1 تيموتاوس 1:18 - ثريفيث 2020

¹⁸ آ وُلِدِي تِيْمُوْتَاوُس، أَذَاش ؤُشغ لْمَسْؤُلِيَا-يَا ثَانِيتَان عْلَاحْسَاب اَوَاڒن نِّي إِي خَاش نَّان لْأَنْبِيَا زِي قْبڒ بَاش خْمِي خَاسن غَا ثْعقْڒذ اَتَاف اَذ تْمنْغذ مْلِيح اَمنْغِي-يَا اَصبْحَان،

1 تيموتاوس 1:18 Խաչաձեւ Հղումներ

ڒخذايم 16:1

يُوْوض بُوْلُس غَار ثنْدِينْت ن دِرْبَا ذ ثنْدِينْت ن لِيْسْتْرَا، يُوْفَا ذِنِّي يجّن ن ومحْضَار قَّارن-اَس تِيْمُوْتَاوُس. يمَّاس نتَّاث ذ ثَئِسْرَائِيلِيث ذ ڒْمُوْمْنَا، بَابَاس ذ اَيُوْنَانِي.

1 أيث-كورينث 4:17

خ مَانَاينِّي إِي خف كنِّيو د سّكِّيغ تِيْمُوْتَاوُس. نتَّا يعِيزّن خَافِي اَم شَان ممِّي، ذَايس تِّيقث ذِي سِيذِيثْنغ. أَكنِّيو يسْفكَّر خ يبْرِيذن ينُو ذِي لْمَسِيح مَامّش ثن سڒْمَاذغ ذِي مَارَّا يمُوْشَان ذ مَارَّا ثِجُمَاع ن ڒْمُوْمِنِين.

1 أيث-كورينث 9:7

شُوْف، مَا يدْجَا شَا حَدّ اَذ يَاذف ذِي ڒْعَسْكَار اَذ يخْذم بْڒَا مَا اَذ يتْخَاڒس؟ لَّا! مَا يدْجَا شَا حَدّ اَذ يࢲُّو ثْزَايَارْث وضِيڒ بْڒَا مَا ٱذ يشّ ثِزوْرِين نّس؟ لَّا! مَا يدْجَا شَا حَدّ اَذ يَرْوس ثْحِيمرْث بْڒَا مَا اَذ يسو اَغِي نّس؟ لَّا!

أيث-فيليـپـي 2:22

أَمَّا تِيْمُوْتَاوُس نتَّا ثسّْنم-ث ملْتَازم س يِيخف نّس، ئِخدّم اَكِذِي ذِي لْإِنْجِيل اَم يِجّن ن وحَرْمُوْش يخدّم اَك بَابَاس.

1 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

1 تيموتاوس 4:4

قَا مَارَّا مِين د يخْڒق أَربِّـي ذ اَصبْحَان. مڒَا نقْبڒ-يث نشِّين س شُّكر اَتَاف وَار ذَايس مِين غَا نْعِيفّ.

1 تيموتاوس 6:20

آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

2 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي يعِيزّن خَافِي. أَكِذش يِيڒِي اَرْضَا ذ ڒهْنَا ذ اَرَّاحْمث زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

2 تيموتاوس 4:7

أَمنْغِي-يَا اَصبْحَان منْغغ-ث، ثَازّْڒَا-يَا كمّْڒغ-ت، لْإِيمَان حْضِيغ-ث.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

ثبرات غار فليمون 1:10

تتَّارغ-شك خ وَانِيسَامُو ونِّي يدْجَان اَم ممِّي، أَرِّيغ-ث نش ذ مِّي وَامِي تُوْغَاث اَكِذِي ذِي ڒحْبس.