ڒخذايم 18:24 - ثريفيث 2020

²⁴ ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 18:24 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:52

ينَّا-ٱسن: "كُڒ اَمسڒْمَاذ ن شَّرِيعَا ن مُوْسَى إِݣ يفهْمن ڒْمُلْك وجنَّا نتَّا اَم يِجّن ن بَاب ن ثدَّارْث إِݣ يسُوْفُوْغن ثِمسْڒَايِين ثِقْذِيمِين نِغ ذ جْذِيذ زِي مَانِي يخْزن ڒْكنْز نّس."

لوقا 24:19

ينَّا-ٱسن عِيْسَى: "مِين يوقْعن ذِنِّي؟" نَّان-اَس: "قَا عِيْسَى نَاصِرِي تُوْغَا يدْجَا ذ يجّن ن نَّبِي غَارس جّْهذ ذِي مِين يتݣّ ذ مِين يقَّار زَّاث إِ أَربِّـي ذ مَارَّا يوْذَان.

ڒخذايم 18:19

ؤُوْضن غَار ثنْدِينْت ن ؤُفَسُوْس، يجَّا بُوْلُس ذِنِّي پْـرِسْكِيلَا ذ وَاكِيلَاس، سّنِّي يُوْذف غَار ثمْزِيذَا بَاش اَذ يمْنَاقَاش اَك يسْرَائِيلِيْين.

ڒخذايم 18:21

وَامِي خَاسن يمْسَافَاض ينَّا-ٱسن قَا مڒَا يخس أَربِّـي، عَاذ ٱذ د عقْبغ. سّنِّي ينْيَا ذݣ ؤُغَرَّابُو يفّغ زِي ثنْدِينْت نِّي ن ؤُفَسُوْس.

ڒخذايم 18:28

لِأَنَّا نتَّا يتمْنَاقَاش س جّْهذ اَك يسْرَائِيلِيْين زَّاث إِ يِوْذَان، نِثْنِي وَار زمَّرن شَا اَث جَاوْبن نِيشَان مِينْزِي يسْبيّن-اَسن-د اَوَاڒن زِي لْكُتُب بلِّي نتَّا عِيْسَى ذ لْمَسِيح.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 27:6

يُوْفَا ذِنِّي وعَسْكَارِي نِّي اَمقّْرَان يجّن ن وغَرَّابُو يُوْسَا-د زِي ثنْدِينْت ن إِسْكَنْدَارِيَا يتْرَاح ذِي ڒْوقْث نِّي غَار ثْمُوْرْث ن إِطَالْيَا، ئِسْني-اَنغ ذَايس.

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

ڒخذايم 7:22

أُوْشَا سْڒمْذن-اَس إِ مُوْسَى مَارَّا مِين سّْنن يمِصْرِين، ئِذْوڒ غَارس جّْهذ ذِي مِين يقَّار ذ مِين يتݣّ.

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

1 أيث-كورينث 16:12

أُو عْلَاحْسَاب ؤُمَاثْنغ أَپُـوْلُّوْس، تَّارغ زَّايس اَطَّاس حمَا اَغَارْوم د يَاس اَك أَيثْمَاثْنغ نّغْنِي وَلَكِن نتَّا يُوْݣِي اَغَارْوم د يَاس ڒخُّو. أَغَارْوم د يَاس اَخْمِي اَغَارس ثِيڒِي يجّن ن لْفُرْصَا.

1 أيث-كورينث 4:6

آي اَيثْمَا قَّارغ مَانَايَا خ أَپُـوْلُّوْس ذ نش، مثّْلغ مَانَايَا حمَا اَزَّايس ثَاوِيم نّْفَع. كنِّيو اَذ تْڒمْذم زَّايْنغ مِين يعْنَا لْمِثَال نِّي يقَّارن "وَار تْبعَّاذث شَا زِي مِين يُوْرِين ذِي لْكِتَاب." أَمنِّي وَار ذِنِّي حَدّ اَذ يسشْنع شَان ورْيَاز خ ونّغْنِي.

22 أيث-كورينث 10:10

لِأَنَّا قَّارن خَافِي ڒبْعَاض زَّايْوم قَا ثِبْرَاثِين ن بُوْلُس جهْذنْت قسْحنْت. أُو قَّارن عَاوذ وَلَكِن خْمِي اَكِذْنغ يتِيڒِي نتَّا س يِيخف نّس يتضْعِيف اَوَاڒن نّس خْوَان.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

ثبرات غار تيتوس 3:13

عْلَاحْسَاب أَيثْمَاثْنغ أَپُـوْلُّوْس ذ زِيْنَّاس ونِّي إِي يدْجَان ذ اَوْكِيڒ، اݣّ لْمجْهُوْد نّش بَاش اَثن ثْعَاوْنذ ذݣ وبْرِيذ نْسن؛ خْزَر مَا غَارْسن مَارَّا مِين تحْذَاجَان.