2 بطرس 3:1 - ثريفيث 2020

¹ آي يمْعِيزّن ينُو، ثَبْرَات-أَ ذ وِيس ثْنَاين ڒخُّو إِي ذَاوم د ؤُرِيغ. س ثْنَاين إِذْسنْت سْفكَّرغ-كنِّيو تْشجَّاعغ-كنِّيو س ڒَعْقُوْڒَاث نْوم اَذ تِيڒِيم ثصْفَام.

2 بطرس 3:1 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:8

سَّعْذ نْسن إِ يِنِّي غَار يدْجَا وُوْڒ ذ اَشمْڒَاڒ، أَقَا اَذ ࢲرن أَربِّـي.

22 أيث-كورينث 13:2

نش ذِي زِّيَارَا إِي تُوْغَا د ݣِّيغ غَارْوم وِيس ثْنَاين عڒْمغ-اَسن إِ يِنِّي يعصَّان ذ يِوْذَان نّغْنِي مَارَّا. ڒخُّو خْمِي خَاوم تْغَابِيغ اَذَاوم عڒْمغ عَاوذ، يعْنِي خْمِي د غَا اَوْضغ ؤُڒَا ذ يجّن زݣ يِنِّي يعصَّان مَا اَخَاس حِينّغ.

1 تيموتاوس 5:22

ئِفَاسّن نّش وَار تْقدْجِيق شَا اَثن تْسرْسذ خ شَان حَدّ، وَار شَرّش شَا ذِي ڒْمُعْصِيَاث ن مِيدّن. قِّيم شك ثصْفِيذ.

2 تيموتاوس 1:6

خ مَانَايَا اَش فكَّرغ بَاش اَذ تْسنْهزّذ لْقُدْرَا نِّي إِي ذَايش يدْجَان زِي أَربِّـي عْلَاحْسَاب وَامِي خَاش سرْسغ يفَاسّن ينُو.

يعيبرانيين 6:9

آي يمْعِيزّن ينُو، وَاخَّا نسَّاوَاڒ اَمُّو نشِّين متْأَكدِّين زَّايْوم يعْنِي خ ثْمسْڒَايِين ثِصبْحَانِين إِي زِي غَا تْنجْمم.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

2 بطرس 3:17

إِذن آي يمْعِيزّن ينُو، كنِّيو ثسّْنم مَانَايَا، حْضَاث يخف نْوم بَاش وَار كنِّيو يتَاوِي شَا لْغَلَط ن لْمُفْسِدِين اَذ د توْضَام زِي دْسَاس نْوم.

2 بطرس 3:8

آي يمْعِيزّن ينُو، وَار تتُّوْث شَا ثَمسْڒَايْث-أَ: سِيذِيثْنغ يحسّب يجّن ن نْهَار اَم وَاڒَاف ن يسݣّْوُوْسَا، ئِحسّب اَڒَاف ن يسݣّْوُوْسَا اَم يِجّن ن نْهَار.

ثبرات زي يهوذا 1:5

وَاخَّا سّْنغ بلِّي ثسّْنم مَانَايَا، خْسغ اَكنِّيو سْفكَّرغ مْلِيح بلِّي سِيذِيثْنغ يفكّ شَّعْب نّس زِي مِصْرَا، وَلَكِن منْبَعْد يِنِّي وَار يُوْمِيْنن شَا يمْحَا-ثن قَاع.