ڒخذايم 10:27 - ثريفيث 2020

²⁷ يُوْذف بُطْرُس يسَّاوَاڒ اَكِذس يُوْفَا ذِنِّي اَطَّاس ن يِوْذَان مُوْنن.

ڒخذايم 10:27 Խաչաձեւ Հղումներ

22 أيث-كورينث 2:12

فَا وَامِي د ؤُوْضغ غَار ثنْدِينْت ن تْرَاوْس بَاش اَذ بشَّرغ س لْإِنْجِيل ن لْمَسِيح، ؤُفِيغ ثْنُوْرْزم-اَيِي-د يجّن ن ثوَّارْث ن سِيذِيثْنغ.

ڒخذايم 10:24

فَرْوِيشَّا نّس يُوْوض بُطْرُس غَار ثنْدِينْت ن قَيْصَارِيَا. ئِتْرَاجَا-ثن ذِنِّي كُوْرْنِينْيُوس، أَكِذس ڒبْعَاض ن ڒحْبَاب نّس ذ ڒبْعَاض ن يمدُّوْكَاڒ نّس إِي د يعَرض.

يوحنا 4:35

غَارْوم يجّن ن لْمِثَال يقَّار: منْبَعْد إِ اَرْبعَا ن شْهُوْرَاث اَذ د تَاس ڒْوقْث ن ومْجَار. نش اَذَاوم ينِيغ: رزْمث ثِيطَّاوِين نْوم خْزَارث يمَرْجعِيون، ثُوْوض-د ڒْوقْث ن ومْجَار.

1 أيث-كورينث 16:9

أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

أيث-كولوس 4:3

ذِي نّفْس ن ڒْوقْث تَّارم-اَس إِ أَربِّـي خَانغ بَاش اَذ يرْزم ثَوَّارْث إِ وَاوَاڒ نّغ أَ نْبشَّر س ڒْمَعْنَا ينُوْفَّرن ن لْمَسِيح إِي خف إِي دْجِيغ نش ذِي ڒحْبس.

لوقا 24:14

سَّاوَاڒن جَارَاسن خ ثْمسْڒَايِين يوقْعن.