1 يوحنا 5:14 - ثريفيث 2020

¹⁴ ذ ثَا ذ تِّقث إِي غَارْنغ ذَايس يعْنِي مڒَا نتَّار-اَس شَان ثْمسْڒَايْث عْلَاحْسَاب ڒْخَاضَر نّس اَتَاف نتَّا اَغَارْنغ يصنّط.

1 يوحنا 5:14 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:22

ينَّا-ٱسن: مڒَا ثُوْمْنم، أَغَارْوم يِيڒِي مَارَّا مِين غَا ثتَّارم إِ أَربِّـي ذِي ثْࢲَادْجِيث نْوم."

يوحنا 11:42

نش سّْنغ قَا شك ڒبْدَا تسْتَاجَابذ-اَيِي، وَلَكِن نش قَّارغ مَانَايَا عْلَاحْسَاب خ ڒْغَاشِي-يَا إِي ذَايِي د ينّْضن، حمَا اَذ اَمْنن بلِّي قَا ذ شك إِي ذَايِي د يسّكّن."

يوحنا 14:13

مَارَّا مِين غَا ثتَّارم عْلَاحْسَاب يسم ينُو اَث خذْمغ حمَا اَذ يتْوَاسمْغَار بَابَا س مِّيس.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

يوحنا 16:24

حتَّا ٱڒ ڒخُّو وَار ثتَّارم وَالُو عْلَاحْسَاب يسم ينُو. تَّارث اَذ تَافم، أَتَاف ڒفْرَاحث نْوم اَذ تِيڒِي ثكْمَاڒ.

يوحنا 9:31

نشِّين نسّن أَربِّـي وَار يتسْڒِي شَا غَار يِنِّي يعصَّان؛ لَّا، ئِتسْڒَا غَار يِنِّي إِي ث يتْوقَّارن ذ يِنِّي يخدّْمن س مِين يخس.

أيث-ؤفسوس 3:12

زَّايس نتَّا أَ نْقَارّب غَار أَربِّـي س زْعَامث ذ تِّقث بْڒَا مَا أَ نݣّْوذ خْمِي زَّايس نْتَامن.

يعيبرانيين 10:35

إِذن ٱجّث تِّقث نْوم، نتَّاث اَذَاوم د ثَاوِي يجّن ن لْأَجَر يمْغَر.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

ثبرات غار يعقوب 4:3

خْمِي ذَاس تتَّارم وَار ذَاوم د يتِيشّ شَا، مَايمِّي؟ لِأَنَّا كنِّيو تْغَالَّاطم ذِي مِين ذَاس تتَّارم، ثخْسم اَذ تْسعّْفم شّهَاوَاث نْوم أُو صَافِي.

ثبرات غار يعقوب 5:16

عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.