1 تيموتاوس 1:15 - ثريفيث 2020

¹⁵ أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا.

1 تيموتاوس 1:15 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:21

أَقَا اَذ د تجّ يجّن ن وحنْجِير اَث ثْسمِّيذ عِيْسَى ڒَاحقَّاش نتَّا إِي غَا يسْنجْمن ڒْقُوْم نّس زِي ڒْمُعْصِيَاث نْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 18:10

غَارْوم اَذ تْحݣَّرم شَان حَدّ زݣ يمزْيَانن-أَ. قَّارغ-اَوم: لْمَلَائِكَاث نْسن ذݣ وجنَّا ڒبْدَا خزَّرنْت بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:11

{لِأَنَّا مِّيس ن بْنَاذم يُوْسَا-د اَذ ينجَّا يِنِّي يودَّارن.}

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:13

رُوْحم رْزُوْم خ ڒْمَعْنَا ن لْأَيَا إِي يقَّارن: خْسغ اَذ تْرحْمم يوْذَان، وَار خْسغ بُو اَذ تْغَرْصم إِ ڒبْهَايم." ينَّا-ٱسن: "وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د اَذ ڒَاغِيغ إِ يِنِّي يعْصَّان!"

مرقس 2:17

ئِسْڒَا-يَاسن عِيْسَى ينَّا-ٱسن: "ئِوْذَان يصحَّان وَار تحْذِيجِين بُو وضْبِيب، أَضْبِيب تحْذَاجَان-ث يمهْڒَاش." ينَّا-ٱسن: "نش وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د غَار يِنِّي يعصَّان."

لوقا 15:2

ڒْحِزب ن يفَرِّيسِيْين ذ يمْسڒْمَاذن ن شَّرِيعَا سَّاوَاڒن ذِي عِيْسَى نَّان: "أَرْيَاز-أَ يتْرحَّاب زݣ يِنِّي يعصَّان يتتّ اَكِذْسن!"

لوقا 19:10

مِّيس ن بْنَاذم يُوْسَا-د حمَا اَذ يرْزُو اَذ يسنْجم يِنِّي يودَّرن."

لوقا 5:32

ينَّا-ٱسن: "نش وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان حمَا اَذ تُوْبن، ؤُسِيغ-د غَار يِنِّي يعصَّان."

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

يوحنا 1:29

ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا.

يوحنا 12:47

ونِّي غَا يسْڒن إِ وَاوَاڒ ينُو وَار ذَاس يتْطِيعِي شَا اَتَاف نش وَار ث تْحِسِيبغ شَا. أَقَا نش وَار د ؤُسِيغ شَا اَذ حَاسْبغ دُّنشْت؛ لَّا، ؤُسِيغ-د حمَا اَذ سنْجْمغ دُّنشْت.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

ڒخذايم 11:1

منْبَعْد، اَرُّسُل ذ ؤُوْمَاثن يِنِّي يدْجَان ذِي يَهُوْذِيَا سْڒِين قَا ؤُڒَا ذ يِنِّي وَار يدْجِين شَا زِي أَيث-إِسْرَائِيل قبْڒن اَوَاڒ ن أَربِّـي.

ڒخذايم 11:18

يِنِّي يحْضَارن وَامِي سْڒِين إِ وَاوَاڒ-أَ، سْقَارن حمْذن أَربِّـي نَّان: "خْيَار، ؤُڒَا ذ يِنِّي وَار يدْجِين شَا زِي أَيث-إِسْرَائِيل يُوْشَا-ٱسن أَربِّـي تُّوْبَا اَغَارْسن ثِيڒِي ثُوْذَارْث!"

ڒخذايم 3:26

وَامِي ذَاوم د يُوْشَا أَربِّـي اَخدَّام نّس عِيسَى، ذ اَمزْوَارُو يسّكّ-اَوم-ث-يذ إِ كنِّيو بَاش اَكنِّيو يبَرك، يعْنِي اَذ يسْبعّذ مْكُڒ يجّن زَّايْوم خ شَّرّْ نّس."

أيث-روما 11:14

رزُّوْغ اَذ سْنكَّرغ لْغِرَا ذݣ أَيثْمَا يسْرَائِيلِيْين حمَا اَذ سْنجْمغ ڒبْعَاض زَّايسن.

أيث-روما 5:6

فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا.

1 أيث-كورينث 15:9

أَقَا نش ذ اَمزْيَان قَاع ذِي اَرُّسُل. وَار سْذِيهِيدْجغ شَا اَذَايِي ڒَاغَان اَرَّسُوْل ڒَاحقَّاش تُوْغَا نش تْعدَّابغ جْمَاعث ن ڒْمُوْمِنِين.

أيث-ؤفسوس 3:8

لْبَرَكَا-يَا يُوْشَا-ٱيِي-ت أَربِّـي وَاخَّا ذ اَمزْيَان إِي دْجِيغ خ مَارَّا صَّالِحِين بَاش نش اَذ بشَّرغ يِنِّي وَار يدْجِين شَا زِي أَيث-إِسْرَائِيل اَذ سّْنن اَݣْڒَا نِّي ن لْمَسِيح إِي وَار يتْوَاشرِّيحن شَا.

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

1 تيموتاوس 1:19

أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر.

1 تيموتاوس 3:1

أَقَا يجّن ن وَاوَاڒ ذَايس تِّقث يعْنِي ونِّي يرزُّوْن اَذ يِيڒِي ذ اَرَّايس ن جْمَاعث قَا يرزُّو يجّن ن ثْمسْڒَايْث ذ ثَصبْحَانْت.

1 تيموتاوس 4:9

أَوَاڒ-أَ ذَايس تِّقث أُو لَابُد اَذ يتْوَاقْبڒ يكْمَاڒ.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

2 تيموتاوس 2:11

أَقَا يجّن وَاوَاڒ ذَايس تِّقث: مڒَا نمُّوْث اَكِذس، أُوْشَا أَ ندَّر اَكِذس.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

1 يوحنا 5:11

ذ ثَانِيتَا ذ شْهَاذث-أَ يعْنِي أَربِّـي يُوْشَا-ٱنغ-د ثُوْذَارْث ن ڒبْدَا، ثُوْذَارْث-أَ اَقَات ذِي مِّيس.

لواحي ن يوحنا 21:5

ينَّا-ٱيِي ونِّي يقِّيمن خ لْعَرْش: "أَذ ݣّغ كُڒْشِي ذ جْذِيذ!" أُوْشَا ينَّا: "أَرِي مَانَايَا قَا اَوَاڒن-أَ ذَايْسن ڒَامَان ذَايْسن ڒْحَقّ."

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.