1 تيموتاوس 4:3 - ثريفيث 2020

³ نِثْنِي اَذ سْبدّن يوْذَان بَاش وَار مدْجْشن شَا، قَّارن-اَسن عَاوذ قَا شَا ن لْمَكْلَاث ممْنُوْع اَثنْت شّن. وَلَكِن لْمَكْلَاث نِّي يخْڒق-يثنْت-يد أَربِّـي اَثنْت نقْبڒ نشِّين إِݣ يتَامْنن نسّن لْحَقِيقَا.

1 تيموتاوس 4:3 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:19

يُوْمَر ڒْغَاشِي نِّي اَذ قِّيمن خ اَرْبِيع. يطّف خمْسَا ن ثْخبَّازِين نِّي ذ ثْنَاين ن يسڒْمَان نِّي، ييْسِي ثِيطَّاوِين نّس غَار وجنَّا يشكَّر أَربِّـي. يرْزَا ثِخبَّازِين نِّي خ ثْنَاين يُوْشَا-ٱسن-ثنْت إِ يمحْضَارن نّس، ڒخْدّنِّي فرْقن-ثنْت خ يِوْذَان نِّي مَارَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 15:11

مَا ذِنِّي شَا ن ثْمسْڒَايْث يتَاذْفن اَقمُّوْم تْحَارَّام بْنَاذم؟" ينَّا-ٱسن: "لَّا، مِين د يتفّْغن زݣ وقمُّوْم اَقَا مَانَاينِّي إِݣ يتْحَارَّامن بْنَاذم."

أَسڒْمذ ن سِيذِيثْنغ عِيْسَى لْكِتَاب ن مَتَّى 15:36

ئِطّف سبْعَا نِّي ن ثشْنِيفِين ذ يسڒْمَان نِّي، ئِشكَّر أَربِّـي. يرْزِي-ثن يُوْشِي-ثن إِ يمحْضَارن نّس، ئِمحْضَارن نّس فرْقن-ثن خ ڒْغَاشِي نِّي.

لوقا 24:30

وَامِي اَكِذْسن يقِّيم اَذ يشّ، ئِكَّر ييْسِي اَغْرُوْم يشكَّر أَربِّـي يرْزِي-ث يبْذَا يفَرّق-اَسن-ث.

يوحنا 6:23

سّنِّي ؤُسِينْت-يد ثْغَرُّوْبَا نّغْنِي زِي ثنْدِينْت ن طَبَرْيَا غَار ومْشَان نِّي مَانِي شِّين اَغْرُوْم نِّي مَانِي يشكَّر عِيْسَى أَربِّـي.

ڒخذايم 27:35

وَامِي ينَّا اَوَاڒ-أَ، ئِكَّر ييْسِي-د اَغْرُوْم يشكَّر أَربِّـي زَّاثْسن مَارَّا، يرز-يث يبْذَا يتتّ-يث.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 14:3

ونِّي يتْوَاڒَان مَارَّا لْمَكْلَا حَلَال يتْخصَّا-يَاس وَار يسحْقِير شَا ونِّي وَار يتتّن شَا. عَاوذ ونِّي وَار يتتّن شَا يتْخصَّا-يَاس وَار يتْعيِّيب شَا خ ونِّي يتْوَاڒَان لْمَكْلَا مَارَّا حَلَال لِأَنَّا أَربِّـي يقْبڒ-يث.

أيث-روما 14:6

ونِّي يتْوَاڒَان يجّن ن نْهَار مُبَارَك زݣ ونّغْنِي اَذ يݣّ مَانَايَا بَاش اَذ يوقَّر سِيذِي أَربِّـي. ونِّي يتتّن زِي مَارَّا لْمَكْلَا قَا يتتّ بَاش اَذ يوقَّر سِيذِي أَربِّـي لِأَنَّا اَذ يشكَّر أَربِّـي. ونِّي وَار يتتّن شَا زِي مَارَّا لْمَكْلَا قَا يتݣّ مَانَايَا حمَا اَذ يوقَّر سِيذِي أَربِّـي، ؤُڒَا ذ نتَّا اَذ يشكَّر أَربِّـي.

1 أيث-كورينث 6:13

أَذ يِينِي يجّن: "إِيوَا لْمَكْلَا ن وعدِّيس، أَعدِّيس ن لْمَكْلَا." وَلَكِن أَربِّـي اَثن يهْذم س ثْنَاين إِذْسن. دَّات مَاشِي ن لْفَسَاد، دَّات نتَّاث ن سِيذِيثْنغ. أُو سِيذِيثْنغ يتْذبَّر إِ دَّات.

1 أيث-كورينث 7:28

وَلَكِن شك مڒَا ثْمڒْشذ مَعْلِيش، وَار ثعْصِيذ شَا. عَاوذ ثَحَرْمُوْشْت مڒَا ثمْڒش مَعْلِيش، وَار ثعْصِي شَا. وَلَكِن يِنِّي يمڒْشن اَغَارْسن يڒِين لْمَشَاكِل ذِي دُّنشْت-أَ. نش رزُّوْغ اَخَاوم سْبعّْذغ مَانَاينِّي.

1 أيث-كورينث 8:8

إِيوَا مَاشِي ذ لْمَكْلَا إِي ذَانغ غَا يسْقَارّْبن غَار أَربِّـي؛ لَّا، وَار ذَانغ ينفّع شَا مڒَا نشَّا نِغ وَار نشِّي شَا.

أيث-كولوس 2:16

إِذن وَار تجَّام حَدّ اَكنِّيو يعيّب خ مِين تتّم نِغ خ مِين ثْسسّم نِغ خ شَا ن ڒعْيُوْذَاث إِي تِيڒِين كُڒ عَام نِغ كُڒ شْهَار نِغ خ نْهَار ن سّبْث ن لْعِبَادَا.

أيث-كولوس 3:17

مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

1 تيموتاوس 2:4

يخس مَارَّا يوْذَان اَذ تْوَاسْنجْمن اَذ اَوْضن اَذ سّْنن لْحَقِيقَا.

1 تيموتاوس 4:4

قَا مَارَّا مِين د يخْڒق أَربِّـي ذ اَصبْحَان. مڒَا نقْبڒ-يث نشِّين س شُّكر اَتَاف وَار ذَايس مِين غَا نْعِيفّ.

1 تيموتاوس 5:14

إِذن، خْسغ ثَاجَّاڒِين ثِمزْيَانِين اَذ مڒْشنْت اَذ د جّنْت يحنْجِيرن اَذ سُوْݣُوْرنْت ثَدَّارْث نْسنْت مْلِيح وَار تجِّينْت بُو شَان لْفُرْصَا إِ ڒْعَذُو اَخَاسنْت يسِّيوڒ س ڒْعِيب.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.