1 أيث-كورينث 9:23 - ثريفيث 2020

²³ نش تݣّغ مَارَّا مَانَايَا عْلَاحْسَاب لْإِنْجِيل حمَا اَذ شَرْشغ ذِي لْبَرَكَاث نّس.

1 أيث-كورينث 9:23 Խաչաձեւ Հղումներ

مرقس 8:35

ڒَاحقَّاش ونِّي يخْسن اَذ يسنْجم ثُوْذَارْث نّس اَتَاف اَت يخْسَر. ونِّي إِي غَا يخْسَرن ثُوْذَارْث نّس خ سَّبَاب ينُو ذ سَّبَاب ن لْإِنْجِيل اَتَاف اَت يسنْجم.

أيث-روما 11:17

شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.

1 أيث-كورينث 9:12

مڒَا يوْذَان نّغْنِي غَارْسن ڒْحَقّ نِّي ن شَّارْض اَذَاسن ثُوْشم، يَاك نشِّين غَارْنغ ڒْحَقّ-أَ كْتَار نِغ لَّا؟ وَلَكِن نشِّين نُوْݣِي أَ نْكسِّي ڒْحَقّ-أَ وَانِيتَا. نْصبَّر اَطَّاس إِ ثْمسْڒَايِين بَاش وَار نتْبلَّاع شَا ثَوَّارْث إِ لِإِنْجِيل.

1 أيث-كورينث 9:22

أَرِّيغ يخف ينُو اَم يِجّن يضْعف غَار يِنِّي يضعْفن بَاش اَتَاف اَثن ربْحغ. أَرِّيغ يخف ينُو ذ مَارَّا إِ مَارَّا يوْذَان بَاش اَذ ݣّغ مَارَّا لْإِمْكَانِيَاث اَذ سْنجْمغ شَا زَّايْسن.

1 أيث-كورينث 9:24

مَا وَار ثسِّينم شَا ثَازْڒَا نِّي يتݣّن ذِي لْملْعَب؟ مَارَّا تَازّْڒن وَلَكِن يجّن وَاهَا إِي غَا يربْحن لْجَائِزَا. أَمنِّي ؤُڒَا ذ كنِّيو يتْخصَّا اَذ تَازْڒم بَاش اَت ثْربْحم.

22 أيث-كورينث 2:4

لِأَنَّا ؤُرِيغ-اَوم-ت-يد س يِجّن ن ؤُزِيَّار ذ يِجّن ن وخِيّق زݣ وُوْڒ ينُو ذ وَاطَّاس ن يمطَّاون. وَار يدْجِي بُو نِّيغ-اَوم-ت حمَا اَكنِّيو سْخيّْقغ؛ لَّا، حمَا اَذ تسّْنم مشْحَاڒ ثمْغَار ڒمْحِبّث ينُو غَارْوم.

أيث-ݣلاطيا 2:5

وَلَكِن نشِّين نُوْݣِي اَذَاسن نݣّ اَرَّاي ؤُڒَا ذ يجّن ن دْقِيقث حمَا اَذ تقِّيم اَكِذْوم لْحَقِيقَا ن لْإِنْجِيل.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 2:6

أَفدْجَاح إِݣ يتَمَارن ذِي ڒْخذْمث أُو لَابُد اَذ ييْسِي ڒْحَقّ نّس نتَّا ذ اَمزْوَارُو زِي ثْفدْجَاحْث نِّي.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

1 يوحنا 1:3

مِين نࢲْرَا ذ مِين نتْسْڒَا نتْبشَّار-يكنِّيو زَّايس حمَا ؤُڒَا ذ كنِّيو اَذ تمْعَاشَرم اَكِذْنغ. مَارَّا نشِّين ثَمْعَاشَرْث نّغ اَقَات اَك بَابَاثْنغ ذ مِّيس عِيْسَى لْمَسِيح.