Biblia Todo Logo
Առցանց Աստվածաշունչ

- Գովազդներ -




ڒخذايم 13:1 - ثريفيث 2020

1 ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

Տես գլուխը Պատճենել




ڒخذايم 13:1
34 Խաչաձեւ Հղումներ  

ذِنِّي يجّن قَّارن-اَس يُوْسف، عَاوذ سمَّان-ث اَرُّسُل س بَرْنَابَا يعْنِي <ونِّي يتْشجَّاعن.> نتَّا زِي شُّرْفَا ن اَيث-لَاوِي ذ مِّيس ن ثنْدِينْت ن قُبْرُص.


بُوْلُس ذ بَرْنَابَا قِّيمن ذِي ثنْدِينْت ن وَانْطَاكْيَا، سڒْمَاذن تْبشَّارن س وَاوَاڒ ن سِيذِي أَربِّـي، نِثْنِي ذ وَاطَّاس ن يِوْذَان.


يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.


ئِكَّر شَاوُل يعْنِي بُوْلُس يشُّوْر س أَرُّوْح يقدّْسن يخْزَر ذݣ وسحَّار نِّي مْلِيح؛


ذ نتَّا إِݣ يخْضَرن اَرُّسُل ذ لْأَنْبِيَا ذ يِنِّي إِݣ يتْبشَّارن س لْإِنْجِيل ذ ڒْفُقَهَا ذ يمْسڒْمَاذن.


يَهُوْذَا ذ سِيلَاس نِثْنِي ذ لْأَنْبِيَا، تْشجَّاعن ڒْمُوْمِنِين س وَاطَّاس ن وَاوَاڒن، ݣِّين ذَايْسن ؤُڒ.


أَزدْجِيذ قَيْصَر تِيبَارْيُوْس يُوْوض خمسّْطَاشَر سّْنَا زݣ وَامِي يتحْكَام، لْعَام نِّي عَاوذ بِيلَاطُوس لْبَنْطِي نتَّا ذ لْحَاكم خ يَهُوْذِيَا، هِيرُوْدُس نتَّا ذ لْوَالِي خ لْجَلِيل، ؤُمَاس فِيلِيپَّـاس نتَّا ذ لْوَالِي خ إِيْطُوْرْيَا ذ جْوَايه ن تَرْخَانِيتِيس، لَصَان نتَّا ذ لْوَالِي خ أَبِيلِينَا،


مَارَّا صَّالِحِين سَاوَّاضن-اَوم-د سْڒَام خَاصَّتَان يِنِّي يدْجَان ذِي ثدَّارْث ن وزدْجِيذ قَيْصَار.


ڒخْدّنِّي ذْفَارن-ث ذِي نِّفَاق نّس يسْرَائِيلِيْين نّغْنِي إِي يُوْمْنن. ؤُڒَا ذ بَرْنَابَا س يِيخف نّس سْبعّْذن-ث زݣ وبْرِيذ نِيشَان ذي نِّفَاق-أَ نْسن.


مَا نش ذ بَرْنَابَا وَاحذْنغ إِي وَار غَار يدْجِي ڒْحَقّ ذِي شَّارْض، مَا يتْخصَّا-يَانغ إِ نشِّين أَ نخْذم ذِي شَان ڒْحَاجث نّغْنِي بَاش أَ نْعِيش؟


ئِسِّيوض-اَوم-د سْڒَام تِيْمُوْتَاوُس ونِّي يخدّْمن اَكِذِي، ذ ڒحْبَاب ينُو يعْنِي لُوْقْيُوْس ذ يَاسِين ذ سِبَاتْرُو.


نتَّا غَارس اَرْبعَا ن ثْحنْجِيرِين ذ ثِعْزْرِيِين سَّاوَاڒنْت س مِين عدْجْمنْت زِي أَربِّـي.


وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.


أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.


وَار تْسحْقَارم شَا اَوَاڒن نِّي إِي عڒْمن يِوْذَان زِي أَربِّـي قَّارن-ثن.


بَرْنَابَا ذ شَاوُل ذوْڒن-د زِي لْقُدْس وَامِي كمّْڒن ڒْخذْمث نْسن، ؤُوِين-د اَكِذْسن يُوْحَنَّا ؤُمِي قَّارن مَرْقُس.


شَاوْل عَاذ يتْهدَّاذ س ڒْموْث يمحْضَارن ن سِيذِيثْنغ. ئِكَّر يرُوْح غَار اَرَّايس ن ڒْفُقَهَا،


فّْغن سّنِّي ڒْعَسْكَار ؤُفِين يجّن ن ورْيَاز قَّارن-اَس سِمْعَان زِي ثنْدِينْت ن لْقُرِينَا، ݣِّين خَاس س بزّز اَذ يَرْبُو صَّلِيب ن عِيْسَى.


مْكُڒ اَرْيَاز إِݣ يتْࢲَادْجَان نِغ يسَّاوَاڒ س مِين يعْڒم زِي أَربِّـي اَزدْجِيف نّس يغمّس، أَتَاف نتَّا وَار يتْوقَّر شَا اَزدْجِيف نّس.


نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.


ڒمْحِبّث-أَ نتَّاث عمَّارْص اَذ تقْضَا، مَاشَا اَذ نْتَاهَان وَاوَاڒن ن لْأَنْبِيَا، ئِڒسَاون ن يثَرَّاسن وَار تْغِيمِن شَا ذ لُّغَا، لْمَعْرِيفَا اَذ تْوَاكمّڒ يعْنِي ثُوْسْنَا.


فَا لْأَنْبِيَا أُو لَابُد اَذ سِّيوْڒن ثْنَاين نِغ ثْڒَاثَا. ئِنّغْنِي اَذ ميّْزن اَوَاڒن نِّي.


وَا لْقُدْرَاث رُوْحِيَاث ن لْأَنْبِيَا اَقَاثنْت خ يِيرِي نْسن س يِيخف نْسن.


Հետեւեք մեզ:

Գովազդներ


Գովազդներ