ڒخذايم 12:3 - ثريفيث 2020

³ وَامِي يُوْفَا مَانَاينِّي يعْجب-اَسن إِ أَيث-إِسْرَائِيل يكَّر يطّف ؤُڒَا ذ بُطْرُس. ذِي ڒِيَّام ن ڒْعِيذ ن ثفْضِيرْث إِي ذِي يوْقع مَانَاينِّي.

ڒخذايم 12:3 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:17

نْهَار اَمزْوَارُو ن ڒْعِيذ ن ثفْضِيرْث قَارّْبن-د يمحْضَارن غَار عِيْسَى نَّان-اَس: "مَانِي ثخْسذ اَذَاش نْسوْجذ اَمنْسِي ن ڒْعِيذ اَمقّْرَان؟"

يوحنا 12:43

أَقَا رزُّوْن اَرْضَا ن يِوْذَان كْتَار زِي اَرْضَا ن أَربِّـي.

يوحنا 19:11

ئِنْدق-د عِيْسَى ينَّا-ٱس: "وَار غَارك بُو جّْهذ خَافِي إِلَّا مڒَا يمُّوْش-اَش زِي أَربِّـي. عْلَاحْسَاب مَانَايَا، ونِّي إِي ذَايِي د يُوْوِين غَارش، غَارس دّْنُوْب كْتَار زَّايك."

يوحنا 21:18

أَقَا تسْڒِيذ ڒْحَقّ: ذِي ثمْࢲِي نّش تْحزَّامذ يخف نّش تْرَاحذ مَانِي مَا ثخْسذ. وَلَكِن خْمِي غَا ثوْسَارذ، أَذ تْضڒْقذ يفَاسّن نّش اَتَاف حَدّ نّغْنِي اَش يحزّم اَش يَاوِي مَانِي وَار تخْسذ شَا."

ڒخذايم 12:4

ئِطّف-يث يݣِّي-ث ذِي ڒحْبس، ئِسلّم-يث إِ اَربْعَا ن لْفِرْقَاث ن ڒْعَسْكَار اَث حْضَان، مْكُڒ لْفِرْقَا ذَايس اَربْعَا. ئِنْوَا اَخَاس يحْكم زَّاث إِ شَّعْب منْبَعْد إِ ڒْعِيذ اَمقّْرَان.

ڒخذايم 2:14

بُطْرُس اَقَاث اَك حِيطَاش نِّي ن اَرُّسُل، ئِكَّر يسِّيوڒ س جّْهذ ينَّا-ٱسن: "آي يرْيَازن ن أَيث-إِسْرَائِيل ذ مَارَّا يمزْذَاغ ن لْقُدْس، ئِتْخصَّا اَذ تسّْنم اَذ تْصنّْطم مْلِيح إِ وَاوَاڒن ينُو.

ڒخذايم 20:6

وَامِي يعْذُو ڒْعِيذ ن ثفْضِيرْث، ننْيَا ذݣ ؤُغَرَّابُو نفّغ زِي ثنْدِينْت ن فِيلِيپِّـي. منْبَعْد إِ خمْسِيَّام نذْفَار-يثن غَار ثنْدِينْت ن تْرَاوْس، نقِّيم ذِنِّي سبْعِيَّام.

ڒخذايم 24:27

عْذُوْن ثْنَاين ن يسݣّْوُوْسَا، ئِذْوڒ-د بُوْرْكْيُوْس فَسْتُوْس ذݣ ومْشَان ن لْوَالِي فِيلِيكْس. وَلَكِن فِيلِيكْس يݣَّا-ٱسن ڒْخَاضَر إِ يسْرَائِيلِيْين، يجَّا بُوْلُس ذِي ڒحْبس.

ڒخذايم 25:9

وَلَكِن لْوَالِي فَسْتُوْس يرزُّو اَذ يݣّ ڒْخَاضَر إِ أَيث-إِسْرَائِيل أُوْشَا ينَّا-ٱس إِ بُوْلُس: "مَا ثخْسذ اَذ تْݣَعّْذذ غَار ثنْدِينْت ن لْقُدْس اَخَاك حكْمغ ذِنِّي نش خ تُّهْمَاث-أَ؟"

ڒخذايم 4:13

خْزَرن لْحُكَّام نِّي ذِي زْعَامث ن بُطْرُس ذ يُوْحَنَّا ؤُفِين-ثن وَار غْرِين شَا نِثْنِي ذ يوْذَان عَادِي. قِّيمن تْعجّْبن، عقْڒن-ثن تُوْغَاثن اَك عِيْسَى.

أيث-ݣلاطيا 1:10

شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.

1 أيث-سلونيك 2:4

لَّا، ئِضْبع-اَنغ أَربِّـي يكلّف-اَنغ خ وَاوَاڒن-أَ يدْجَان ذِي لْإِنْجِيل. زِي مَانَايَا نسَّاوَاڒ بَاش اَخَانغ يَارْضَا أَربِّـي مَاشِي اَخَانغ اَرْضَان يِوْذَان مِينْزِي ذ نتَّا إِݣ يدْجَان ذ ونِّي يتْميَّازن مِين غَارْنغ ذݣ وُوْڒَاون نّغ.