ڒخذايم 18:15 - ثريفيث 2020

¹⁵ وَلَكِن مَانَايَا ذ لْخِلَاف جَارَاوم كنِّيو ذݣ وَاوَاڒن ذ يِيسمَاون ذ شَّرِيعَا نْوم. حلّم مَانَايَا نِّيث جَارَاوم. بْڒَا مَا ٱذ يڒيِغ نش ذ ڒْقَاضِي خ ثْمسْڒَايِين-أَ جَارَاوم."

ڒخذايم 18:15 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:24

وَامِي يُوْفَا بِيلَاطُس بلِّي وَار يقْضِي وَالُو اَرْنِين ذِي لْفَوْضَا، ييْسِي اَمَان يسِيرذ يفَاسّن نّس زَّاث إِ ڒْغَاشِي نِّي ينَّا-ٱسن: "أَقَا نش تْبرِّيغ اَزدْجِيف ينُو زݣ يذَامّن ن ورْيَاز-أَ! أَقَاث خ يِيرِي نْوم!"

أَسڒْمذ ن سِيذِيثْنغ عِيْسَى لْكِتَاب ن مَتَّى 27:4

ينَّا-ٱسن: "نش عْصِيغ وَامِي سلّْمغ يجّن إِ ڒْموْث نتَّا وَار يݣِّي مِينْخف!" نَّان-اَس نِثْنِي: "ونِّي ذ شّْغڒ نّش! نشِّين، مِين ذَانغ يرُوْحن؟"

يوحنا 18:31

ينَّا-ٱسن بِيلَاطُوْس: "إِيوَا اَوِيم-ث كنِّيو، أَخَاس ثْحكْمم س شَّرِيعَا نْوم." نَّان-اَس يسْرَائِيلِيْين: "وَار ذَانغ ثْسمّْحم شَا كنِّيو أَ نْنغ ؤُڒَا ذ يجّن."

ڒخذايم 18:13

نَّان اَرْيَاز-أَ يسْقنّع يوْذَان اَذ عبْذن أَربِّـي ضد إِ ڒْقَانُوْن.

ڒخذايم 23:29

ؤُفِيغ تُّهْمَاث نِّي نِثنْتِي ذ شَان ثْمسْڒَايِين خ شَّرِيعَا نْسن وَاهَا. وَار خَاس ؤُفِيغ بُو شَان تُّهْمَا يسْذَاهدْج خَاس ڒْموْث نِغ ذ ڒحْبس.

ڒخذايم 25:11

مڒَا خْضِيغ يعْنِي ݣِّيغ شَان ڒْحَاجث سْذَاهدْجغ خَاس ڒْموْث وَار زمَّرغ اَزَّايس اَروْڒغ. وَلَكِن مڒَا تُّهْمَاث-أَ إِي خَافِي قدّْمن وَار دْجِينْت شَا ذ صَّح، ؤُڒَا ذ يجّن مَا غَارس ڒْحَقّ اَذَايي يسلّم إِ نِثْنِي. نش تسْتَانَافغ دَّعْوث ينُو غَار لْمَلِك قَيْصَر."

ڒخذايم 25:19

لَّا، منْغن اَكِذس خ شَان ثْمسْڒَايِين ذِي دِّين نْسن ذ يِجّن ن ورْيَاز قَّارن-اَس عِيْسَى، قَا يمُّوْث وَلَكِن بُوْلُس يقَّار لَّا نتَّا يدَّر!

ڒخذايم 26:3

خَاصَّتَن مِينْزِي شك ثسّْنذ مَارَّا لْعَادَاث ن أَيث-إِسْرَائِيل ذ لْخِلَافَاث نْسن. س مَانَايَا تتَّارغ زَّايك اَذ تصْبَارذ اَذَايِي ثْصنّْطذ.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

2 تيموتاوس 2:23

أَوْݣّْوج زݣ ؤُمْنَاقَار نِّي إِي ذِي يدْجَا غِير ثُوْبُوْهْڒِيَا ذ ڒقْفَاڒث وَاهَا مِينْزِي ثسّْنذ بلِّي يتَارو غِير اَمنْغِي أُو صَافِي.

ثبرات غار تيتوس 3:9

وَلَكِن سِيْݣّْوج يخف نّش زݣ يمْنَاقَارن إِي ذِي ثدْجَا غِير ثُوْبُوْهْڒِيَا أُو عَاوذ زِي لْبَحْت نِّي ن ثْشجُّوْرَا ن ڒجْذُوْذ ذ يمنْغِيْون ذ يمْخَرْوَاضن خ شَّرِيعَا لِأَنَّا نِثْنِي ذ ڒْبَاطڒ وَاهَا وَار نفّْعن شَا قَاع.