1 تيموتاوس 6:3 - ثريفيث 2020

³ مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

1 تيموتاوس 6:3 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:21

نَّان-اَس: "ن قَيْصَر." ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر. مِين يدْجَان ن أَربِّـي ؤُشم-اَس-ث إِ أَربِّـي."

أَسڒْمذ ن سِيذِيثْنغ عِيْسَى لْكِتَاب ن مَتَّى 28:20

سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

1 أيث-سلونيك 4:8

فَلِيهَذَا ونِّي يتَاݣِين اَذ يذْفَار ڒُوْصِيّث-أَ ثَانِيتَان اَتَاف مَاشِي يتَاݣِي إِ بْنَاذم، ئِتَاݣِي إِ أَربِّـي ونِّي إِي ذَاوم د يتِيشّن أَرُّوْح نّس يقدّْسن.

1 تيموتاوس 1:10

ذ يِنِّي يتݣّن لْفَسَاد ذ يرْيَازن يفسّْذن اَك وَايَاوْيَا ذ يِنِّي يتَاشَارن يوْذَان حمَا اَثن اَرّن ذ يسمْغَان ذ يِنِّي يقَّارن يخَرِّيقن ذ يِنِّي يشهّْذن ࢲُّوْر نِغ ذ يِنِّي يتݣّن شَان ن ثْمسْڒَايِين نّغْنِي يدْجَان ضد إِ تَّعْلِيم ن لْإِيمَان يدْجَان نِيشَان.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

1 تيموتاوس 1:6

ڒبْعَاض فّْغن زِي ثْمسْڒَايِين-أَ ؤُذْفن ذݣ وَاوَاڒن إِي يخْوَان.

2 تيموتاوس 1:13

مثّل تَّعْلِيم نِّي نِيشَان إِي ثسْڒِيذ زَّايِي، أَكِذس إِي غَا يِيڒِي يجّن ن لْإِيمَان ذ يِجّن ن ڒمْحِبّث إِي يدْجَان ذِي عِيْسَى لْمَسِيح.

2 تيموتاوس 4:3

أَقَا اَذ تَاس ڒْوقْث نِّي نِثْنِي وَار تْصنِّيطن شَا غَار تَّعْلِيم نِيشَان؛ أَغَارْسن د سْمُوْنن يجّن ن لْعَدَد ن يمْسڒْمَاذن سَّاوَاڒن غِير مِين ذَاسن يعجْبن إِ يمجَّان نْسن وَاهَا.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار تيتوس 1:9

ئِتْخصَّا أُو لَابُد اَذ يطّف مْلِيح ذݣ وَاوَاڒ نِّي إِي ذِي ثدْجَا تِّقث إِي ذَاس يتْوَاسْڒمْذن حمَا اَذ يشجّع يوْذَان س يِجّن ن تَّعْلِيم نِيشَان اَذ ينْهَا يِنِّي يتْعَارَّاضن إِ تَّعْلِيم-أَ.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.