ڒخذايم 19:17 - ثريفيث 2020

¹⁷ أَرِّين-اَسن-د ڒخْبَار مَارَّا يمزْذَاغ ن ؤُفَسُوْس، يعْنِي أَيث-إِسْرَائِيل ذ ييُوْنَانِيْين س ثْنَاين إِذْسن. ثڒْقف-يثن ثِيݣّْوْذِي أُوْشَا يتْوَاسمْغَار يسم ن سِيذِيثْنغ عِيْسَى اَطَّاس.

ڒخذايم 19:17 Խաչաձեւ Հղումներ

لوقا 1:65

ݣّْوْذن مَارَّا جِّيرَان. بْذَان سَّاوَاڒن يِوْذَان خ مَارَّا مَانَايَا ذِي مَارَّا يذُوْرَار ن ثْمُوْرْث ن يَهُوْذِيَا.

لوقا 7:16

مَارَّا ݣّْوْذن سمْغَارن أَربِّـي نَّان: "ئِمظْهَار-د جَارَانغ يجّن ن نَّبِي ذ اَمقّْرَان. أَربِّـي يفْقذ شَّعْب نّس!"

ڒخذايم 13:12

ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

ڒخذايم 18:19

ؤُوْضن غَار ثنْدِينْت ن ؤُفَسُوْس، يجَّا بُوْلُس ذِنِّي پْـرِسْكِيلَا ذ وَاكِيلَاس، سّنِّي يُوْذف غَار ثمْزِيذَا بَاش اَذ يمْنَاقَاش اَك يسْرَائِيلِيْين.

ڒخذايم 18:21

وَامِي خَاسن يمْسَافَاض ينَّا-ٱسن قَا مڒَا يخس أَربِّـي، عَاذ ٱذ د عقْبغ. سّنِّي ينْيَا ذݣ ؤُغَرَّابُو يفّغ زِي ثنْدِينْت نِّي ن ؤُفَسُوْس.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 19:16

ڒخْدّنِّي ينْظو خَاسن ورْيَاز نِّي إِي ذِي يدْجَا جّنّ اَعفَّان يغْڒب-يثن مَارَّا يجْهذ خَاسن. اَروْڒن زِي ثدَّارْث نِّي ذ يعَرْيَانن جَرّْحن.

ڒخذايم 19:18

ؤُسِين-د اَطَّاس زݣ يِنِّي إِي يُوْمْنن ڒخُّو، ڒخْذَايم نْسن إِي تُوْغَا ݣِّين ثِعفَّانِين عْتَارْفن زَّايْسنْت.

ڒخذايم 2:43

أَرُّسُل تݣّن اَطَّاس ن لْمُعْجِيزَاث ذ لْبُرْهَانَاث، ئِوْذَان تْعجّْبن زَّايْسن مَارَّا.

ڒخذايم 5:11

مَارَّا جْمَاعث ن ڒْمُوْمِينِين ذ مَارَّا يِنِّي يسْڒِين خ مَانَايَا ݣّْوْذن اَطَّاس.

ڒخذايم 5:13

زݣ يِوْذَان نِّي إِي وَار يُوْمِينن شَا وَار يزْعِيم حَدّ اَكِذْسن يِيڒِي اَك ڒْمُوْمِنِين وَلَكِن وَاخَّا ٱمنِّي تحْتَارَامن-ثن اَطَّاس.

ڒخذايم 5:5

وَامِي يسْڒَا أَنَاس إِ وَاوَاڒ نِّي، ئِوْضَا غَار ثْمُوْرْث يمُّوْث ذِنِّي. ئِوْذَان مَارَّا إِي د يارِّين ڒخْبَار-أَ ݣّْوْذن اَطَّاس.

أيث-فيليـپـي 1:20

تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

2 أيث-سلونيك 1:12

نْتتَّار-اَس مَانَايَا بَاش يسم ن سِيذِيثْنغ عِيْسَى اَذَايْوم يتْوَاسمْغَار، أَذَايس تْوَامْغَارم عَاوذ كنِّيو عْلَاحْسَاب اَرْضَا ن أَربِّـي نّغ ذ سِيذِيثْنغ عِيْسَى لْمَسِيح.

2 أيث-سلونيك 3:1

أَمَّا ثِمسْڒَايِين نّغْنِي آي أَيثْمَا، تَّارث خَانغ إِ أَربِّـي بَاش اَوَاڒ ن سِيذِيثْنغ اَذ يتنْتَاشَر اَذ يتْوَاسمْغَار مَامّش إِي يوقْعن جَارَاوم.