1 أيث-كورينث 7:37 - ثريفيث 2020

³⁷ أَمَّا ونِّي يعوّْڒن مْلِيح ذݣ وُوْڒ نّس اَذ يفْسخ اَك ثنِّي إِݣ يخْظب. مڒَا يعمّذ خ مَانَايَا ذݣ وُوْڒ نّس وَار ذِنِّي حتَّا ذ شَا ن ڒْحَاجث اَخَاس ثْزيَّار يعْنِي يحكّم خ شّهْوث نّس، مَعْلِيش يݣَّا مْلِيح.

1 أيث-كورينث 7:37 Խաչաձեւ Հղումներ

1 أيث-كورينث 7:1

فَا ڒخُّو أَ نْسِّيوڒ خ ثْمسْڒَايِين إِي خف ثُوْرِيم كنِّيو. مَثَالَان، مْلِيح اَرْيَاز مڒَا وَار يتْحِيذِي شَا ثَمْغَارْث.

1 أيث-كورينث 7:36

فَا ونِّي يخظْبن، مڒَا وَار يزمَّر شَا اَذ يصْبَر خ ثْحنْجِيرْث نِّي يعْنِي وَار يحكّم شَا مْلِيح خ شّهَاوَاث نّس، صَافِي يتْخصَّا-ٱس اَذ يݣّ لْوَاجِب نّس يعْنِي اَذ يمْڒش اَكِذس. مَعْلِيش نتَّا وَار يعصِّي شَا.

1 أيث-كورينث 7:38

خ مَانَايَا ونِّي يمڒْشن اَك ثنِّي إِݣ يخْظب، مَعْلِيش يݣَّا مْلِيح. أُو ونِّي وَار كِذس يمْڒِيشن شَا، يݣَّا حْسن عَاذ.

22 أيث-كورينث 9:7

كُڒ يجّن يتْخصَّا-يَاس اَذ يصدّق س مِين ينْوَا ذݣ وُوْڒ نّس مَاشِي س وخيَّاق نِغ س بسِّيف، مِينْزِي أَربِّـي يتخْس ونِّي يتْصدَّاقن س ڒفْرَاحث.

1 بطرس 5:2

اَروْسث ثْحِيْمرْث نِّي ن أَربِّـي إِي خف كنِّيو يتْكلَّاف نتَّا. حْضَام-تث س ڒْخَاضَر نْوم مَاشِي س يِجّن ن بزّز إِي خَاوم تݣّن مِينْزِي اَمُّو إِي يخس أَربِّـي. مَاشِي س طّْمَع ن ڒفْضِيحث، لَّا س وُوْڒَاون نْوم.