1 أيث-كورينث 9:8 - ثريفيث 2020

⁸ مَا قَّارغ مَانَايَا عْلَاحْسَاب اَرَّاي ن بْنَاذم وَاهَا؟ لَّا، عْلَاحْسَاب اَرَّاي ن شَّرِيعَا يقَّار كِيف-كِيف.

1 أيث-كورينث 9:8 Խաչաձեւ Հղումներ

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

أيث-روما 3:5

فَا مڒَا ڒْبَاطڒ نّغ إِي نْتݣّ يسْمظْهَار-د ڒْحَقّ ن أَربِّـي، مِين غَا نِينِي؟ (نش سَّاوَاڒغ عْلَاحْسَاب لْفِكْرَا ن بْنَاذم.) أَربِّـي، مَا يضدْجم-اَنغ خْمِي ذَانغ يتْعَاقَاب؟

أيث-روما 6:19

نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.

1 أيث-كورينث 14:34

ثِمْغَارِين ذِي ثْجُمَاع ن ڒْمُوْمِنِين لَابُد اَذ قِّيمنْت سْتُوْكَانْت. وَار ذَاسنْت يتْوَاسْمِيح شَا اَذ سِّيوْڒنْت. لَابُد اَذ تْسذْحَانْت مَامّش ثقَّار شَّرِيعَا ن مُوْسَى.

1 أيث-كورينث 7:40

وَلَكِن مَامّش تْوَاڒِيغ نش، أَذ تْفَرح كْتَار مڒَا ثقِّيم مَامّش ثدْجَا. وَاه، تْفكَّرغ بلِّي ؤُڒَا ذ نش اَكِذِي اَرُّوْح ن أَربِّـي ذِي مَانَايَا.

أيث-ݣلاطيا 1:11

فَا آي أَيثْمَا، يتْخصَّا-كنِّيو اَذ تسّْنم بلِّي لإِنْجِيل نِّي إِي زِي كنِّيو بشَّرغ قَا نتَّا وَار د يُوْسِي شَا زِي بْنَاذم.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

1 أيث-سلونيك 4:8

فَلِيهَذَا ونِّي يتَاݣِين اَذ يذْفَار ڒُوْصِيّث-أَ ثَانِيتَان اَتَاف مَاشِي يتَاݣِي إِ بْنَاذم، ئِتَاݣِي إِ أَربِّـي ونِّي إِي ذَاوم د يتِيشّن أَرُّوْح نّس يقدّْسن.