ڒخذايم 17:18 - ثريفيث 2020

¹⁸ شَان لْفَلَسِفَا ؤُمِي قَّارن يبِيكُوْرِيْين ذ شَان لْفَلَسِفَا نّغْنِي ؤُمِي قَّارن يرِيوَاقِيْين بْذَان تمْنَاقَاشن اَك بُوْلُس نَّان ڒبْعَاض زَّايْسن، مِين يخس اَذ يِينِي وَانِيتَا يتْـپـڒْپِـيڒن وَاهَا؟ نَّان يِوْذَان نّغْنِي يمْكن يتْبشَّار س أَربِّـيثن ن دُّوَل. نَّان مَانَايَا مِينْزِي بُوْلُس يتْبشَّار س عِيْسَى ذ لْقِيَامَا.

ڒخذايم 17:18 Խաչաձեւ Հղումներ

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

ڒخذايم 4:2

وَار ذَاسن يعْجِيب بُو ڒْحَاڒ قَاع وَامِي ؤُفِين بُطْرُس ذ يُوْحَنَّا سڒْمَاذن تْحدَّاثن إِ يِوْذَان خ عِيْسَى قَّارن بلِّي يوْذَان اَذ د كَّرن زِي ڒْموْث.

لوقا 11:53

وَامِي سّنِّي يفّغ، بْذَان يمْسڒْمَاذن ن شَّرِيعَا ذ ڒْحِزب ن يفَرِّيسِيْين تْاعَرَّاضن-ث كْتَار، تْسدَّاعن-ث خ وَاطَّاس ن ثْمسْڒَايِين.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

1 أيث-كورينث 3:18

ئِتْخصَّا وَار ذِنِّي يتِيڒِي حَدّ يخدّع يخف نّس. مڒَا ذِنِّي شَان يِجّن جَارَاوم يحسّب يخف نّس ذ اَمِيغِيس ذِي زْمَان-أَ، ئِتْخصَّا اَذ يذْوڒ ذ اَبُوْهَاڒِي زَعْمَا بَاش اَذ يِيڒِي ذ اَمِيغِس.

أيث-روما 1:22

حسّْبن خ يِيخف نْسن ذ يمِيغِيسن، نِثْنِي ذوْڒن ذ يبُوْهَاڒِيْين.

ڒخذايم 26:23

يعْنِي، لْمَسِيح وَا لَابُد اَذ يتْوَاعدّب اَذ يبشَّر لْأُمَّا نّغ س نُّوْر ذ مَارَّا يِنِّي وَار يدْجِين شَا زِي أَيث-إِسْرَائِيل لِأَنَّا ذ نتَّا إِي د غَا يكَّرن ذ اَمزْوَارُو زِي ڒْموْث."

مرقس 9:14

عِيْسَى ذ يِنِّي اَكِذس ذوْڒن-د غَار يمحْضَارن ؤُفِين ذِنِّي ڒْغَاشِي ذ اَمقّْرَان مُوْنن-د خَاسن. ؤُفِين عَاوذ شَان يمْسڒْمَاذن ن شَّرِيعَا تْمنْغَان اَك يمحْضَارن نِّي.

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،

ڒخذايم 5:42

قِّيمن مكُڒ نْهَار تْرَاحن غَار ثمْزِيذَا ثَمقّْرَانْت، تْرَاحن زِي ثدَّارْث اَڒ ثدَّارْث سڒْمَاذن تْبشَّارن س عِيْسَى بلِّي نتَّا ذ لْمَسِيح.