ڒخذايم 15:2 - ثريفيث 2020

^2-3 ئِرُوْح بُوْلُس ذ بَرْنَابَا تمْنَاقَارن اَك يِنِّي إِي د يُوْسِين زِي يَهُوْذِيَا، ئِوْقع جَارَاسن يجّن ن لْخِلَاف ذ اَمقّْرَان. كَّرن جْمَاعث نِّي ن ڒْمُوْمِنِين ذݣ وَانْطَاكْيَا يخْضَرن بُوْلُس ذ بَرْنَابَا بَاش اَثن سّكّن اَك ڒبْعَاض ن ڒْمُوْمِنِين نْسن غَار ثنْدِينْت ن لْقُدْس بَاش اَذ سّقْسَان اَرُّسُل ذ يمقّْرَانن ن جْمَاعث ن ڒْمُوْمِنِين خ لْخِلَاف-أَ إِݣ يوقْعن. وَامِي سّكّن بُوْلُس ذ بَرْنَابَا غَار لْقُدْس خ وبْرِيذ نْسن عْذُوْن خ فِنِيقِيَا ذ سَمَارْيَا. خبَّرن اَيثْمَاثنغ يدْجَان ذِنِّي خ مَامّش إِݣ ؤُمْنن ؤُڒَا ذ يِنِّي وَار يدْجِين شَا زِي أَيث-إِسْرَائِيل. ڒخْبَار نِّي يسْفَرح-يثن اَطَّاس مَارَّا.

ڒخذايم 15:2 Խաչաձեւ Հղումներ

ڒخذايم 10:23

ئِكَّر بُطْرُس يسِيذف-يثن غَار ذَاخڒ يسْنوْجو-يثن. ثِيوشَّا نّس يرُوْح اَكِذْسن بُطْرُس. مُوْنن اَكِذس ڒبْعَاض ن اَيثْمَاس زِي ثنْدِينْت ن يَافَا.

ڒخذايم 11:12

ثُمَّا يوصَّا-ٱيِي أَرُّوْح ن أَربِّـي ينَّا-ٱيِي رُوْح اَكِذْسن بْڒَا مَا ٱذَايْسن ثْشكّذ. ؤُوِيغ اَكِذِي ستَّا-يَا ن يَايثْمَا، نُوْذف غَار ثدَّارْث ن كُوْرْنِينْيُوْس.

ڒخذايم 11:30

أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.

ڒخذايم 15:25

نشِّين مَارَّا نْتَافق، نِيخْضَر شَان ن يرْيَازن اَثن د نسّكّ غَارْوم اَك يمْعِيزّن نّغ بَرْنَابَا ذ بُوْلُس.

ڒخذايم 15:27

خ مَانَايَا نسّكّ-اَوم-د ؤُڒَا ذ يَهُوْذَا-يَا ذ سِيلَاس-أَ بَاش اَذَاوم ينِين س وقمُّوْم نْسن مِين ذَاوم د نُوْرَا ذِي ثبْرَات-أَ.

ڒخذايم 15:4

وَامِي ؤُوْضن غَار لْقُدْس، رحّْبن زَّايْسن جْمَاعث ن ڒْمُوْمِنِين ذ يمقّْرَانن ن جْمَاعث-أَ ذ ارُّسُل. ذِنِّي بُوْلُس ذ بَرْنَابَا عَاوْذن-اَسن إِ نِثْنِي مَارَّا مِين يݣَّا أَربِّـي خ وفُوْس نْسن.

ڒخذايم 16:4

خْمِي يݣُّوْر بُوْلُس ذ يمدُّوْكَاڒ نّس زݣ وبِيلَاج غَار وبِيلَاج يقَّار-اَسن ڒُوْصِيَاث نِّي ثِنِّي إِي ݣِّين اَرُّسُل ذ يمقّْرَانن ن جْمَاعث ن ڒْمُوْمِنِين ذِي لْقُدْس حمَا ٱثنْت ذْفَارن يِوْذَان.

ڒخذايم 21:18

ثِيوشَّا نّس يُوْذف اَكِذْنغ بُوْلُس غَار اَرَّسُوْل يَعْقُوْب، حْضَارن ذِنِّي مَارَّا يمقّْرَانن ن جْمَاعث ن ڒْمُوْمِنِين.

1 أيث-كورينث 1:1

ثَبْرَات-أَ زَّايِي نش بُوْلُس اَكِذِي ؤُمَاثْنغ سَاسْتِين. ئِڒَاغَا-ٱيِي-د أَربِّـي س ڒْخَاضَر نّس حمَا اَذ يڒِيغ ذ اَرَّسُوْل ن عِيْسَى لْمَسِيح.

22 أيث-كورينث 11:5

شُوْف، وَار حسّْبغ شَا يخف ينُو ذ اَنقْصِي زِي اَرُّسُل يمزْوُوْرَا. لَّا وَالُو.

أيث-ݣلاطيا 2:5

وَلَكِن نشِّين نُوْݣِي اَذَاسن نݣّ اَرَّاي ؤُڒَا ذ يجّن ن دْقِيقث حمَا اَذ تقِّيم اَكِذْوم لْحَقِيقَا ن لْإِنْجِيل.

ثبرات زي يهوذا 1:3

آي يمْعِيزّن ينُو، تُوْغَا رْزُوْغ اَذَاوم اَرِيغ خ ؤُبْرِيذ نِّي إِي زِي نْنجّم نشِّين إِي ذِي نْشَرّش مَارَّا، وَلَكِن ؤُفِيغ أُو لَابُد اَذَاوم اَرِيغ طَّالَب-أَ حمَا اَذ تْمنْغم خ لْإِيمَان-أَ إِي زِي تْوَاكلّْفن صَّالِحِين ذݣ يِجّن ن ثْوَاڒَا إِ ڒبْدَا.