2 أيث-سلونيك 3:6 - ثريفيث 2020

⁶ فَا آي أَيثْمَا، نتْوصَّا-كنِّيو عْلَاحْسَاب يسم ن سِيذِيثْنغ عِيْسَى لْمَسِيح اَذ تْبعّْذم زِي مْكُڒ ڒْمُوْمن يتْبَاعن فَرْق-شّْغڒ، نتَّا وَار يذفَّار شَا تَّعْلِيم إِي ثْقبْڒم زَّايْنغ.

2 أيث-سلونيك 3:6 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:17

وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

1 أيث-كورينث 11:2

فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.

1 أيث-كورينث 5:4

خْمِي غَا ثْمُوْنم س يِيسم ن سِيذِيثْنغ عِيْسَى اَكِذْوم يِيڒِي اَرُّوْح ينُو، س جّْهذ ن سِيذِيثْنغ عِيْسَى

1 أيث-كورينث 5:9

تُوْغَا ؤُرِيغ-اَوم-د ذِي ثبْرَات نِّي ينُو وَار تْعَاشَرث شَا يِنِّي يتݣّن لْفَسَاد.

22 أيث-كورينث 2:10

ونِّي ؤُمِي غَا ثْسمْحم ؤُڒَا ذ نش اَذَاس سمْحغ. مڒَا ذِنِّي شَان ڒْحَاجث اَذَاس سمْحغ، قَا سمْحغ-اَس-ت. سمْحغ-اَس عْلَاحْسَاب كنِّيو، ئِشْهذ خَاس لْمَسِيح.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-كولوس 3:17

مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

1 أيث-سلونيك 4:11

نتْوصَّا عَاوذ اَذ تْحَوْڒم بَاش اَذ تْعِيشم ذِي ڒْهُدْنث، أَذ تَاذْفم ذِي شّْغُوْڒَاث نْوم وَاهَا، أَذ تْخذْمم س يفَاسّن نْوم. أَمنِّي إِي كنِّيو نتْوصَّا قْبڒ.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

2 أيث-سلونيك 2:15

إِذن آي أَيثْمَا، بدّم نِيشَان، طّْفم ذِي تَّعَالِيم نِّي إِي كنِّيو نْسڒْمذ وَاخَّا س وَاوَاڒ نّغ وَاخَّا س ثبْرَات نّغ.

2 أيث-سلونيك 3:7

كنِّيو س يِيخف نْوم ثسّْنم أُو لَابُد اَذ تبْعم اَبْرِيذ نِّي إِي نݣَّا جَارَاوم. نشِّين وَار نتْبِيع شَا فَرْق-شّْغڒ وَامِي تُوْغَانغ اَكِذْوم.

1 تيموتاوس 5:21

أَقَا عڒْمغ-اَش زَّاث إِ أَربِّـي ذ عِيْسَى لْمَسِيح ذ لْمَلَائِكَاث يتْوَاخْضَرن قَا لَابُد اَذ تݣّذ ثِمسْڒَايِين-أَ بْڒَا مَا ٱذ تݣّذ ڒْفَرْز اَك شَان حَدّ بْڒَا مَا ٱذ تݣّذ عَاوذ س وُوْذمَاون.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

2 تيموتاوس 4:1

أَشك وصِّيغ زَّاث إِ أَربِّـي ذ عِيْسَى لْمَسِيح ونِّي إِي غَا يحكْمن خ يِنِّي يدَّرن ذ يِنِّي يمُّوْثن، أَشك وصِّيغ عَاوذ ذِي ڒْمُلْك نّس ذ نْهَار نِّي إِي ذِي د غَا يمظْهَار:

2 يوحنا 1:10

ونِّي إِي غَارْوم د يتَاسن وَار د يتِيوِي اَكِذس تَّعْلِيم-أَ، ئِتْخصَّا-كنِّيو وَار ث ثْسِيذِيفم شَا غَار ثُوْذْرِين نْوم وَار ذَاس ثقَّارم شَا حتَّا ؤُڒَا ذ أَزُوْل.