1 يوحنا 3:10 - ثريفيث 2020

¹⁰ مَامّش غَا نݣّ أَ نسْفرق ثَارْوَا ن أَربِّـي ذ ثَارْوَا ن إِبْڒِيس؟ قَا يِنِّي وَار يقِّيمن شَا سْخدَّامن مِين يدْجَان نِيْشَان وَار دْجِين شَا زِي أَربِّـي. عَاوذ ونِّي وَار يتخْسن شَا ؤُمَاس وَار يدْجِي شَا زِي أَربِّـي.

1 يوحنا 3:10 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:38

أَمَرْجع نتَّا ذ دُّنشْت. زَّرِّيعث ثَصبْحَانْت نتَّاث ذ ثَارْوَا ن ڒْمُلْك وجنَّا. ئِسنَّانن نِثْنِي ذ ثَارْوَا ن وعفَّان نِّي ن إِبْڒِيس.

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

يوحنا 11:52

وَار يدْجِي بُو خ لْأُمَّا ن أَيث-إِسْرَائِيل وَاهَا، ؤُڒَا ذ ثَارْوَا ن أَربِّـي يتمْزدْجَاعن ذِي ثْمُوْرَا، أَثن يسْمُوْن أَربِّـي ذ يجّن.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

يوحنا 8:47

ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

ڒخذايم 13:10

ينَّا-ٱس: "شك ذ مِّيس ن إِبْڒِيس. شك ذ ڒَعْذُو ن قَاع مِين يدْجَان نِيشَان، ثشُّوْرذ س لْحِيلَا ذ ثحْرَايْمشْت! مَا عَاذ ثْرزُّوْذ اَذ تْعوّْجذ يبْرِيذن إِي يدْجَان نِيشَان ن سِيذِي أَربِّـي؟

أيث-روما 13:8

ئِتْخصَّا وَار يتِيڒِي شَا ومَارْوَاس جَارَاوم؛ لَّا، ئِتْخصَّا اَذ يِيڒِي إِلَّا ومَارْوَاس ن ڒمْحِبّث. أَقَا ونِّي يتخْسن ونّضْنِي يتْوَاحْسَاب يكمّڒ مِين يُوْرِين ذِي شَّرِيعَا.

أيث-ؤفسوس 5:1

فَلِيهَذَا ݣّم مَامش يتݣّ أَربِّـي مِينْزِي كنِّيو ذ ثَارْوَا نّس يمْعِيزّن.

أيث-كولوس 3:14

كْتَار مَارَّا زِي ثْمسْڒَايِين-أَ ثِيْنَا يتْخصَّا اَذ تسْخذْمم ڒمْحِبّث جَارَاوم مِينْزِي ڒمْحِبّث-أَ تَاس-د اَم يِجّن ن وسْغُوْن إِݣ يسْمُوْنن مَارَّا ثِمسْڒَايِين-أَ ذݣ يِشْتن.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 يوحنا 2:29

خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

1 يوحنا 3:1

خْزَرث مشْحَاڒ ذ ثَمقّْرَانْت ڒمْحِبّث إِي ذَانغ د يُوْشَا بَابَاثْنغ وَامِي نتْوَاسمَّا ذ ثَارْوَا ن أَربِّـي! أُو ذ صَّح اَمُّو إِي ندْجَا. دُّنشْت-أَ، مَايمِّي وَار ذَانغ ثسِّين شَا نشِّين؟ ڒَاحقَّاش ؤُڒَا ذ نتَّا وَار ث ثسِّين شَا.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

1 يوحنا 4:21

إِيوَا اَقَا ڒُوْصِيّث إِي ذَانغ يجَّا لْمَسِيح يعْنِي ونِّي يتخْسن أَربِّـي يتْخصَّا-ث اَذ يخس ؤُڒَا ذ ؤُمَاس.

1 يوحنا 4:6

نشِّين زِي أَربِّـي إِي ندْجَا. ونِّي يسّْنن أَربِّـي يتْصنَّاط-اَنغ. ونِّي وَار يدْجِين شَا زِي أَربِّـي وَار ذَانغ يتْصنِّيط شَا. س مَانَايَا إِي غَا نسّن أَرُّوْح ن لْحَقِيقَا ذ اَرُّوْح ن يخَرِّيقن.

1 يوحنا 4:8

ونِّي وَار يتخْسن شَا وَار يسِّين شَا أَربِّـي ڒَاحقَّاش أَربِّـي ذ ڒمْحِبّث إِݣ يدْجَا.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

1 يوحنا 5:2

مَامّش غَا نݣّ نشِّين أَ نسّن إِلَّا نْتخْس ثَارْوَا ن أَربِّـي؟ نْتسّن-يث مڒَا نْتخْس أَربِّـي نتْطَاعَا-ٱسنْت إِ ڒُوْصِيَاث نّس.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.