ڒخذايم 18:17 - ثريفيث 2020

¹⁷ كَّرن مَارَّا إِذْسن طّْفن سَاسْتِين رفْقِي ن ثمْزِيذَا ن أَيث-إِسْرَائِيل ؤُوْثِين-ث زَّاث إِ لْمَحْكَامَا. ݣَالْيُوْن نتَّا وَار ث يشْقِي شَا مَانَاينِّي قَاع.

ڒخذايم 18:17 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:19

وَامِي يقِّيم لْحَاكم بِيلَاطُس خ ڒْكُرْسِي ن ڒحْكَام، ثسّكّ-د غَارس ثمْغَارْث نّس ثنَّا-ٱس: "تَارك-اَس إِ ورْيَاز-أَ يصْفَان ڒَاحقَّاش عدّْبغ اَطَّاس دْجِيڒث-أَ ذِي ثِيرْجِيث خ سَّبَاب نّس."

مرقس 5:22

يُوْسَا-د غَارس يجّن زِي اَرُّوْيَاس ن ثمْزِيذَا ن أَيث-إِسْرَائِيل قَّارن-اَس يَاݣْرُس. وَامِي يࢲْرَا عِيْسَى يوْضَا-يَاس غَار يضَارن نّس

ڒخذايم 17:32

يِيْنَا وَامِي تسْڒَان خ يِوْذَان اَذ د كَّرن زِي ڒْموْث ذِي لْقِيَامَا ضحْشن ڒبْعَاض خَاسن، وَلَكِن ڒبْعَاض نّغْنِي نَّان-اَس قَا نشِّين نخْس اَذَاش نْصنّط ثْوَاڒَا نّغْنِي خ مَانَايَا.

ڒخذايم 18:8

ڒفْقِي ن ثمْزِيذَا نِّي قَّارن-اَس كْرِيسْپُـوْس، يُوْمن س سِيذِيثْنغ نتَّا ذ مَارَّا ڒحْبَاب نّس. خَربِّي ن يِوْذَان زِي ثنْدِينْت ن كُوْرِينْث وَامِي سْڒِين إِ وَاوَاڒ ن بُوْلُس، ؤُمْنن تْوَاطهَّارن س وَامَان.

1 أيث-كورينث 1:1

ثَبْرَات-أَ زَّايِي نش بُوْلُس اَكِذِي ؤُمَاثْنغ سَاسْتِين. ئِڒَاغَا-ٱيِي-د أَربِّـي س ڒْخَاضَر نّس حمَا اَذ يڒِيغ ذ اَرَّسُوْل ن عِيْسَى لْمَسِيح.

1 أيث-كورينث 1:23

وَلَكِن نشِّين نتْبشَّار س لْمَسِيح يتْوَاصلّْبن. ئِسْرَائِيلِيْين تْنقْڒَاضن ذِي مَانَايَا، ذ يِنِّي وَار يدْجِين شَا زِي أَيث-إِسْرَائِيل قَّارن قَا مَانَايَا ذ ثُوْبُّوْهْڒِيَا وَاهَا.