ڒخذايم 19:1 - ثريفيث 2020

¹ أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 19:1 Խաչաձեւ Հղումներ

ڒخذايم 18:1

منْبَعْد يفّغ بُوْلُس زِي ثنْدِينْت ن ؤُتِينَا يرُوْح غَار ثنْدِينْت ن كُوْرِينْث.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

ڒخذايم 19:17

أَرِّين-اَسن-د ڒخْبَار مَارَّا يمزْذَاغ ن ؤُفَسُوْس، يعْنِي أَيث-إِسْرَائِيل ذ ييُوْنَانِيْين س ثْنَاين إِذْسن. ثڒْقف-يثن ثِيݣّْوْذِي أُوْشَا يتْوَاسمْغَار يسم ن سِيذِيثْنغ عِيْسَى اَطَّاس.

ڒخذايم 19:26

أَقَا تْوَاڒَام تسْڒَام بُوْلُس-أَ يسْقنّع اَطَّاس ن يِوْذَان ذِي ثنْدِينْت-أَ ن ؤُفَسُوْس عْڒَاين ؤُڒَا ذِي مَارَّا لْإِقْلِيم ن آسْيَا، ئِسُوْفُوْغ-يثن زݣ وبْرِيذ نّغ. ئِقَّار-اَنغ قَا لْأَصْنَام-أَ يتْوَاصنْعن س يفَاسّن قَا وَار دْجِين شَا ذ أَربِّـيثن.

ڒخذايم 20:16

زِي ثنْدِينْت نِّي ن مِيلِيتُوْس يسّكّ بُوْلُس غَار ثنْدِينْت ن ؤُفَسُوْس يڒَاغَا-د خ يمقّْرَانن ن جْمَاعث ن ڒْمُوْمِنِين بَاش اَغَارس د اَسن. تُوْغَا يݣَّا بُوْلُس اَذ يكّ خ ڒبْحَر خ وغزْذِيس ن ثنْدِينْت ن ؤُفَسُوْس إِݣ يدْجَان ذِي لْإِقْلِيم ن آسْيَا بَاش وَار يتْعطَّڒ شَا ذِنِّي. ئِتْقدْجِيق بَاش اَذ يَاوض ذغْيَا غَار ثنْدِينْت ن لْقُدْس يمْكن قْبڒ إِ ڒْعِيذ ن نْهَار وِيس خمْسِين.

ڒخذايم 20:18

وَامِي غَارس د ؤُسِين يمقّْرَانن نِّي ينَّا-ٱسن: "كنِّيو قَا ثسّْنم مَامّش تْعِيْشغ مَارَّا ڒْوقْث نِّي إِي تُوْغَا ٱكِذْوم قِّيمغ، زِي نْهَار نِّي اَمزْوَارُو إِي د ؤُذْفغ غَار آسْيَا.

ڒخذايم 21:29

نَّان مَانَاينِّي مِنْزِي تُوْغَا ࢲْرِين اَكِذس ذِي ثنْدِينْت يجّن ن بْنَاذم قَّارن-اَس تْرِيْفُوْمُو زِي أَيث-ؤُفَسُوْس، ئِتْغِيڒ-اَسن بُوْلُس يسِيذف-يث غَار ثمْزِيذَا ثَمقّْرَانْت.

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

1 أيث-كورينث 15:32

نش مڒَا عْلَاحْسَاب ثِمسْڒَايِين ن دُّنشْت-أَ وَاهَا، مَايمِّي منْغغ اَك ڒُوْحُوْش ذِي ثنْدِينْت ن ؤُفَسُوْس؟ مِين غَا ربْحغ؟ ئِمتِّينن، مڒَا وَار د تْنكَّارن شَا زِي ڒْموْث، ئِي مَايمِّي؟ "يَالَّاه أَ نشّث أَ نسْوث، قَا ثِيوشَّا أَ نمّث."

1 أيث-كورينث 16:12

أُو عْلَاحْسَاب ؤُمَاثْنغ أَپُـوْلُّوْس، تَّارغ زَّايس اَطَّاس حمَا اَغَارْوم د يَاس اَك أَيثْمَاثْنغ نّغْنِي وَلَكِن نتَّا يُوْݣِي اَغَارْوم د يَاس ڒخُّو. أَغَارْوم د يَاس اَخْمِي اَغَارس ثِيڒِي يجّن ن لْفُرْصَا.

1 أيث-كورينث 16:8

نش اَذ قِّيمغ ذِي ثنْدِينْت ن ؤُفَسُوْس اَڒ غَا د يَاوض ڒْعِيذ ن نْهَار وِيس خمْسِين.

1 أيث-كورينث 4:6

آي اَيثْمَا قَّارغ مَانَايَا خ أَپُـوْلُّوْس ذ نش، مثّْلغ مَانَايَا حمَا اَزَّايس ثَاوِيم نّْفَع. كنِّيو اَذ تْڒمْذم زَّايْنغ مِين يعْنَا لْمِثَال نِّي يقَّارن "وَار تْبعَّاذث شَا زِي مِين يُوْرِين ذِي لْكِتَاب." أَمنِّي وَار ذِنِّي حَدّ اَذ يسشْنع شَان ورْيَاز خ ونّغْنِي.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.