22 أيث-كورينث 5:12 - ثريفيث 2020

¹² مَا نبْذَا أَ نْشكَّر يخف نّغ عَاوذ زَعْمَا؟ لَّا، نْتِيشّ-اَوم مِينْزِي خَانغ غَا تفْتَخَرم. مَايمِّي؟ يعْنِي حمَا اَغَارْوم يِيڒِي مِينْزِي غَا ثَارّم خ يِنِّي يتفْتَخَرن خ مِين د يتْبَانن غَار بَارَّا مَاشِي مِين يدْجَان غَار ذَاخڒ ذݣ وُوْڒ.

22 أيث-كورينث 5:12 Խաչաձեւ Հղումներ

22 أيث-كورينث 10:12

شُوْف، وَار نْزمَّر أَ نْقَرَن يخف نّغ نِغ أَ نْمثّل يخف نّغ اَك يِنِّي يتْشكَّارن إِ يِيخف نْسن. يِيْنَا خْمِي تْميَّازن يخف نْسن اَك وَايَاوْيَا نِغ تْمثَّالن يخف نْسن اَك وَايَاوْيَا يعْنِي ذَايْسن ڒقْفَاڒث.

22 أيث-كورينث 10:18

لِأَنَّا مَاشِي ونِّي يتْقدَّامن يخف نّس إِي غَا يتْوَاقبّْڒن؛ لَّا، ونِّي إِي غَا يتْوَاقبّْڒن ذ سِيذِي أَربِّـي إِي ث غَا يقدّْمن.

22 أيث-كورينث 10:7

كنِّيو ثْخزَّرم غَار مِين د يتْبَانن خ وُوْذم وَاهَا. مڒَا شَان يِجّن متْأَكّد نتَّا زِي لْمَسِيح أُو لَابُد اَذ يفكَّر ؤُڒَا ذ نشِّين زِي لْمَسِيح أَم نتَّا.

22 أيث-كورينث 10:8

وَاخَّا تفْتَخَرغ شْوَايْت س صَّرَاحَا-يَا خ سُّلْطَا نِّي إِي ذَانغ يُوْشَا سِيذِيثْنغ، وَلَكِن وَار تْسذْحِيغ شَا زِي مَانَايَا. سُّلْطَا-يَا يُوْشَا-ٱنغ-ت حمَا اَكنِّيو نْسجْهذ مَاشِي حمَا اَكنِّيو نرز.

22 أيث-كورينث 12:11

عَاذ سَّاوَاڒغ س ثُوْبُّوْهْڒِيَا-يَا زَعْمَا، ذ كنِّيو إِي خَافِي يبزّن اَمُّو. شُوْف، تُوْغَا يتْخصَّا-كنِّيو اَذَايِي ثْشكَرم، مَايمِّي؟ لِأَنَّا نش وَاخَّا ذ وَالُو إِي دْجِيغ، وَار دْجِيغ بُو ذ اَنقْصِي زِي اَرُّسُل نِّي يمزْوُوْرَا.

22 أيث-كورينث 3:1

نشِّين، مَا نبْذَا أَ نْشكَّر يخف نّغ عَاوذ زَعْمَا بَاش اَذَاوم نْقدّم يخف نّغ؟ مَا نشِّين اَم شَا ن يثَرَّاسن غَا يحْذَاجن ثِبْرَاثِين بَاش اَخَانغ شهّْذنْت، يعْنِي ثِبْرَاثِين نِّي اَذ د اَسنْت زَّايْوم نِغ اَغَارْوم د اَسنْت؟

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

أيث-فيليـپـي 1:26

أَغَارْوم د عقْبغ عَاوذ. خ سَّبَاب-أَ اَتَاف ڒفْرَاحث نْوم ذِي عِيْسَى لْمَسِيح اَذ د تنْفيّض عْلَاحْسَاب نش.