ڒخذايم 11:13 - ثريفيث 2020

¹³ ئِعَاوذ-اَنغ نتَّا مَامّش يࢲْرَا يجّن ن لْمَلَاك يبدّ-د ذِي ثدَّارْث نّس ينَّا-ٱس: سكّ يرْيَازن غَار ثنْدِينْت ن يَافَا اَذ د اَوِين سّنِّي سِمْعَان ؤُمي قَّارن بُطْرُس.

ڒخذايم 11:13 Խաչաձեւ Հղումներ

ڒخذايم 10:22

نَّان-اَس: "قَا نشِّين يسّكّ-اَنغ-د كُوْرْنِينْيُوْس يجّن ن وعَسْكَارِي ذ اَمقّْرَان ن اَرُّوْمَانُوْس. نتَّا ذ يجّن ن ورْيَاز نِيشَان يتݣّْوذ أَربِّـي، تْوقَّارن-ث مَارَّا ڒْقُوْم ن أَيث-إِسْرَائِيل. ينَّا-ٱس يجّن ن لْمَلَاك ن أَربِّـي: سكّ غَار بُطْرُس، اَذ د يَاس غَار ثدَّارْث نّش اَذَاس ثْصنّْطذ مِين ذَاش غَا يِينِي."

ڒخذايم 11:12

ثُمَّا يوصَّا-ٱيِي أَرُّوْح ن أَربِّـي ينَّا-ٱيِي رُوْح اَكِذْسن بْڒَا مَا ٱذَايْسن ثْشكّذ. ؤُوِيغ اَكِذِي ستَّا-يَا ن يَايثْمَا، نُوْذف غَار ثدَّارْث ن كُوْرْنِينْيُوْس.

ڒخذايم 11:14

أَذَاش يِينِي اَوَاڒن إِي زِي غَا ثْنجْمذ شك ذ مَارَّا اَيثْبَاب ن ثدَّارْث نّش.

ڒخذايم 12:11

ذِنِّي إِي د يَارَّا بُطْرُس ڒْبَاڒ نّس ينَّا: "ڒخُّو سّْنغ مَانَايَا ذ صَّح قَا يسّكّ-اَيِي-د سِيذِي أَربِّـي لْمَلَائِكَا نّس، ئِسنْجم-اَيي-د زݣ يفَاسّن ن هِيرُدُوْس ذ مَارَّا مِين خْسن اَذَايِي ݣّن أَيث-إِسْرَائِيل."

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

ڒخذايم 9:38

سْڒِين يمحْضَارن ذِي ثنْدِينْت ن يَافَا بلِّي بُطْرُس اَقَاث ذݣ وبِيلَاج ن لُوْدَّا. لُوْدَّا ثُوْذس-د إِ يَافَا، سّكّن غَارس ثْنَاين ن يِوْذَان حشْمن-ث نَّان-اَس: "عَافك اَرْوَاح اَكِذْنغ ذغْيَا!"

ڒخذايم 9:42

ئِفّغ ڒخْبَار ذِي ثنْدِينْت ن يَافَا مَارَّا، ؤُمْنن زي سِيذِيثْنغ اَطَّاس ن يِوْذَان.

ڒخذايم 9:43

ئِقِّيم بُطْرُس ذِي يَافَا اَطَّاس ن وُوْسَّان اَك يِجّن ن بُو-يِيڒْمَاون قَّارن-اَس سِمْعَان.

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.