1 يوحنا 2:22 - ثريفيث 2020

²² مِين يعْنَا ونِّي إِي يسْخَرِّيقن إِلَّا ونِّي ينكَّرن بلِّي عِيْسَى ذ لْمَسِيح؟ نتَّا ذ دّجَّال يعْنِي ونِّي إِي ينكَّرن بَابَاثْنغ ذ مِّيس.

1 يوحنا 2:22 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:5

أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! أَذ خذْعن اَطَّاس ن يِوْذَان.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

1 يوحنا 1:6

مڒَا نقَّار قَا نشِّين نْتمْعَاشَر اَكِذس وَلَكِن نݣُّوْر ذݣ وبْرِيذ ن ثَادْجسْت اَتَاف نسْخَرِّيق وَاهَا وَار نسْخدِّيم شَا لْحَقِيقَا.

1 يوحنا 2:18

آ يحنْجِيرن، أَقَا ثْسَاعَّات-أَ ثَنݣَّارُوْت ثُوْوض-د. كنِّيو ثسْڒِيم دّجَّال نِّي يݣُّوْر-د، أَمنِّي عَاوذ اَطَّاس ن يِوْذَان إِي د يُوْسِين ڒخُّو ݣِّين اَم دّجَّال نِّي. س مَانَاينِّي إِي نسّن اَقَا ثْسَاعَّات ثَنݣَّارُوْت ثُوْوض-د.

1 يوحنا 2:23

ونِّي غَا ينْكَرن مِّيس اَتَاف وَار غَارس يتِيڒِي شَا بَابَاس. ونِّي إِي غَا يقبْڒن مِّيس اَتَاف اَغَارس يِيڒِي بَابَاس.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

1 يوحنا 4:20

ونِّي يقَّارن قَا نش تخْسغ أَربِّـي نتَّا يتْعِيفَّا ؤُمَاس، أَتَاف نتَّا ذ بُو-يخَرِّيقن وَاهَا إِݣ يدْجَا. مَايمِّي؟ ونِّي وَار يتخْسن شَا ؤُمَاس إِݣ يࢲرّ، أَتَاف وَار يزمَّر شَا اَذ يخس أَربِّـي إِي وَار يࢲرّ شَا.

1 يوحنا 4:3

أَرُّوْح نِّي وَار يشهّْذن شَا خ عِيْسَى اَتَاف وَار د يُوْسِي شَا زِي أَربِّـي. أَرُّوْح-أَ نتَّا ذ اَرُّوْح ن دّجَّال إِي خف ثسْڒِيم كنِّيو نتَّا يتَاس-د، ڒخُّو عَاوذ اَقَاث ذَا ذِي دُّنشْت-أَ.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

2 يوحنا 1:7

أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 3:9

أَمَّا يِنِّي زِي جْمَاعث إِي يعبّْذن شِّيطَان حسّْبن يخف نْسن زِي أَيث-إِسْرَائِيل، وَلَكِن نِثْنِي وَار دْجِين شَا زِي أَيث-إِسْرَائِيل سْخرِّيقن وَاهَا. أَثن د اَرّغ س بزّز اَذ د اَسن اَذ سجّْذن غَار يضَارن نّش اَذ سّْنن نش تْحِبِّيغ-شك.