ڒخذايم 10:31 - ثريفيث 2020

³¹ ئِقَّار-اَيِي-د: آ كُوْرْنِينْيُوْس! قَا أَربِّـي يسْتَاجب-اَش إِ ثْࢲَادْجِيث نّش، صَّذَقَا نّش يفكَّر ذَايس.

ڒخذايم 10:31 Խաչաձեւ Հղումներ

ڒخذايم 10:4

ئِخْزَر ذَايس كُوْرْنِينْيُوْس مْلِيح يݣّْوذ ينَّا-ٱس: "آ سِيذِي، مِين ثْرزُّوْذ؟" ينَّا-ٱس لْمَلَاك نِّي: "قَا ثْࢲَادْجِيث نّش ذ صَّذَقَا نّش اَقَا يقْبڒ-يثنْت زَّايك أَربِّـي، نتَّا قَا يفْقذ-يشك.

لوقا 1:13

ينَّا-ٱس لْمَلَاك نِّي: "آ زَكَرِيَا وَار تݣّْوذ شَا، قَا يسْتَاجب-اَش أَربِّـي ذِي مِين ذَاس ثتَّارذ. ثَمْغَارْث نّش إِلِيزَابت اَذَاش د ثجّ يجّن ن وحنْجِير، أَث ثسمِّيذ شك يَحْيَى.

لواحي ن يوحنا 5:8

وَامِي ييْسِي لْكِتَاب-أَ، لْمخْلُوقَاث نِّي س اَرْبعَا ذ اَرْبعَا أُو عِشْرِين ن يمْغَارن نِّي سجّْذن-اَس إِ يِزْمَار. مْكُڒ يجّن زَّايْسن غَارس ثْݣَامْبْرِيت غَارس ثِمجْمَارِين ݣِّين-ثنْت س دّْهب عمَّارنْت س تْبَخُوْر، يعْنِي ذ ثْࢲَادْجِيث ن ڒْمُوْمِنِين صَّالِحِين.

أيث-فيليـپـي 4:18

طّْفغ ڒْمُوْنث ثكْمَاڒ زَّايْوم أُو كْتَار عَاذ. ثْذبَّرم-اَيِي-د مْلِيح وَامِي قبْڒغ زݣ وُوْمَاثْنغ پَـارْفُوْلِيتُس لْهَدِيَاث نِّي إِي ذَايِي د ثسّكّم. نِثنْتِي اَم يِجّن صّذْقث ثتْفُوْح ذ يِجّن ن دْبِيحث إِي غَا يقْبڒ أَربِّـي إِي ذَاس غَا يعجْبن.

يعيبرانيين 6:10

إِيوَا أَربِّـي، مَا يتِيشّ ڒْحَقّ مَا لَّا؟ وَاه، أَربِّـي وَار يتتُّو شَا ڒْخذْمث نْوم ذ ڒمْحِبّث نِّي ذَاس د ثْسظْهَارم وَامِي ثْعَاوْنم صَّالِحِين. أُو عَاذ تݣّم مَانَايَا.

ڒخذايم 10:30

ئِنْدق-د كُوْرْنِينْيُوْس ينَّا-ٱس: "قَا نش اَرْبعِييَّام زݣ وَامِي غَار ثْڒَاثَا وعشِّي اَم ڒْوقْث-أَ، تُوْغَا تْࢲَادْجِيغ ذِي ثدَّارْث ينُو. عْلَاغَفْلَا يبدّ-د زَّاثِي يجّن ن وثَرَّاس غَارس اَرُّوْض يتْشعْشِيع.

ڒخذايم 10:32

سكّ غَار ثنْدِينْت ن يَافَا، أَوِي-د سِمْعَان ونِّي ؤُمي قَّارن بُطْرُس. أَقَاث ذِنِّي ذ اَنوْجِي ذِي ثدَّارْث ن يِجّن ن بُو-يِيڒْمَاون قَّارن-اَس سِمْعَان خ طَّارْف ن ڒبْحَر.