيِن ذِنِّي، وَار سِّينغ مِين ذَايِي غَا يوقْعن.

ڒخذايم 21:17

وَامِي نُوْوض غَار لْقُدْس، رحّْبن زَّايْنغ اَيثْمَاثْنغ س ڒفْرَاحث.

ڒخذايم 21:4

وَامِي نرْزُو خ يمحْضَارن، نُوْفِي-ثن ذِنِّي نقِّيم اَكِذْسن سبْعِيَّام. عْلَاحْسَاب مِين عڒْمن نِثْنِي زِي أَرُّوْح، قَّارن-اَس إِ بُوْلُس وَار تْݣَعَّاذ شا شك غَار ثنْدِينْت ن لْقُدْس.

ڒخذايم 23:11

دْجِيرث نِّي يبدّ-د سِيذِيثْنغ غَار بُوْلُس ينَّا-ٱس: "اݣّ زْعَامث! مَامّش إِي زَّايِي ثْشهْذذ ذِي ثنْدِينْت ن لْقُدْس، أُو لَابُد عَاوذ اَزَّايِي ثْشهْذذ ذِي ثنْدِينْت ن رُوْمَا."

ڒخذايم 27:1

وَامِي ؤُمَرن اَذَانغ سّكّن ذݣ وغَرَّابُو غَار ثْمُوْرْث ن إِطَالْيَا، سلّْمن بُوْلُس ذ ڒبْعَاض ن يمحْبَاس اَكِذس يجّن ن وعَسْكَارِي ذ اَمقّْرَان ن اَرُّوْمَانُوْس قَّارن-اَس يُوْلْيُوْس. نتَّا يُوْسَا-د زِي ڒْعَسْكَار نِّي ؤُمِي قَّارن <لْفِرْقَا ن قَيْصَر.>

ڒخذايم 27:24

ثنَّا-ٱيِي لْمَلَائِكَا نِّي: آ بُوْلُس وَار تݣّْوْذ شَا! وَا لَابُد اَذ تْبدّذ غَار لْمَلِك قَيْصَر. خْزَر عَاوذ، يِنِّي إِي كِذش يتْسَفَارن مَارَّا يسنْجم-يثن أَربِّـي اَكِذش."

ڒخذايم 28:16

نُوْذف ثَنْدِينْت ن رُوْمَا، ئِسْمح-اَس ڒْمخْزن إِ بُوْلُس اَذ يزْذغ وَاحْذس اَكِذس يقِّيم يجّن ن وعَسْكَارِي اَخَاس يعسّس.

أيث-روما 1:11

نش رزُّوْغ س وَاطَّاس اَكنِّيو ࢲرغ حمَا اَذَاوم ؤُشغ يجّن ن لْقُدْرَا رُوْحِيَا إِي ذَاوم غَا يُوْشن جّْهذ.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 1:15

س مَانَايَا نش رزُّوْغ اَطَّاس اَكنِّيو بشَّرغ س لْإِنْجِيل ؤُڒَا ذ كنِّيو إِي يدْجَان ذِي ثنْدِينْت ن رُوْمَا.

1 أيث-كورينث 16:5

فَا خْمِي غَا عْذُوْغ مَسِيدُوْنْيَا اَغَارْوم د اَسغ، قَا نش عَاذ اَذ د كّغ سّنِّي خ مَسِيدُوْنْيَا.

1 أيث-كورينث 4:19

لَّا، قَا عْڒَاين اَغَارْوم د اَسغ مڒَا يخس أَربِّـي. يِنِّي إِي ذِي يدْجَا تَّكبُّر اَثن سّْنغ نش. مَاشِي اَثن سّْنغ مِين قَّارن؛ لَّا، أَثن سّْنغ مَا ذَايْسن شَان جّْهذ مَا لَّا.

22 أيث-كورينث 10:16

أَمُّو نشِّين أَ نْبشَّر س لْإِنْجِيل ذݣ يمُوْشَان اَغِيڒِين نْوم، أَقَا وَار نخْس شَا أَ نفْتَخَر س ڒْخذْمث إِي ݣِّين مِيدّن.

أيث-ݣلاطيا 2:1

وَامِي ثعْذُو يجّن اَرْبعْطَاشَر سْنَا، ݣَعّْذغ عَاوذ غَار ثنْدِينْت ن لْقُدْس اَك بَرْنَابَا، ؤُوِيغ اَكِذِي ؤُڒَا ذ ؤُمَاثْنغ تِيتُوْس.

1 أيث-سلونيك 1:7

أَمُّو ثْذوْڒم ذ يجّن ن لْمِثَال اَث ذفَّرن مَارَّا ڒْمُوْمِنِين إِݣ يدْجَان ذِي لْإِقْلِيم ن مَاسِدُوْنْيَا ذ لْإِقْلِيم ن ؤُخَايَا.