1 يوحنا 2:29 - ثريفيث 2020

²⁹ خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

1 يوحنا 2:29 Խաչաձեւ Հղումներ

يوحنا 1:13

يِيْنَا وَار د خْڒِيقن شَا عْلَاحْسَاب دُّوْرِّيث ؤُڒَا عْلَاحْسَاب مِين تخْس دَّات ؤُڒَا عْلَاحْسَاب ڒْخَاضَر ن ورْيَاز؛ لَّا، ذ أَربِّـي إِي ثن د يجِّين.

يوحنا 7:18

ونِّي يسَّاوَاڒن زِي غَارس يرزُّو لْعَظَمَا إِ يِيخف نّس. ونِّي يرزُّون لْعَظَمَا ن ونِّي إِي ثِيذ يسّكّن، قَا نتَّا ذَايس لْحَقِيقَا وَار ذَايس بُو ڒْغشّ.

ڒخذايم 10:35

أَربِّـي يقبّڒ يوْذَان زِي مْكُڒ ڒْݣنْس يِنِّي إِي ث يتݣّْوْذن تݣّن مِين يدْجَان نِيشَان.

ڒخذايم 22:14

ينَّا-ٱيِي: أَربِّـي ن ڒجْذُوْذ نّغ يخْضَر-يشك نتَّا بَاش اَذ تسّْنذ مِين يخس، أَذ تْوَاڒِيذ س ثِيطَّاوِين نّش اَخدَّام نّس صَّالِح اَذ تْصنّْطذ إِ يِجّن ن وَاوَاڒ زݣ وقمُّوْم نّس.

ڒخذايم 3:14

ونِّي يدْجَان عَظِيم ذ صَّالِح ثنْكَرم-ث، ونِّي يدْجَان ذ اَمحْبُوْس ذ لْمُجْرِيم ثتَّارم خَاس إِ بِيلَاطُوْس اَذَاوم د يتْوَاضْڒق.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

يعيبرانيين 7:2

يُوْشَا-ٱس بْرَاهِيم إِ مَلِكِيصَادِق ڒَعْشُوْر، عشْرَا ذِي مِيَّا زِي مَارَّا. ذ اَمزْوَارُو ڒْمَعْنَا ن يِيسم-أَ ن مَلِكِيصَادِق يخس اَذ يِينِي <أَزدْجِيذ ن صُّلْح.> أُو عَاوذ نتَّا ذ لْمَلِك ن ثنْدِينْت ن سَالِيم يعْنِي ذ اَزدْجِيذ ن ڒهْنَا.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

2 بطرس 1:4

عْلَاحْسَاب ثِمسْڒَايِين-أَ نتَّا يُوْشَا-ٱنغ-د لْوُعُوْد نّس يمْغَارن إِݣ يسوَّان اَطَّاس. حمَا س لْوُعُوْد-أَ اَذ تْشَرْشم ذِي طَّبِيعَا ن ونِّي يُوْعْڒَان وَامِي ثَروْڒم زِي مِين يفنَّان ذِي دُّنشْت-أَ عْلَاحْسَاب شّهَاوَاث ثِعفَّانِين.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

1 يوحنا 3:7

آ يحنْجِيرن، وَار تجَّام حَدّ اَكنِّيو يخْذع. ونِّي إِݣ يقِّيمن يسْخدَّام مِين يدْجَان نِيْشَان قَا نتَّا اَقَاث نِيْشَان مَامّش إِݣ يدْجَا سِيذِيثْنغ.

1 يوحنا 4:7

آي يمْعِيزّن ينُو، أُو لَّابُد أَ نْتخْس اَيَوْيَا ڒَاحقَّاش ڒمْحِبّث تكَّا-د زِي أَربِّـي. ونِّي يتخْسن نتَّا يخْڒق-د زِي أَربِّـي يسّن أَربِّـي.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

1 يوحنا 5:18

نشِّين نسّن بلِّي مَارَّا ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث. مِّيس إِي د يخڒْقن زِي أَربِّـي يحطَّا-ث، وَار ث يتْضَرِّي شَا لْمُفْسِيد.

1 يوحنا 5:4

أَقَا مَارَّا ونِّي إِي د يخڒْقن زِي أَربِّـي اَذ يغْڒب خ دُّنشْت-أَ. ذ وَا ذ اَغْڒَاب إِي زِي نغْڒب خ دُّنشْت-أَ يعْنِي لْإِيمَان نّغ.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.