1 أيث-سلونيك 3:13 - ثريفيث 2020

¹³ أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

1 أيث-سلونيك 3:13 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 1:6

زَكَرِيَا ذ إِلِيزَابت نِثْنِي ݣُّوْرن نِيشَان اَك أَربِّـي، ؤُڒ نْسن ذ اَشمْڒَاڒ. تݣّن مَارَّا مِين يُوْمَر ذ مَارَّا مِين يوصَّا سِيذِي أَربِّـي.

أيث-روما 14:4

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

1 أيث-كورينث 15:23

وَلَكِن كُڒ يجّن نُّوْبث نّس: لْمَسِيح نتَّا ذ ثَفدْجَاحْث ثَمزْوَارُوْت. خْمِي د غَا يعْقب نتَّا، أَذ د تَاس نُّوْبث ن يِنِّي يدْجَان زَّايس نتَّا.

أيث-ݣلاطيا 1:4

لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-ؤفسوس 5:27

حمَا لْمَسِيح اَذ يقدّم جْمَاعث ن ڒْمُوْمِنِين إِ يِيخف نّس تْشعْشِيع ذ ثَمْقدّسْت وَار تْوسِّيخ وَار تشْنِيق وَار ذَايس يتِيڒِي بُو شَا ن ڒْعِيب نّغْنِي.

أيث-فيليـپـي 1:10

حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.

أيث-كولوس 1:22

وَلَكِن ڒخُّو لَّا، أَربِّـي يسمْصْڒَاح-يكنِّيو اَكِذس س دَّات ن لْمَسِيح يعْنِي س ڒْموْث نّس بَاش اَكنِّيو يقدّم زَّاثس ثصْفَام بْڒَا ڒْعِيب وَار ذِنِّي بُو وِي كنِّيو إِي غَا يتَاهَامن.

1 أيث-سلونيك 2:19

لِأَنَّا ذ كنِّيو إِي يدْجَان ذ لْأَمَال نّغ ذ ڒفْرَاحث نّغ ذ تَّاج نّغ ن شَّان زَّاث إِ سِيذِيثْنغ عِيْسَى خْمِي د غَا يَاس.

1 أيث-سلونيك 3:11

أَذَانغ يرْزم أَربِّـي بَابَاثْنغ اَبْرِيذ غَارْوم نتَّا س يِيخف نّس اَك سِيذِيثْنغ عِيْسَى.

1 أيث-سلونيك 4:15

عْلَاحْسَاب اَوَاڒ ن سِيذِيثْنغ نقَّار-اَوم قَا نشِّين يعْنِي يِنِّي عَاذ يدَّرن يعْنِي يِنِّي عَاذ يقِّيمن ذِي دُّنشْت-أَ خْمِي د غَا يَاس سِيذِيثْنغ قَا نشِّين وَار نتْݣَعِّيذ شَا ذ يمزْوُوْرَا خ يِنِّي يطّْصن ذݣ يمضْڒَان.

1 أيث-سلونيك 4:17

سّنِّي نشِّين يعْنِي يِنِّي عَاذ يدَّرن يعْنِي ينِّي عَاذ اَقَانغ ذِي دُّنشْت-أَ اَتَاف اَكِذْسن نتْوَارْفع غَار وجنَّا ذݣ يسيْنُوْثن بَاش أَ نْمڒْقَا اَك سِيذِيثْنغ ذِي لْهَوَا. وَا ٱمنِّي اَكِذس نِيڒِي إِ ڒبْدَا.

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

2 أيث-سلونيك 1:10

مَانَايَا اَذ يوْقع ذِي يُوْم نِّي إِي د غَا يَاس سِيذِيثْنغ بَاش اَذ يتْوَاسمْغَار جَار صَّالِحِين نّس، نتَّا اَزَّايس تْعجّْبن مَارَّا يِنِّي يُوْمْنن، ذَايْسن كنِّيو مِينْزِي ثُوْمْنم زِي مِين خَاس نشْهذ.

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

2 أيث-سلونيك 2:1

أَمَّا يُوْم نِّي خْمِي د غَا يمظْهَار سِيذِيثْنغ عِيْسَى لْمَسِيح نشِّين اَغَارس نْݣَعّذ. آي أَيثْمَا، نقَّار-اَوم

ثبرات غار يعقوب 5:8

ؤُڒَا ذ كنِّيو صْبَارث شجّْعث يخف نْوم مِينْزِي سِيذِيثْنغ عْڒَاين اَذ د يعْقب.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،