22 أيث-كورينث 10:8 - ثريفيث 2020

⁸ وَاخَّا تفْتَخَرغ شْوَايْت س صَّرَاحَا-يَا خ سُّلْطَا نِّي إِي ذَانغ يُوْشَا سِيذِيثْنغ، وَلَكِن وَار تْسذْحِيغ شَا زِي مَانَايَا. سُّلْطَا-يَا يُوْشَا-ٱنغ-ت حمَا اَكنِّيو نْسجْهذ مَاشِي حمَا اَكنِّيو نرز.

22 أيث-كورينث 10:8 Խաչաձեւ Հղումներ

22 أيث-كورينث 1:24

لِأَنَّا وَار يدْجِي بُو نتْحكّم خ لْإِيمَان نْوم؛ لَّا، نْخدّم اَكِذْوم بَاش اَذ تْفَرْحم. أَقَا س لْإِيمَان نْوم إِي ثْبدَّام نِيشَان.

22 أيث-كورينث 10:4

ڒسْنَاح نّغ مَاشِي اَم ونِّي إِݣ يسْخدَّام بْنَاذم، غَارْنغ يجّن ن ڒسْنَاح نّغ زِي سِيذِي أَربِّـي زَّايس إِي نتْرزَّا يمُوْشَان يجهْذن.

22 أيث-كورينث 10:9

وَار خْسغ شَا اَذَاوم تْغِيڒ بلِّي نش اَكنِّيو سِيݣّْوْذغ س ثبْرَاثِين ينُو.

22 أيث-كورينث 12:19

مشْحَاڒ زݣ وَامِي ثْنوَّام زَعْمَا نْدَافع خ يِيخف نّغ زَّاثْوم وَاهَا؟ لَّا آي يمْعِيزّن ينُو، نسَّاوَاڒ مَارَّا مَانَايَا ذِي لْمَسِيح زَّاث إِ أَربِّـي بَاش اَكنِّيو نْسجْهذ.

22 أيث-كورينث 12:6

شُوْف، مْڒِي خْسغ اَذ فْتَخَرغ زݣ يِيخف ينُو اَتَاف سَّاوَاڒغ س ڒْحَقّ مَاشِي س ثُوْبُّوْهْڒِيَا. وَلَكِن ؤُݣِيغ اَذ ݣّغ اَمُّو، مَايمِّي؟ حمَا اَذَايِي حسْبن يِوْذَان غِير س مِين تْوَاڒَان ذَايِي س ثِيطَّاوِين نْسن أُو ذ مِين تْصنَّاطن زَّايِي س يمجَّان نْسن.

22 أيث-كورينث 13:10

س مَانَايَا إِي تَارِيغ نش ثِمسْڒَايِين-أَ ذِي ثبْرَات-أَ نش غَابغ خَاوم. أَمُّو خْمِي إِي د غَا عقْبغ غَارْوم وَار خْسغ شَا اَذ يڒِيغ قسْحغ اَكِذْوم عْلَاحْسَاب سُّلْطَا نِّي إِي ذَايِي يُوْشَا سِيذِيثْنغ. يُوْشَا-ٱيِي-ت بَاش اَكنِّيو سْجهْذغ مَاشِي اَكنِّيو رْزغ.

22 أيث-كورينث 13:8

شُوْف، وَار نْزمَّر أَ نݣّ وَالُو ضد إِ لْحَقِيقَا؛ نْخدّم إِ لْحَقِيقَا.

22 أيث-كورينث 7:14

وَامِي زَّايْوم فْتَخَرغ غَار تِيْتُوْس وَار يدْجِي مَايمِّي غَا سذْحِيغ ڒخُّو. ڒَاحقَّاش مَامّش نسِّيوڒ اَكِذْوم نِيشَان ذِي مَارَّا، ؤُڒَا ذ لْإِفْتِخَر نّغ خَاوم غَار تِيتُوْس قَا يفّغ-د نِيشَان.

22 أيث-كورينث 7:4

نش تݣّغ اَكِذْوم زْعَامث اَطَّاس، لْإِفْتِخَر إِي غَارِي ذَايْوم يمْغَر. تْوَاشجّْعغ اَطَّاس، ڒفْرَاحث ينُو تمْفيَّاض-د خ مَارَّا ڒمْحَاين نّغ.

أيث-ݣلاطيا 1:1

نش ذ بُوْلُس، نش ذ يجّن ن اَرَّسُوْل ماشي س يِوْذَان نِغ س ڒْخَاضَر ن بْنَاذم؛ لَّا، نش ذ اَرَّسُوْل س عِيْسَى لْمَسِيح أُو عَاوذ س أَربِّـي بَابَاثْنغ إِي د يسكَّرن عِيْسَى زِي ڒْموْث.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.